Mateu 5:4 - Mukanda Wa Zambi 1970

⁴ “Kaawaha akwa kunenganyana, mumu Zambi kumakaalembejeka!

MUKANDA USANDU WA ZAMBI 1975

⁴ Kawaha waze akulinyenga, mumu kumakaalembejeka.

Mateu 5:4 Iomraidhean Croise

Izaya 12:1

Tangwa mulikeza lize atu maakemba ngwo: “Mwene Zambi, ngunakusakwilila! Yena wangutenukinyine, alioze haliabwila unangulembejeka, utenu we hiwahwa.

Izaya 25:8

Mwene Zambi makakumba kufwa ndoo ku miaka yeswe! Makakusumuna masoji ku meso ja atu eswe ni kuchiza sau lize atu jenyi aasawile hashi heswe. Mwene Zambi wachamba!

Izaya 30:19

Yenu waze nwatwama mu Zione kunuchi kahia nawa nichimwe. Mwene Zambi kali mukwa utu, muze munuteta kuli iye hanga anukwase, kumanukumbulula.

Izaya 35:10

Maakaheta mu Yerusaleme ni chiseke, nikwimbamba ni kutumbwoka ni chiseke. Mumu chinyengo ni mikuma muyikahwa ku miaka yeswe.

Izaya 57:18

“Namwene yize akulinga, alioze mungwawuka. Mungwasongwela ni kwakwasa, mungutakamisa waze akunyenganyana.

Izaya 66:10

Wahililenu ni Yerusaleme; wahililenu mumu hali iye, yenu eswe waze nwakuzanga limbo lino! Wahililenu hamwe nenyi haliabwila, eswe waze te nwakunenganyana hali iye!

Izaya 66:2

Kwoko liami kuliatangile yuma yeswe, nyi? Nakuwahilila ni waze akulikehesa ni akwalumuka ku mbunge, waze akungulemesa ni kungwononokena.

Ezekiel 7:16

Amwe maachinyina ku milundu ngwe membe waze anevu woma a mu yikulo. Eswe maatwa mikuma mumu ha milonga yo.

Ezekiel 9:4

“Yako mu limbo lieswe lia Yerusaleme, ufunjike ha mahina ja eswe waze akunenganyana ni kulibikala mumu ha yuma yeswe ya kuzelwokesa yize atu akulinga mu limbo.”

Zakaria 12:10

“Vungu lie David ni akwa Yerusaleme akwo, mungukaaha mbunge ya keke ni zango ya kulemba. Kumaakatala yoze atuwile kunga, yoze ashihile. Kumaakalinyenga hali iye ngwe waze analinyenge hali mwana wa wika. Maakamulila mbimbi chikolo, ngwe waze haatokesa mwano mutangu wa lunga.

Luka 16:25

Alioze Abrahama ngwenyi: ‘Mwanami, iwuluka ngwe, yena watambwile yuma yibema ha matangwa ja mwono we, alioze Lazaru lamba linji amwene. Haliabwila kanamulembejeka hano, alioze yena uli mu ubinjilo.

Luka 6:21

“Kunwawaha yenu nwakwivwa zala haliabwila, mumu munukakuta! “Kunwawaha yenu nwakulila haliabwila, mumu munukaseha!

Luka 6:25

“Lamba lienu yenu nwakukula haliabwila, mumu munukevwa zala! “Lamba lienu yenu nwakuseha haliabwila, mumu munukanenganyana, munukalila!

Luka 7:38

Yamana kunyima lia Yesu ku molu jenyi, yalilalila, yasanyisa molu ja Yesu ni masoji jenyi, yaakusumuna ni kambu jenyi, yaambeja, yaawayisa maji.

Luka 7:50

Alioze Yesu yambila mwe pwo ngwenyi: “Ufulielo we hiwakulamwina. Yako kwe ni uhwimino.”

Tiangu (Jake) 1:12

Kawaha mutu yoze wakukumba mu yeseko. Mumu muze hakumba, mabwa ni mwono. Mwono uze uli chawana chize Zambi hanalakenya waze akumuzanga.

Usolwelo 21:4

Makakusumuna masoji eswe ku meso jo. Kufwa kuchichi kabwa nawa, chibwe kunenganyana, chibwe mahio, chibwe yikola. Yuma yitangu hiyinahu.”