Mateu 5:3 - Mukanda Wa Zambi 1970

³ “Kaawaha waze akunyingika ngwo: ‘tuli yiswale mu mbunge,’ mumu Wanangana wa mwilu niwo!

MUKANDA USANDU WA ZAMBI 1975

³ Kawaha yiswale mu Spiritu, mumu wanangana wa malilu niwo.

Mateu 5:3 Iomraidhean Croise

2 Sango Ja Mianangana 33:12

Mba muze hamona lamba, yalikehesa, yatewuluka kuli Mwene Zambi, Zambi yenyi, yaliumba amukwase.

2 Sango Ja Mianangana 33:19

Kulemba cha mwanangana ni kumbululo lia Zambi, ni sango ja yibi yize avulumwine shimbu te kanda achalumuka ku mbunge, ni yilumbilo ya kuwayila, ni tuponya twa zambi wa pwo Ashera waze alingile, ni mahamba waze te akukombelela, haanayisoneka mu mukanda wa Sango ja Akwa Munanyi.

2 Sango Ja Mianangana 33:23

Alioze kalikehesele ko ku meso ja Mwene Zambi ngwe chize alingile tato; yavulumuna kuhiana tato.

2 Sango Ja Mianangana 34:27

hiwalumuka ku mbunge, hiwalikehesa ku meso jami nikutanuna mahina je nikulila, muze hiwevwa chize ngunambe kumwesa akwa Yerusaleme lamba. Yami hinevwa kulemba che.

2 Sango Ja Mianangana 7:14

nyi ngwe alemba kuli yami, nyi alumuka ku mbunge, ni kwehuka yibi yize te akulinga, mba muze mwilu nguli mungwabanjika, ni kwakonekena milonga yo, ni kuwahisa nawa chifuchi cho.

Jobe 42:6

Kashika ngunevu sonyi ha yize yeswe hinahanjika, hinalumuna mbunge, hinatwama mu fufuta ni uto.

Miaso (Masamu) 1:1

Kawaha mutu yoze keshi kutayiza chiyulo cha yingulungulu, yoze keshi kwimbulula atu abi, yoze keshi kulikata ni akwa kulelesa Zambi.

Miaso (Masamu) 112:1

Chichimiekenu Mwene Zambi! Kawaha mutu yoze wakulemesa Mwene Zambi, yoze wakuwahilila ni kufunga Shimbi jenyi.

Miaso (Masamu) 128:1

Kawaha atu waze akulemesa Zambi, waze akufunga Shimbi jenyi.

Miaso (Masamu) 146:5

Kawaha yoze uli ni Zambi ya Yakoba kumukwasa, yoze wakusa mbunge kuli Mwene Zambi, Zambi yenyi,

Miaso (Masamu) 34:18

Mwene Zambi kali hehi ni waze haahonga, kakulamwina waze akwivwa kubiha kuhiana.

Miaso (Masamu) 41:1

Kawaha yoze wakukwasa yiswale, Mwene Zambi mamukwasa muze iye mwene mamona lamba.

Miaso (Masamu) 51:17

Aa Zambi, mulambu wami uli mbunge ya kulikehesa; yena kuushi kulelesa mbunge ya kulikehesa ni ya chinyengo.

Miaso (Masamu) 84:12

Zambi Mukwa Ndundo Jeswe, kaawaha atu waze akushachila hali yena!

Yishima 16:19

Chili chibema kubwa mukwa kulikehesa ni kubwa chiswale, alioze hi chibema ko kubwa mukwa kulengumuka nikulianyina ubite wa kububa.

Yishima 29:23

Kulengumuka muchikulimbwisa, alioze nyi uli mukwa kulikehesa, maakulemesa.

Yishima 8:32

“Haliabwila yenu akweze, ngubanjikenu. Lingenu ngwe chize ngunambe, mba munuwahilila.

Izaya 30:18

Hindu Mwene Zambi kanashimbwila kunulweza keke. Kanalilulika kunulweza keke mumu matangwa eswe kakulinga yize yinalite. Kawaha waze akushachila hali Mwene Zambi.

Izaya 57:15

“Nguli Zambi Munangi, wa Mwilu Mwahiana, Zambi wa miaka yeswe. Kunatwama homa hanangama ha chijila, alioze kunatwama nawa hamwe ni waze akulikehesa ni kwalumuka ku mbunge. Nakuchilinga ni kwahuzulula mbunge.

Izaya 61:1

Mwiku wa Mwene Zambi uli muli yami. Hananguwayisa mu kwambujolela yiswale sango jibema ni kuwuka waze ayiza yikola ya mbunge, ni kwambujola utuswilo kuli funge, ni kutusula waze ali mu zuwo lia lamba,

Izaya 66:2

Kwoko liami kuliatangile yuma yeswe, nyi? Nakuwahilila ni waze akulikehesa ni akwalumuka ku mbunge, waze akungulemesa ni kungwononokena.

Mika 6:8

Kaa mata! Mwene Zambi hanatulweze chize akuzanga: kulinga chize chinalite, kulweza zango lize kulishi kuhwa, kuliendela ni Zambi yetu nikulikehesa.

Mateu 11:25

Ha shimbu lize Yesu yamba ngwenyi: “A tata, Mwenya lilu ni hashi! Ngunakusakwila mumu hiwasolwela waze kaalilongesele yuma yize waswekelela akwa mana ni waze haanalilongesa.

Mateu 11:6

Kawaha yoze keshi kuyambashana hakutwala kuli yami!”

Mateu 13:16

Alioze yenu nunawaha, mumu meso jenu kaakumona, ni matwi jenu kaakwivwa.

Mateu 19:14

Yesu ngwenyi: “Tayizenu ana eze kuli yami. Kanda nwakanjisa, mumu Wanangana wa mwilu wa atu ngwe wano.”

Mateu 24:46

Kawaha kavumbi yoze, nyi mwata wenyi muze mahiluka, mamuwana kanalingi Chenacho!

Mateu 25:34

Hohene Mwanangana makambila waze ku chindume ngwenyi: ‘Tweyenu, yenu waze Tata hanawahisa, nuhinge wanangana uze anululikilile chize ku kutanga cha hashi.

Mateu 3:2

“Alumukenu ku mbunge, mumu Wanangana wa mwilu hiwakundama.”

Mateu 8:11

Ngunanwambe ngwami, anji maakeza ku chivumbuko ni ku chitokelo ni kutwama ku mesa mu Wanangana wa mwilu hamwe ni tata Abrahama ni tata Isake, ni tata Yakoba.

Marku 10:14

Yesu yachimona, yevwa wuli, yaamba ngwenyi: “Tayizenu ana eze kuli yami. Kanda nwakanjisa, mumu Wanangana wa Zambi wa atu ngwe wano.

Luka 11:28

Alioze Yesu yakumbulula ngwenyi: “Shinoho kawaha waze akwivwa liji lia Zambi ni Yoa kuliononokena!”

Luka 18:14

Yesu yawezaho nwenyi: “Ngunanwambulwila ngwami, mutu yono yahiluka ku mahienyi mukwa kusamba ku meso ja Zambi, alioze hi yoze mukwo ko. Mumu yoze malilemesa, Zambi makamulelesa; ni yoze malilelesa, Zambi neye makamulemesa.”

Luka 22:29

Ngwe Tata hanangusela Wanangana, chimuwika nawa ngunanusela Wanangana.

Luka 22:30

Munukalia ni munukanwa ku mesa yami mu Wanangana wami. Munukatwama ha yitwamo ya mianangana ni kubatwila mavungu kumi ni aali a Israele.”

Luka 4:18

“Mwiku wa Mwene Zambi uli muli yami. Hananguwayisa mu kwambujolela yiswale Sango Jipema, hanangutumu mu kunyingikisa utuswilo kuli funge, mu kulawisa meso ja tupuputa, mu kutusula waze akumona lamba,

Yoano 20:29

Yesu ngwenyi: “Mumu hiwangumona kashika hiwafuliela, nyi? Kawaha waze anafuliela chibwe kangumwene!”

Shimbi 8:2

Iwulukenu ngwe chize Mwene Zambi, Zambi yenu anusongwelele mu wenyi uno miaka makumi awana mu puya hanga anuhombole, anweseke ni lamba lieka ni lieka, mba hanga anyingike mbunge jenu, nyi munufunga Shimbi jenyi, nyi ka.

Tiangu (Jake) 1:10

Mukwetu mukwa Kristu, pichi, awahilile muze Zambi mamulelesa. Mumu pichi kumakafwa ngwe yitemo ya yibuta ya mu yambu.

Tiangu (Jake) 1:12

Kawaha mutu yoze wakukumba mu yeseko. Mumu muze hakumba, mabwa ni mwono. Mwono uze uli chawana chize Zambi hanalakenya waze akumuzanga.

Tiangu (Jake) 2:5

Akwetu akwa Kristu, banjikenu! Zambi hanatongola yiswale a hano hashi hanga abwe pichi mu ufulielo, ni maswana mu Wanangana wenyi uze alakenyene waze akumuzanga.

Usolwelo 19:9

Kanganda ka mwilu yangwamba ngwenyi: “Soneka ngwe: Kawaha waze hanaatambika ku umbachiso wa Mwana Panga.” Yangwamba nawa ngwenyi: “Maliji wano ngunahanjika kaali maliji amwenemwene a Zambi.”

Usolwelo 22:14

Kawaha waze akukosa mahina jo, hanga abwe ni chiyulo cha kulia mihuko ya mutondo wa mwono, ni hanga atele kunjila ku yikolo ya limbo lize.

Usolwelo 3:17

Wakwamba ngwe: ‘Nguli pichi, ngunawaha, Chishi kuhona Chuma nichimwe.’ Alioze kuwanyingikine ngwe uli mukwa luyinda ni mukwa lamba. Uli chiswale, uli uselesele, uli kapuputa.