Mateu 4:8 - Mukanda Wa Zambi 1970

⁸ Mba Sakwonga yamutwala helu lia mulundu usuku chikolo, yamulweza mawanangana eswe a hashi ni uhenya wo.

MUKANDA USANDU WA ZAMBI 1975

⁸ Cheka nawa, Ndiapu yamutwala ku mulundu usuku chikolo, yamulweza mawanangana eswe a hano hashi ni uhenya wo:

Mateu 4:8 Iomraidhean Croise

Estere 1:4

Ha tukweji asambano mwanangana Ahashueru yaalweza upichi ni uhenya ni ulemu wa wanangana wenyi.

Estere 5:11

Hamane yalichichimieka kuli ayo chize habwa pichi, ni chize habwa ni ana a malunga anji, ni chize mwanangana hamutongola ni kumusa ha muhela ulemu wa kulutwe, ni chize habwa mulemu kuhiana akwa lutwe akwo.

Daniel 4:30

nikwamba ngwenyi: “Ayenu, Babilone cho kutohwa! Limbo lino lia wanangana nalitungile hanga ngusolole tachi ni ndundo jami, ni uhenya ni ulamba wami.”

Kwalula 23:3

Balame yambila Balake ngwenyi: “Mana hano hehi ni mulambu we wakwocha, shimbu yami ngunayi ni kutala hanji Mwene Zambi matayiza kulitakana ni yami nyi ka. Mba mungukwambulwila yeswe yize mangulweza.” Chenacho ayile ukawenyi ha mulundu,

Mateu 16:26

Mutu chika mafumbula nyi mabita hashi heswe, alioze makatokesa mwono wenyi? Mutu chika mahasa kuhana ha kuyuka nawa mwono wenyi?

Mateu 4:5

Hohene Sakwonga yamutwala ku Limbo lia Chijila yamutumbika ha kasonga ka zuwo lia Zambi lia Ayuda,

Yoano 5:20

Mumu Tata kakuzanga mwe Mwana. Kakumulweza yize akulinga iye mwene. Makamulweza nawa yitanga yikwo yinahiana yino. Munukalishimwoka,

1 Petulu 1:24

Ngwe chize Mukanda wa Zambi unambe: “Atu eswe kaali ngwe yambu. Uhenya wo weswe ngwe yitemo ya mafwo. Nyi mafwo hooma, yitemo muyiholoka hashi.

Usolwelo 11:15

Hohene kanganda ka mwilu wa muchishimbiali yemba chitavwi. Mba yingwivwa maliji anene ngwo: “Wanangana wa hashi hiwabwa wanangana wa Mwene wetu ni Kristu yenyi. Mwenawo makayula ku miaka yeswe ni miaka yeswe!”