Mateu 4:3 - Mukanda Wa Zambi 1970

³ Sakwonga yamukundama, yamwamba ngwenyi: “Nyi mwe Mwana Zambi yena, amba mawe wano alumuke mbolo.”

MUKANDA USANDU WA ZAMBI 1975

³ Mukwa kweseka wejile nikwamba ngwenyi, Kachi yena uli mwe Mwana Zambi, amba mawe ano alumuke mbolo.

Mateu 4:3 Iomraidhean Croise

Kutuhuka 16:3

“Te chinalite kachi Mwene Zambi watushihilile kwetu mu Egiptu. Kuze te twakulia yenga yinazala ni yifwo, ni kukuta ngwe chize tunazange. Alioze hinwatuneha muno mu puya, hanga tufwe kwetu ni zala.”

Mateu 14:33

Waze abwile mu wato yaawayila Yesu. Ngwo: “Chamwenemwene, mwe Mwana Zambi yena!”

Mateu 16:16

Simone Petulu ngwenyi: “Yena mwe Chilamwina yoze Zambi alakenyene, yena mwe Mwana wa Zambi ya mwono.”

Mateu 26:63

Alioze Yesu yahola kwenyi kuluu. Hohene mwata wa mahako yamwamba ngwenyi: “Mu jina lia Zambi ya mwono, utukumbulula ni Shingo ngwe, yena uli Chilamwina yoze Zambi alakenyene, mwe Mwana Zambi, nyi ka?”

Mateu 3:17

Yevwa liji mwilu ngwo: “Yono mwe Mwanami yoze nakuzanga kuhiana, nakuwahilila nenyi.”

Marku 1:1

Uno we Ubutukilo wa Sango Jibema jize jinahanjikila Yesu Kristu, Mwana Zambi.

Marku 3:11

Tangwa lieswe muze miku ya luchisa te yakumumona, yakufulamana ku meso jenyi ni kukololoka ngwo: “Mwana Zambi yena!”

Marku 5:7

yakololoka chikolo ngwenyi: “Yesu Mwana wa Zambi Mwilu Mwahiana, kuchi yena ni yami? Ngunakulembe mu jina lia Zambi, kanda ungubinjisa kama!”

Luka 1:35

Kanganda ngwenyi: “Mwiku wa Linanga muukuhulumukina, ndundo ja Zambi, Mukwa Mwilu Mwahiana, mujikuzulamina ngwe chizulie. Kashika, mwana yoze munangi maakamuvuluka ngwo, mwe Mwana Zambi.

Luka 22:70

Eswe yaamuhula ngwo: “Kuma, mwe Mwana Zambi yena, nyi ka?” Neye yaakumbulula ngwenyi: “Chochene nwamba.”

Luka 4:3

Mba Sakwonga yamwamba ngwenyi: “Nyi mwe Mwana Zambi yena, amba liwe lino lialumuke mbolo.”

Luka 4:41

Mwiku wa luchisa yiutuhwoka muli mieji anji ni kukololoka ngwo: “Mwe Mwana Zambi yena!” Alioze Yese yaukanjisa, yawaha koki, mumu yiunyingika ngwo kali Chilamwina yoze Zambi alakenyene.

Luka 4:9

Sakwonga yamutwala ku Yerusaleme, yamutumbika ha kasonga ka zuwo lia Zambi lia Ayuda, nikwamba ngwenyi: “Nyi mwe Mwana Zambi yena, liechelele, uholoke hashi,

Yoano 1:34

Yoano ngwenyi: “Nachimwene, ni ngunashindakenya ngwami, kali mwe Mwana Zambi.”

Yoano 1:49

Mba Natanele yamwamba ngwenyi: “Longeshi, mwe Mwana Zambi yena! Mwe Mwanangana wa Israele!”

Yoano 20:31

Alioze yino yasonewene hanga nufuliele ngwenu, Yesu mwe Chilamwina yoze Zambi alakenyene, mwe Mwana Zambi, ni hanga, ku ufulielo uno, munuhasa kubwa ni mwono mumu ha jina lienyi.

Yoano 9:35

Yesu yevwa ngwo, Afariseu haamuhanga. Mba muze hamuwana nawa, yamuhula ngwenyi: “Yena unafuliela Mwana Mutu, nyi?”

Yilinga 9:20

Hazehene yabutuka kwambujola mu mazuwo ja kuwayila hakutwala kuli Yesu, ngwenyi: “Mwe Mwana Zambi.”

2 Korintu 1:19

Mumu Yesu Kristu Mwana Zambi, yoze Sila, ni Timoteu, ni yami twambujolele mukachi kenu, kejile ko kubwa ha chisuho chimuwika “Ewa” ni “Ka”. Muli Yesu, Zambi hanatayiza ngwenyi: “Ewa”.

Galashia 2:20

Kashika hi yami ko nguli ni mwono, alioze Kristu kali ni mwono muli yami. Mwono uze nguli nawo haliabwila, nguli nawo ha kufuliela. Mwana Zambi, yoze wanguzangile ni wakunjikile mwono wenyi hali yami.

1 Tesalonika 3:5

Kashika, muze te chahashile kulihumikiza, yingutuma Timoteu hanga akanyingike hakutwala ku ufulielo wenu. Yingwivwa woma ngwami, hanji Sakwonga hanweseka, mba milimo yetu muyibwa yamokomoko.

Hebreu 12:16

Kanyamenu, niumwe kanda alinga utanji chibwe kulelesa yuma ya kulinanga, ngwe Esau yoze Walanjishile chiyulo cha ukulwana wenyi kuli mwanakwo ha yakulia ya chisuho chimuwika.

Hebreu 4:14

Tukakaminyenu kanawa ku longeso lietu, mumu tuli ni Mwata wa mahako a Zambi yoze hanahete ndoo ni ku meso ja Zambi—mwe Yesu Mwana Zambi.

Hebreu 7:3

Atu te kaanyingikine jina lia tato ya Melkizedeke, chibwe jina lia naye, chibwe jina lia umwe kashakulu kenyi. Te kaanyingikine kuze asemukinyine, chibwe kuze afwilile. Kali ngwe Mwana Zambi, kali hako wa miaka yeswe.

1 Yoano 3:8

Yoze wakunyongonona ni kuvulumiona kali wa Sakwonga, mumu Sakwonga hanavulumuna chize ku Ubutukilo. Mwana Zambi hanasoloka ha kwonona yitanga ya Sakwonga.

Usolwelo 2:10

Kanda wivwa woma ha lamba lize muukamona. Banjika! Sakwonga makasa amwe hakachi kenu mu zuwo lia lamba ha kunweseka. Munukamona lamba matangwa kumi. Nyongonona mu ufulielo we ndoo ku kufwa, mba mungukakwaha chipangula cha mwono.