Mateu 4:16 - Mukanda Wa Zambi 1970

¹⁶ Atu a ku yifuchi yize, te atwama mu milima, haanamono pangu linene! Waze te atwama mu chifuchi cha kufwa, Pangu hilinaapangulwisa!”

MUKANDA USANDU WA ZAMBI 1975

¹⁶ Atu aze atwamine mu milima hanamono pangu linene, Waze atwamine mu chifuchi cha kufwa ni Chizulie chacho, Kuli ayo pangu hilinasoloka.

Mateu 4:16 Iomraidhean Croise

Jobe 10:22

ku chifuchi cha kuvundangenya, kuze pangu hako liabwa milima.

Jobe 3:5

Tangwa lize lialumune milima bwii, malelwa alifuke, tangwa libwe lilaa.

Jobe 34:22

Chibwe milima yoke naye, hindu yingulungulu kaahashile kuswama ku meso jenyi.

Miaso (Masamu) 44:19

Alioze yena watuhichikile, kutushi tachi mukachi ka tushitu ayilianyi; watuhichikile mu milima kuhiana ngwe hitwafwa.

Izaya 9:1

Keechi kahasa kuchina ha matangwa waze a lamba. Yifuchi ya mavungu ja Zabulone ni Naftali yeevwisa sonyi hatangu, alioze kulutwe maakalemesa yifuchi yize, chize ku kalunga lwiji Mediterane ku chitokelo ndoo ku chifuchi cha musali lia Yordau, ni ndoo ku chifuchi cha Galilea muze mwatwama yilambala.

Izaya 9:2

Atu waze te akwenda mu milima haanamono pangu linene. Waze te atwama mu chifuchi cha milima, pangu hilinaapangulwisa.

Jeremia 13:16

Lemesenu Mwene Zambi, Zambi yenu, shimbu kanda achineha milima, shimbu kanda nutalinga ha milundu; shimbu kanda achalumuna pangu lize nwaselele ko mbunge kubwa milima bwii.

Amose 5:8

Mwene Zambi watangile matongonoshi; Kungulwila ni Muta ni Kawa. Kakwalumuna milima kubwa Pangu, Mwalwa kubwa ufuku. Kakutambika meya a mu kalunga lwiji ni kwamwangina hashi. Jina lienyi; Mwene Zambi.

Mika 7:8

Akwa kole jetu kaahashile kutuyunga. Hitunalimbuka, alioze kumutuhinduka nawa. Haliabwila tuli mu milima, alioze Mwene Zambi makatutemwina.

Luka 2:32

Ulamwino uno lie pangu lia kutemwina waze hi Ayuda ko, we ulemu wa atu je Aisraele.”