Mateu 4:11 - Mukanda Wa Zambi 1970

¹¹ Hohene Sakwonga yamuhichika. Mba tunganda a mwilu yeeza ni kulingila Yesu.

MUKANDA USANDU WA ZAMBI 1975

¹¹ Hohene Ndiapu yamuhichika, ni kumanyi, angelo ejile amuvumbike.

Mateu 4:11 Iomraidhean Croise

1 Yitanga Ya Mianangana 19:6

Yatala, kuma ku mutwe wenyi kukuli mbolo yimuwika ya kwocha ha makala, ni mulondo wa meya. Muze halia ni hanwa, yaya nawa mu tulo.

Mateu 26:53

Kuwanyingikine ngwe, ngunahase kutambika Tata angukwase ni kungutumina tunganda a mwilu tununu kumi ni aali, nyi?

Mateu 4:6

yamwamba ngwenyi: “Nyi mwe Mwana Zambi yena, liechelele, uholoke hashi, mumu hichinasonewa mu Mukanda wa Zambi ngwo: ‘Zambi makambila tunganda twenyi a mwilu hakutwala kuli yena ngwenyi: Maakakuzundula ha moko jo, Hanga kuuchi kuhukana ku liwe.’ ”

Marku 1:13

Neye yabwa mu puya matangwa makumi awana. Sakwonga yamweseka. Yesu yabwa hamwe ni tushitu a mu yambu. Tunganda a mwilu yaamulingila.

Luka 22:43

Mba kanganda ka mwilu yamusolokela ha kumukolesa.

Luka 22:53

Tangwa ha tangwa nabwile hamwe ni yenu mu zuwo lia Zambi, hindu kunwangukwachile ko, alioze ola yino yili ni yenu ni ya tachi ja milima.”

Luka 4:13

Muze Sakwonga hamanununa kweseka Yesu mu yuma yeswe, yamukatuka ndoo ku tangwa likwo.

Yoano 14:30

Chichi kuhanjika nawa chinji hamwe ni yenu, mumu Mwata wa hashi hano kaneza. Keshi chiyulo nichimwe hali yami,

1 Timoteu 3:16

Niumwe kahashile kulituna unene wa chijimbikilo cha ufulielo wetu! Yasoloka mu mujimba wa uutu, Mwiku wa Linanga yiumusambisa, Tunganda a mwilu yaamumona. Yaamwambujola hakachi ka waze hi Ayuda ko, Yaamufuliela hano hashi, Yaamutambula mwilu mu uhenya.

Hebreu 1:14

E tunganda a mwilu aya? Eswe kaali mwiku uze wakulingila Zambi, uze Zambi akutuma ha kukwasa waze maazuka ulamwino.

Hebreu 1:6

Muze te Zambi himamba kutuma Mwanenyi mutangu hano hashi, yamba nawa ngwenyi: “Tunganda a mwilu eswe amuwayile.”