Mateu 3:7 - Mukanda Wa Zambi 1970

⁷ Ha kumona Afariseu ni Asaduseu anji kaanezaza hanga aapapachise, Yoano yaahula ngwenyi: “Yenu, vungu lia yihili, iya unakanutoweza kuchina ufwatulo wa Zambi uze muukeza?

MUKANDA USANDU WA ZAMBI 1975

⁷ Alioze muze amwene anji a kuli A-Fwariseu ni A-Satuseu kaneza ku upapachiso wenyi, yamba kuli ayo ngwenyi, Yenu, vungu lia yihili, iya unakanutoweza kuchina utenu uze muwizaho?

Mateu 3:7 Iomraidhean Croise

Ubutukilo 3:15

Yena kapela ni pwo munukabwa akwa kole. Vungu lie ni vungu lia pwo mulikabwa akwa kole. Mulikafupa mana akukushihila ku mutwe, ni yena muukafupa mana akumusumina ku kashi jino.”

Yishima 28:4

Nyi wakukolema Shimbi, kafwa ngwe uli mu mbunga yimuwika ni yingulungulu; alioze nyi wakufunga Shimbi, unalimika no.

Izaya 59:5

Punga ja ungulungulu jize nwakutwama jili ngwe monda a chihili. Nyi nwafwenya limwe lionda, mumutuhuka lunoka! Alioze punga jenu kujahashile kunukwasa, jili ngwe mahina amokomoko a wandajili.

Jeremia 51:6

Aisraele ni Ayuda Chinenu Ababilonia! Chinenu nulamwine miono yenu! Kanda anushiha mumu ha milonga ya Ababilonia. Haliabwila ngunamwesa Ababilonia lamba ngwe chize ayo amwesene akwo lamba.

Jeremia 6:10

Yingukumbulula ngwami: “Iya mangubanjika nyi mungwakanyamisa? Kaali kwo akwa pami, kaakulituna kubanjika maliji je; kaakulelesa kwo yeswe yize wakungwamba ha kwalweza.

Mateu 12:24

Muze Afariseu haachivwa, yaamba ngwo: “Mutu yono kakutuhwisa mwiku wa luchisa shina ni tachi ja Belzebu, mwata wo.”

Mateu 12:34

Yenu vungu lia yihili! Ngwe kuchi yenu abi munuhasa kuhanjika yibema. Mumu kanwa liakuhanjika yize yinalumbama mu mbunge.

Mateu 15:12

Hohene tumbaji yaakundama kuli Yesu nikumuhula ngwo: “Unanyingika ngwe Afariseu keevwanga wuli muze Wahanjikanga maliji wano, nyi?”

Mateu 16:1

Afariseu ni Asaduseu yeeza kuli Yesu ha kumweseka, yaamwita chilayi chize muchaalweza ngwo: chiyulo chenyi cha mwilu.

Mateu 16:6

Yesu yaamba ngwenyi: “Talenu kanawa, keyelenu yitumbo ya mbolo ya Afariseu ni ya Asaduseu.”

Mateu 22:15

Hohene Afariseu yaaya ni kutwama punga ngwe chize maahasa kutela Yesu muheto ni chihula.

Mateu 22:23

Tangwa lizeliene amwe Asaduseu yeeza kuli Yesu. (Waze akwamba ngwo: “Afu keeshi kuhinduka.”)

Mateu 22:34

Muze Afariseu heevwa ngwo. Yesu haholesa Asaduseu kulungungaa, yaalikungulula.

Mateu 23:33

Yenu tupela, vungu lia yihili! Ngwe kuchi munuhasa kuchina ubatwilo wa kahia?

Mateu 5:20

Ngunanwambulwila ngwami: kunuchi kuhasa kunjila mu Wanangana wa mwilu shina ululi wenu muuhiana ululi wa alongeshi a Shimbi ni wa Afariseu.”

Marku 12:13

Akwa lutwe yaatumina Yesu amwe Afariseu ni amwe a kuli Aherode ha kumutela muheto ni yihula.

Marku 12:18

Amwe Asaduseu yeeza kuli Yesu. (Waze akwamba ngwo: “Afu keechi kahinduka.”) Yaamwamba ngwo:

Marku 8:15

Yesu yaakanyamisa ngwenyi: “Talenu kananwa, keyelenu yitumbo ya mbolo ya Afariseu ni ya Aherode.”

Luka 16:14

Afariseu yeevwa maliji waze eswe, yaaseha Yesu, mumu te akuzanga ubite.

Luka 18:11

Kafariseu yamana ha ukawenyi, yalilembela ngwenyi: ‘Zambi, ngunakusakwila, mumu Chishi ngwe atu akwo: akwa mbenga, ni yihenge, ni yitanji, hanji ngwe yono mukwa kulambwisa lijimu.

Luka 7:30

Alioze Afariseu ni alongeshi a Shimbi yaalituna chize Zambi azangile kwalingila, yaalituna upapachiso wa Yoano.

Yoano 1:24

Atu waze atumiwine kuli Afariseu,

Yoano 8:44

Nuli ana ja Tatenu Sakwonga. Nwakuzanga kulinga yize akuzanga Tatenu. Iye wabwile mukwa kushiha atu chize ku Ubutukilo. Kabwile ko mu umwenemwene nichimwe, mumu muli iye umwenemwene kuushimo. Muze akuhanjika mahuza, kakuhanjika nikulita ni ndako jenyi, mumu kali mukwa mahuza ni tato ya mahuza.

Yoano 9:40

Amwe Afariseu, waze te ali hamwe nenyi, yeevwa maliji wano, yaamuhula ngwo: “Kuma ni yetu nawa tuli tupuputa, nyi?”

Yilinga 15:5

Alioze yakukatuka amwe a ku mbunga ya Afariseu, waze te haanafuliela Kristu, yaamba ngwo: “Waze hi Ayuda ko, chatamba kwapwisa ngalami, ni kwaambila ononokene Shimbi ja Mose.”

Yilinga 20:31

Kashika kanyamenu, iwulukenu ngwenu, ha miaka yitatu, ufuku ni mwalwa, chalitwaminyine kukanyamisa mweswe wa kuli yenu ni masoji.

Yilinga 26:5

Kaanangunyingika kulu. Maahasa kushindakenya, nyi kaanazange. Nguli wa ku mbunga yize ya Afariseu, waze akwete tachi jahiana ja kuwayila Zambi.

Yilinga 5:17

Mwata wa mahako ni waze te akuliendela nenyi, kafwa ngwe mbunga ya Asaduseu, yaakatuka ni ukwa unji,

A-ROMA 1:18

Zambi mu utenu wenyi kakusolola chize akumwesa lamba waze akuvulumuna ni yitanganyanyi. Ku yitanga yo yibi kaakukinda umwenemwene.

A-ROMA 5:9

Mumu ha kufwa cha Kristu, haliabwila Zambi hanatupwisa akwa ululi. Nyi Chenacho, shinoho chikolo Kristu makatulamwina ku utenu wa Zambi.

1 Tesalonika 1:10

ni ha kushimbwila kuhulumuka cha Mwanenyi Yesu mwilu—Zambi wamuhindwishile ku kufwa. Mwe Yesu mwe unatupulula ku utenu wa Zambi uze muwiza ho.

Hebreu 11:7

Ku ufulielo Noa yevwa kutoweza cha Zambi hakutwala ku yuma yize muyikeza ho, yize kanda ayimona. Yononokena Zambi ni kutunga ulungu. Iye ni akwa zuwo lienyi yaanjila mo, ni Zambi yaalamwina. Chenacho yahisa akwa hashi eswe. Ku ufulielo nawa Zambi yamwalula mukwa ululi.

Hebreu 6:18

Kukuli yuma yaali yize kuyahashile kwalumuka, ni hakutwala ku yize Zambi kahashile kuhanjika mahuza. Kashika yetu hitunachinyina kuli iye; tuli ni hamu lia kukakaminya ha kusa mbunge ku chize hanatulakenya.

1 Yoano 3:10

Kulituchika mukachi ka ana ja Zambi ni ana ja Sakwonga chakubwa ngwe chino, yoze keshi kulinga ululi, chibwe keshi kuzanga mukwo, hi mwana wa Zambi ko.