Mateu 3:6 - Mukanda Wa Zambi 1970

⁶ Yaashikisa milonga yo, mba Yoano yaapapachisa papachisa mu lwiji Yordau.

MUKANDA USANDU WA ZAMBI 1975

⁶ waapapachishile mu lwiji Yordau, o nikushikisa milonga yo.

Mateu 3:6 Iomraidhean Croise

Ezra 10:1

Muze te Ezra anafulamana hashi nikulemba kulutwe lia zuwo lia Zambi, nikulila, nikushikisa milonga yino, mbunga yinene ya Aisraele, malunga, ni mapwo, ni ana, yaakunguluka kuli iye, yaalila kuhiana.

Miaso (Masamu) 32:5

Mba yingushikisa shili yami kuli yena; chakuswekelele ko uhenge wami. Nabatwile ngwami, munguyishikisa kuli yena, ni yena yiungukonekena yo yeswe.

Yishima 28:13

Nyi wasweka milonga ye, kuuchi kawaha nichimwe. Alioze nyi muyishikisa ni kuyehuka, mba Zambi makuvwila keke.

Ezekiel 36:25

Mungukanusapwila meya abema ni kunubemesa ku mahamba jenu ni ku yuma yeswe yize nwalichishile nayo.

Daniel 9:4

Yingulemba kuli Mwene Zambi ni kushikisa milonga ya atu jami. Yingwamba ngwami: “Mwene Zambi, yena uli munene, twakukulemesa. Uli wamwenemwene hakutwala ku Usendo we. Wakulweza zango lie lize kulishi kuhwa kuli waze akukuzanga ni kufunga Shimbi je.

Alevi 16:21

Akanangika moko jenyi eswe aali ha mutwe wa pembe ni kushikishila ho shili ni milonga ni uhulia wa Aisraele, ni kuyisa ha mutwe wa mwe pembe. Mutu yoze haanatongola akatwala mwe pembe mu yambu.

Alevi 26:40

“Alioze vungu lienu maakashikisa milonga yo ni ya tushakulu two, chize alimikine ni yami, ni chize angulitunyine.

Kwalula 5:7

chamutamba kushikisa mulonga wenyi ni kufweta yeswe. Maweza ho nawa Chihanda cha muchitano.

Mateu 3:11

Yami ngunanupapachisa ni meya mu kulweza ngwo, hinwalumuka ku mbunge. Alioze yoze meza kunyima liami makanupapachisa ni Mwiku wa Linanga ni kahia. Kananguhiana yami. Chatelele nichimwe kujitula sapato jenyi.

Marku 1:5

Chifuchi cheswe cha Yudea ni atu eswe a mu limbo lia Yerusaleme te kaakwiza kuli Yoano nikushikisa milonga yo. Neye kakwapapachisa mu lwiji Yordau.

Luka 1:16

Makahilwisa atu anji hakachi ka Israele kuli Mwene Zambi yo.

Luka 3:16

Kashika Yoano yambila eswe ngwenyi: “Yami, ngunanupapachisa ni meya, alioze umwe unanguhiana yami kumeza. Yami, chatelele nichimwe kujitula sapato jenyi. Iye makanupapachisa ni Mwiku wa Linanga ni kahia.

Yilinga 1:5

Yoano te kakupapachisa ni meya, alioze kulutwe lia matangwa akepe, mungukanupapachisa ni Mwiku wa Linanga.”

Yilinga 11:16

Mba yingwiwuluka liji lize ambile Mwene Yesu ngwenyi. ‘Yoano wapapachishile ni meya, alioze yenu makanupapachisa ni Mwiku wa Linanga.’

Yilinga 19:18

Atu anji waze afulielele yaashikisa milonga yo, nikusolola ku meso ja atu eswe yize alingile hatangu.

Yilinga 22:16

Mba haliabwila kuchi unalaluka? Katuka, akupapachise, ulikose milonga ye ha kulemba kuli Yesu Kristu.’ ”

1 Korintu 10:2

Eswe yaapapachisa mu lelwa ni mu meya, akabwe tumbaji twa Mose.

Kolosu 2:12

Mumu, muze anupapachishile, yanufunda hamwe ni Kristu, yanuhindwisa nawa hamwe nenyi. Chino chabwile mumu nwafulielele ndundo ja Zambi yoze wamuhindwishile.

Hebreu 6:2

ni upapachiso weka ni weka, ni kusa moko hali atu, ni uhindukilo wa afu, ni ubatwilo wa miaka yeswe.

Hebreu 9:10

Yili lume yikuma ya kulia ni kunwa, ni kusana cheka ni cheka. Yili lume Shimbi ja mujimba jize chatamba kujifunga lume ndoo muze Zambi makalulika yuma yeswe.

Tiangu (Jake) 5:16

Kashika lishikishilenu milonga yenu, lilembelenu, hanga nuhinduke. Kuliumba cha mukwa ululi tachi jinji chikwete.

Yoshua 7:19

Yoshua yamwamba ngwenyi: “Mwanami, hanjika umwenemwene ku meso ja Mwene Zambi, Zambi ya Aisraele, ushikise. Ungulweze chize unakalinga. Kanda unguswekela cho.”

1 Petulu 3:21

Meya aze kaanalifu ngwe upapachiso uze unanulamwina haliabwila. Upapachiso kuushi kuchiza majilo ja mujimba, alioze kuuli chilakenyo kuli Zambi ni mbunge yibema. Kuwakunulamwina ku uhindukilo wa Yesu Kristu ku kufwa.

1 Yoano 1:9

Alioze, nyi twakushikisa milonga yetu, iye kali mukwa kushishika ni mukwa ululi ha kutukonekena milonga yetu, ni kutubemesa ku uhenge weswe.