Mateu 3:5 - Mukanda Wa Zambi 1970

⁵ Akwa Yerusaleme, ni akwa Yudea eswe, ni akwa chifuchi cheswe te chasulangana ni lwiji Yordau yeezaza kuli Yoano.

MUKANDA USANDU WA ZAMBI 1975

⁵ Hohene kwatuhukile kuli iye A-Yerusaleme, ni A-Yundeya eswe, ni akwa chifuchi cheswe cha kujingilika Yordau;

Mateu 3:5 Iomraidhean Croise

Mateu 2:1

Yesu yasemuka mu Betleheme, limbo lia mu Yudea, muze te Herode abwile mwanangana. Muze Yesu hasemuka, akwa mana waze te akuhengula matongonoshi, yaakatuka ku chivumbuko, yeeza ku Yerusaleme.

Mateu 4:25

Mbunga jinene yaamukaula, waze akatukile ku chifuchi cha Galilea, ni ku Membo Kumi, ni ku limbo lia Yerusaleme, ni ku chifuchi cha Yudea, ni ku chifuchi cha musali lia Yordau.

Marku 1:5

Chifuchi cheswe cha Yudea ni atu eswe a mu limbo lia Yerusaleme te kaakwiza kuli Yoano nikushikisa milonga yo. Neye kakwapapachisa mu lwiji Yordau.

Luka 16:16

“Shimbi ja Mose ni mikanda ya akwa munanyi a Zambi hiyinalinduluka ndoo ku tangwa lia Yoano Chipapachisa. Chize ku mwaka uze, atu kaakwambujola Sango Jibema ja wanangana wa Zambi. Mutu ni mutu kakunjila mo ni tachi.

Luka 3:3

Neye yendangana mu chifuchi cheswe cha kusulangana ni lwiji Yordau, nikwambujola ngwenyi: “Alumukenu ku mbunge, anupapachise, mba Zambi manukonekena milonga yenu.”

Luka 3:7

Mbunga te kaakwiza kuli Yoano hanga akaapapachise. Yoano yaamba ngwenyi: “Yenu vungu lia yihili, iya unakanulongesa kuchina ufwatulo wa Zambi uze muukeza?

Yoano 3:23

Yoano neye yapapachisa atu ku Enone hakamwihi ni Salimi, mumu kuze kwabwile meya anji. Atu te kaakwiza kuli iye, mba yaapapachisa.

Yoano 5:35

Yoano wabwile ngwe ndeya yakuwika yize yinapanguka. Nwawahililile ni kubwa nenyi shimbu likepe.