Mateu 3:12 - Mukanda Wa Zambi 1970

¹² Kali ni lwalo mu kwoko lienyi wa kufuza nacho mbuto. Makakungila tiriku yenyi mu chila, alioze yizungu makayocha mu kahia kaze kukeshi kujima nichimwe!”

MUKANDA USANDU WA ZAMBI 1975

¹² chifujilo chenyi mu kwoko lienyi chili, kumakapemesa liakulu chizungwilo chenyi, kumakakungila tiliku lienyi mu chila, alioze yizungu makayocha ni kahia kaze kukeshi kuhasa kujima.

Mateu 3:12 Iomraidhean Croise

Jobe 21:18

ni kumuhehula ni fuji ngwe mwambu, hanji ngwe yizungu ni kangonga, nyi?

Miaso (Masamu) 1:4

Alioze yingulungulu keeshi kubwa chocho nihakepe; kaali ngwe yizungu yize yakuhehuka ni fuji.

Miaso (Masamu) 35:5

Abwe ngwe yizungu yize yinahehuka ni fuji, muze anaahange kuli kanganda ka mwilu!

Izaya 1:31

Ngwe chize kahia kakwocha yiswaswa, Chenacho nawa yitanga yibi ya yitakame muyikocha e yitakame. Niumwe mahasa kujima kahia kaze.

Izaya 17:13

Mavungu maakalundumuka ngwe miavu ya tachi ya meya, alioze Zambi kanaakanjisa. No kaanahiluka ngwe fufuta yize yinahehuka ha milundu, ngwe chimwe chambu mu fuji.

Izaya 27:4

Chishi kuvwila munda wami wa vinyu wuli. Nyi kuli mikalale hanji mingonga ya kulimika nayo, kachi te mungulimika nayo ni kuyocha.

Izaya 28:28

Mbuto ya tiriku keshi kuyizungula kuhiana. Njimi kananyingika chize akuyizungula ni kwenda ho ni temba, kuyishi kufwenyoka.

Izaya 30:24

Ngombe ni yimbulu waze akulima minda yenu kumaakalia yuma yibema yakulungisa ni mungwa.

Izaya 41:16

Muukayihengula mu tetela; fuji muyikayimbata, kangonga makayimwanga. Mba muukawahilila mumu nguli Zambi ye; muukanguchichimieka, yami Zambi Munangi wa Israele.

Izaya 5:24

Kashika ngwe chize kahia kakulalisa yiswaswa ni mwambu umu Chenacho miji yenu muyikabola ni yitemo yenu muyikalukumuka, ni kuhehuka ni fuji, mumu hinunehuka longeso lia Mwene Zambi Mukwa Ndundo Jeswe, Zambi Munangi wa Aisraele.

Izaya 66:24

“Muze maakahiluka maakamona mijimba ya afu waze angukatukilile. Mavuno waze maakalia keechi kafwa nichimwe, kahia kaze mukakoocha kukeshi kujima nichimwe. Eswe waze maakaamona maakevwa lwaji.”

Jeremia 15:7

Mu yihunda yeswe hinanufuza ngwe mwambu. Hingunanushihi yenu atu jami, hingunashihi ana jenu, mumu kunwechele ko kulinga yibi.

Jeremia 17:27

Alioze angwononokene ni kufunga tangwa lia kuhwima mumu lili lia chijila. Kanda anjila ni yuma yilemu mu yikolo ya Yerusaleme ha tangwa lize, mumu nyi maachilinga, mungwocha yajilo ya Yerusaleme, ni mazuwo ja mianangana mu Yerusaleme, niumwe kechi kahasa kusala mo.”

Jeremia 4:11

Tangwa mulikeza lize atu maakalweza akwa Yerusaleme ngwo, fuji ya kahia muyikatuka mu puya ni kutalikisa kuli ayo. Kuyichi kabwa fuji yikepe yize muyikafuza yiswaswa wika.

Jeremia 51:2

Mungutuma yilambala hanga enyeke Babilonia ngwe fuji yinakombo yiswaswa. Muze tangwa lize lia kwenyeka hilieza, yilambala kumeeza ku kanda jeswe ni kwenyeka che chifuchi.

Jeremia 7:20

Kashika yami, Mwene Zambi Mukwa Ndundo Jeswe, munguvwila zuwo lino lia kuwayila ufwatulo, ni atu ni yimuna, chibwe mitondo ni ye mbuto. Ufwatulo wami muukabwa ngwe kahia kaze niumwe kahashile kujima.

Hosea 13:3

Atu wano maakabatwoka ngwangwangwa ngwe mbundu ya chichamene, ngwe mume uze wakukukumuka muze tangwa hiliazunduka. Maakabwa ngwe yizungu yinahehuka ni fuji ku chizungwilo, ngwe mwishi uze unakakumuka ha jiko.

Amose 9:9

Munguhana Shimbi kuli akwa kole ja Aisraele ha kwasala ngwe chize atu akusala masekeseke mu musalo. Nikamwe ka liwe kukahashile kuholoka hashi. Mungukaasala ha kusakula atu abi mukachi ko muze maakabwa funge mu yifuchi ya yilambala.

Malaki 4:1

Mwene Zambi Mukwa Ndundo Jeswe kanambe ngwenyi: “Tangwa kulineza lize mulikabwa ngwe lutengo wa kahia. Mba akwa kulengumuka ni yingulungulu maakawema ngwe mwambu. Mitango ni miji niyimwe muyikasala.

Mateu 13:30

Yechenu yitatuke hamuwika ndoo ha tangwa lia kubatula. Ha tangwa lize mungukambila akwa kubatula ngwami tukulenu hatangu mwambu wamokomoko, yikasenu yichita nukayoche, mba kungilenu tiriku mu machila jami.’ ”

Mateu 13:41

Mwe Mwana Mutu makatuma tunganda twenyi a mwilu. Enoo maakachiza mu wanangana wenyi eswe waze akuvulumwisa akwo ni waze akulinga yibi.

Mateu 13:42

Maakambila mu jiko lia kahia. Kwenako atu maakalila ni kulicheka ku mazo.

Mateu 13:43

Hohene akwa ululi maakatemuka ngwe tangwa mu Wanangana wa Tato. Banjikenu kanawa nyi nuli ni matwi.”

Luka 3:16

Kashika Yoano yambila eswe ngwenyi: “Yami, ngunanupapachisa ni meya, alioze umwe unanguhiana yami kumeza. Yami, chatelele nichimwe kujitula sapato jenyi. Iye makanupapachisa ni Mwiku wa Linanga ni kahia.

Luka 3:17

Kali ni lwalo mu kwoko lienyi wa kufuza nacho mbuto. Makakungila tiriku mu chila yenyi, alioze yizungu makayocha mu kahia kaze kukeshi kujima nichimwe!”

Yoano 15:2

Kakubatula mutango weswe muli yami uze kuushi kwima mihuko. Kakuselela mutango weswe uze wakwima mihuko. Kakuubemesa hanga ukeme mihuko yahiana.