Mateu 3:11 - Mukanda Wa Zambi 1970

¹¹ Yami ngunanupapachisa ni meya mu kulweza ngwo, hinwalumuka ku mbunge. Alioze yoze meza kunyima liami makanupapachisa ni Mwiku wa Linanga ni kahia. Kananguhiana yami. Chatelele nichimwe kujitula sapato jenyi.

MUKANDA USANDU WA ZAMBI 1975

¹¹ Yami chamwenemwene ngunanupapachisa mu meya nulikonyeke: alioze yoze meza kunyima yami kakangana kuhiana yami, haku jenyi chatelele kujimbata: iye kumakanupapachisa muli Spiritu Musandu ni mu kahia:

Mateu 3:11 Iomraidhean Croise

Izaya 4:4

Ku ndundo jenyi Mwene Zambi makabatwila ni kusanyisa lie vungu, ni kubemesa luchisa wa Yerusaleme ni kukosa e manyinga waze haanamwanganyina ho.

Izaya 44:3

“Munguhana meya ku chifuchi cha pwila; mungusa njiji ha mavu omu. Munguhinjila Mwiku wami hali ana je; munguwahisa vungu lie.

Zakaria 13:9

Mbunga ya muchitatu yize muyikasala mungukaabemesa mu kahia. Mungukaabemesa ngwe oru yize haabemesa mu kahia. Mba maakalemba kuli yami, ni yami mungukaakumbulula. Mungukaamba ngwami, nuli atu jami. No maakashikisa shili yo nikwamba ngwo, nguli Zambi yo.”

Mateu 3:6

Yaashikisa milonga yo, mba Yoano yaapapachisa papachisa mu lwiji Yordau.

Marku 1:4

Chenacho Yoano Chipapachisa asolokele mu puya, yambujola ngwenyi: “Alumukenu ku mbunge, anupapachise, mba Zambi manukonekena milonga yenu.”

Luka 1:17

Makatetekela ku meso ja Zambi mu tachi ni ndundo ja mukwa munanyi a Zambi, Eliya. Makawanyisa atato ni ana jo. Makalumuna yihulia akabwe ni manyonga a ululi. Makalulikila Mwene Zambi atu jenyi.”

Luka 3:16

Kashika Yoano yambila eswe ngwenyi: “Yami, ngunanupapachisa ni meya, alioze umwe unanguhiana yami kumeza. Yami, chatelele nichimwe kujitula sapato jenyi. Iye makanupapachisa ni Mwiku wa Linanga ni kahia.

Luka 3:3

Neye yendangana mu chifuchi cheswe cha kusulangana ni lwiji Yordau, nikwambujola ngwenyi: “Alumukenu ku mbunge, anupapachise, mba Zambi manukonekena milonga yenu.”

Yoano 1:15

Yoano yashindakenya hakutwala kuli iye, yakololoka ngwenyi: “Yono mwe nambile ngwami: ‘Kaneza kunyima liami. Kananguhiana yami, mumu wabwile kulu kulutwe liami shimbu te kanda nguchisemuka.’ ”

Yoano 1:30

Yono mwe nambile ngwami, mutu uneza kunyima liami, alioze kananguhiana yami, mumu wabwile kulu kulutwe liami shimbu kanda nguchisemuka.

Yilinga 1:5

Yoano te kakupapachisa ni meya, alioze kulutwe lia matangwa akepe, mungukanupapachisa ni Mwiku wa Linanga.”

Yilinga 19:4

Paulu ngwenyi: “Chamwenemwene Yoano te kakupapachisa waze alumwokene ku mbunge nikwambila Aisraele ngwenyi: ‘Fulielenu yoze meza kulutwe liami, Yesu.’ ”

Yilinga 8:36

Muze te anayi mu jila, yaaheta ku amwe meya, mba kafufuchi yamba ngwenyi: “Talenu meya, yika yinanguvumu ha kungupapachisa?” [

Yilinga 8:38

Yamanyisa temba lienyi. Eswe aali yaanjila mu meya, mba Filipe yamupapachisa.

1 Korintu 12:13

Chimuwika nawa, yetu eswe, Ayuda ni waze hi Ayuda ko, ndungo ni enyaho, hanatupapachisa ni Mwiku umuwika hanga tubwe mujimba umuwika. Yetu eswe hanatunwisa kuli Mwiku umuwika.

Efesu 3:8

Yami nguli mukepe Wahiana akwa Kristu eswe. Chibwe chocho, Zambi hanangukunjika utu uno wa kwambujola kuli waze hi Ayuda ko Sango Jibema ja yiwape yahiana ya Kristu,

Titu 3:5

yatulamwina, hi mumu ha yitanga ya ululi ko yize twalingile, alioze mumu watuvwilile keke. Yatulamwina ku kubemesa cha Mwiku wa Linanga, ku kusemuka chaha ni ku mwono Waha.

1 Petulu 5:5

Chimuwika nawa, ni yenu akweze, Zeyelenu kuli makulwana jenu. Ni yenu eswe likehesenu ha kulilingila ni akwenu. Mumu Mukanda wa Zambi unambe ngwo: “Zambi kakulimika ni akwa kulengumuka, alioze kakulweza utu kuli akwa kulikehesa.”