Mateu 3:10 - Mukanda Wa Zambi 1970

¹⁰ Zambi hasa kulu njimbu ku miji ya mitondo. Mutondo weswe uze kuushi kwima mihuko yibema maupakula ni kuumbila mu kahia.

MUKANDA USANDU WA ZAMBI 1975

¹⁰ Chipwe haliapwila hasa njimbu ku miji ya mitondo: kashika mitondo yize yeswe kuyishi kwima mihuko yipema mayipakula nikuyimbila mu kahia.

Mateu 3:10 Iomraidhean Croise

2 Samuel 23:7

Ha kujikwata shina ubwe ni chikundo cha utale hanji kunga; kumaakoocha ha kahia bwililii.

Miaso (Masamu) 1:3

Kali ngwe mutondo ku mbumbulu ya lwiji, uze wakwima mihuko yawo ha tungonde twawo, mafwo jawo keeshi kuma. Kakuyuka yeswe yize akulinga.

Miaso (Masamu) 140:10

Makala a kahia aaholokele kama, ni e akwa kole ambile mu wina usuku, kanda atuhuka mo nawa.

Miaso (Masamu) 92:12

Akwa ululi kumaakakola ngwe mingaji, hanji ngwe mitondo sedru ha milundu ya Libano.

Izaya 27:11

Mitango ya mitondo hiyoma, hiyamakwoka, mapwo haanayichaya kunyi. Atu keevwile ko nichimwe, kashika Zambi, Tangi yo, kechi keevwila keke hanji kwalweza utu.

Izaya 61:3

ni kuhana kuli waze ananenganyana mu Zione chiseke ni uwahililo ha kusalakana yinyengo, mwaso wa uhaliso kusalakana kubihilila. Kumaakabwa ngwe mitondo yize Mwene Zambi atumbile iye mwene. Eswe maakalinga chize chinalite, atu maakachichimieka Zambi ha yize hanalingi.

Jeremia 17:8

Kali ngwe mutondo wakutumba hehi ni meya, miji yawo yakutanda ndoo ku chitwetwe. Kuuchi kulela muze changa muchiza, mumu mafwo jawo maasala a wisu; kuushi kulela muze vula keshi kunoka; kuushi kulitwamina kwima mihuko.

Daniel 4:14

Neye yambujola ni liji linene ngwenyi: ‘Nungunenu we mutondo, salulenu mitango yawo, hululenu mafwo jawo, mwangenu mihuko yawo. Hangenu tushitu waze akunamina mushi liawo ni tujila waze atwama ko.

Malaki 4:1

Mwene Zambi Mukwa Ndundo Jeswe kanambe ngwenyi: “Tangwa kulineza lize mulikabwa ngwe lutengo wa kahia. Mba akwa kulengumuka ni yingulungulu maakawema ngwe mwambu. Mitango ni miji niyimwe muyikasala.

Mateu 21:19

yamona mutondo mukuyu ku sesa lia jila, yakundama ko, alioze yawana ko shina mafwo wika. Yambila mutondo ngwenyi: “Kuuchi kema nawa mihuko nichimwe ndoo ku miaka yeswe!” Hazehene mukuyu yiuma weswe chau.

Mateu 7:19

Mutondo weswe uze kuushi kwima mihuko yibema, maakaubatula, maakaumbila mu kahia.

Luka 23:31

Mumu nyi maalinga chocho ha mutondo wa wisu, kuchi muchikabwa ha mutondo umu?”

Luka 3:9

Zambi hasa kulu njimbu ku miji ya mitondo. Mutondo weswe uze kuushi kwima mihuko yibema, maupakula ni kuumbila mu kahia.”

Yoano 15:2

Kakubatula mutango weswe muli yami uze kuushi kwima mihuko. Kakuselela mutango weswe uze wakwima mihuko. Kakuubemesa hanga ukeme mihuko yahiana.

Yoano 15:6

Yoze keshi kunyongonona kulinunga ni yami maakamumbila haze ngwe mutango, mba muuma. Mitango yize hiyinomu, kakuyitongona ni kuyimbila mu kahia, mba muyiwema.

Hebreu 12:25

Kanyamenu, kanda nulituna yoze unahanjika. Atu waze alitunyine yoze te wakwalweza liji lia Zambi hano hashi, yaamwesa lamba. Nyi Chenacho, tunyingikenu ngwetu, nyi mutwehuka Mukwa Mwilu yoze unatuhanjikila, ni yetu makatumwesa lamba liahiana.

Hebreu 6:8

Alioze, nyi hashi kuhakusoka mingonga ni yambu yamokomoko, hali lume hamokomoko. Ha shimbu likepe Zambi makashinga ho ni hashi muhakawema.