Mateu 27:3 - Mukanda Wa Zambi 1970

³ Muze Yudase, yoze wamukunjikile kuli akwa kole jenyi, hamona ngwenyi, Yesu haamuhisa, yevwa chinyengo, yahilwisa makumi atatu a mbongo kuli mahako a lutwe ni kuli makulwana,

MUKANDA USANDU WA ZAMBI 1975

³ Hohene Yundase, yoze wamukunjikile, walikonyekene, wahilwishile makumi atatu a mbongo ja prata kuli asasendote akwa lutwe ni makulwana.

Mateu 27:3 Iomraidhean Croise

Jobe 20:5

chingulungulu niumwe katwamine ni uwahililo matangwa anji. Uwahililo wa yitanganyanyi uli wa kashimbu wika.

Kutuhuka 21:32

Nyi mwe kuji a ngombe mashiha ndungo wa lunga hanji wa pwo, kako chamutamba kufweta mwenya ndungo makumi atatu a mbongo ja prata, ni mwe ngombe chatamba kumushiha ni mawe.

Zakaria 11:13

Mwene Zambi yangwamba ngwenyi: “Mbongo je jise mu mushete mu zuwo lia Zambi.” Kashika nanjile je mbongo ja prata makumi atatu, ye ndando yinji yize angunyongenene, yingujisa mu mushete mu zuwo lia Zambi.

Yoano 13:2

Yesu ni tumbaji twenyi te kaanali ha chingoloshi. Sakwonga hanyongesa kulu Yudase, mwana wa Simone Kakeriote, akunjike Yesu kuli akwa kole jenyi.

Yoano 13:27

Muze Yudase hatambula lupapa, hazehene Sakwonga yamunjila. Yesu yamwamba ngwenyi: “Chize unambe kulinga, Chilinge nikawashi!”

Yoano 18:3

Yudase yaya ku munda uze hamwe ni mbunga ya tujita ni tufunga twa zuwo lia Zambi. Mahako a lutwe a Zambi ni Afariseu aatumine. Yaaheta ku munda, te ndeya anambata, ni kahia ku masoka mukalekwoka, ni yuma yakwasa nayo jita.

Yilinga 1:18

(Ni je mbongo jize amufwetele ku ungulungulu wenyi yalilanjila munda. Kwenako aholokelele hashi, mujimba wenyi yiumengunuka mukachi, ni mijingwa yenyi yeswe yiipusuka.

2 Korintu 7:10

Mumu chinyengo cha uzambi chakwalumuna mbunge ya mutu, chakumulamwina. Kashika kuchatambile kulinyenga ha chiyo. Alioze chinyengo cha hano hashi chakukoka kufwa.