Mateu 26:5 - Mukanda Wa Zambi 1970

⁵ Alioze yaamba ngwo: “Hi ha tangwa lia chiwanyino ko, nyi ka, Vunda jinji mujibwa hakachi ka atu.”

MUKANDA USANDU WA ZAMBI 1975

⁵ Alioze ambile ngwo, Hi ha chiwanyino ko, kuchina zungo mulipwa hakachi ka atu.

Mateu 26:5 Iomraidhean Croise

Miaso (Masamu) 76:10

Chibwe wuli wa atu akukuchichimieka, atu waze maasala ni mwono muze jita hiyabalika, maafunga yiwanyino.

Yishima 19:21

Atu kaakushinginyeka yuma yeka ni yeka, alioze Zambi malinga chize iye mwene anazange.

Yishima 21:30

Mana, ni yinyingi, ni ukanyame wa mutu kuyahashile kumukwasa nyi Mwene Zambi kakulimika nenyi.

Izaya 46:10

Chize ku Ubutukilo, yingulumbununa yuma yize muyikeza kulutwe. Ku shakulu nambujolele shimbu kanda yuma yize muyikabwa ko. Yingwamba ngwami, manyonga jami keechi kwalumuka nichimwe, ngwami mungukalinga yuma yeswe yize nanyongene.

Lungungu 3:37

Iya mahasa kwamba chimwe Chuma, mba chibwe, nyi Zambi kachitayijile?

Mateu 14:5

Herode yazanga kumushiha, alioze yevwila mbunga woma, mumu eswe yaatayiza ngwo: “Yoano kali mukwa munanyi wa Zambi.”

Mateu 21:26

Alioze, nyi twakumbulula ngwetu: ‘Cha hashi,’ tunevu woma ku mbunga, mumu atu eswe kaakunyonga ngwo, Yoano kali mukwa munanyi wa Zambi.”

Mateu 27:24

Muze Pilatu hamona ngwenyi, kahashile kulinga nichimwe, alioze muukubwa Vunda kuhiana, yanda meya, yasana ku moko ku meso ja mbunga nikwamba ngwenyi: “Kufwa cha mutu yono ami ngunasambe kwami. Ayo milonga yenu!”

Marku 14:12

Ha tangwa litangu lia chiwanyino cha Mbolo Yize Kuyishi Yitumbo, muze te akushiha mwana panga, tumbaji twenyi yaamuhula ngwo: “Kulihi unazange tukululikile yakulia ya kwiwuluka Kubalika?”

Marku 14:2

Yaamba ngwo: “Hi ha tangwa lia chiwanyino ko, nyi ka, Vunda jinji mujibwa hakachi ka atu.”

Marku 14:27

Hohene Yesu yambila tumbaji ngwenyi: “Yenu eswe munungwehuka, mumu hichinasonewa mu Mukanda wa Zambi ngwo: ‘Mungukashiha kafunga, mba mapanga maakamwangana mwamwaa.’

Luka 20:6

Alioze, nyi twakumbulula ngwetu: ‘Cha hashi,’ mbunga maatwasa mawe ni kutushiha, mumu haanakunuka ngwo, Yoano kali mukwa munanyi wa Zambi.”

Luka 22:7

Tangwa lia chiwanyino cha Mbolo Yize Kuyishi Yitumbo yilikundama, lize te chatamba kulambula milambu ya ana mapanga ya kwiwuluka Kubalika.

Yoano 18:28

Chichamene cheswe Ayuda yaamuchiza maha Kaifa, yaamutwala ku zuwo lia mukwa kuyula. Ayuda kaanjilile ko mu zuwo lia mukwa kuyula, kuchina maajilula chijila hakutwala ku kulia cha kwiwuluka Kubalika.

Yilinga 19:29

Limbo heswe yilibwa ni Vunda jinji. Mbunga yaakwata Gayu ni Aristarku, akwa Masedonia, waze te akwenda ni Paulu, yaalundumukina ni mbunge yimuwika nikwatwala ku lwaza.

Yilinga 21:38

Yena hi uli Kaegiptu ko yoze wanehene Vunda hatangu ni kutwala mu puya tununu awana twa akwa kushihana, nyi?”

Yilinga 4:28

Haalinga chino amanunune chize yena wabatwile kulu mu upale we ni zango lie.