Mateu 26:2 - Mukanda Wa Zambi 1970

² “Nunanyingika ngwenu, ha matangwa aali mutukabwa ni chiwanyino cha Kubalika. Mba maakakunjika Mwana Mutu akamuhachile ha kulusu.”

MUKANDA USANDU WA ZAMBI 1975

² Nunanyingika kulutwe lia matangwa aali, Chizomboka muchipwa, mba makakunjika mwe Mwana Mutu akamuhachile ha kulusu.

Mateu 26:2 Iomraidhean Croise

Kutuhuka 34:25

“Muze unangulambula mulambu wa chimuna, kanda uchilinga hamwe ni mbolo yize yili ni yitumbo. Yifwo ya chimuna chize hiwashiha wa chiwanyino cha Kubalika, kanda yikasala ndoo chichamene.

Mateu 10:4

Simone, mukwa kuzanga utuswilo wa chifuchi; ni Yadase Kakeriote, yoze wakunjikile Yesu kuli akwa kole jenyi.

Mateu 17:22

Muze tumbaji twa Yesu haalikungulula hamuwika mu Galilea, Yesu yaamba ngwenyi: “Maakakunjika Mwana Mutu ku moko ja atu

Mateu 27:4

yamba ngwenyi: “Hinavulumuna ni kukunjika yoze keshi chitela cha kufwa.” Alioze yaamukumbulula ngwo: “Mba ayo milonga yetu, nyi? Ayize yinakutale yena mwene!”

Luka 22:15

yaamba ngwenyi: “Ni usona unji hingunazange kulia yakulia yino ya kwiwuluka Kubalika hamwe ni yenu shimbu kanda nguchimona lamba!

Yoano 11:55

Chiwanyino cha Kubalika cha Ayuda e hichabwa hakamwihi. Atu anji a mu chifuchi yaaya ku Yerusaleme ha kulibemesa mumu ha Kubalika.

Yoano 12:1

Te hikwasala matangwa asambano ni chiwanyino cha kwiwuluka Kubalika, Yesu yaya ku Betania kuze te atwama Lazaru, yoze ahindwishile ku kufwa.

Yoano 18:2

Yudase, yoze wakunjikile Yesu kuli akwa kole jenyi, yanyingika kuma kuze, mumu Yesu ni tumbaji twenyi ayileyile ko yisuho yinji.

Yoano 18:32

(Chenacho chikamanunune liji lize ahanjikile Yesu ha kulweza kufwa chize makafwa.)

Yoano 2:13

Yesu yaya ku Yerusaleme mumu chiwanyino cha Ayuda cha kwiwuluka Kubalika te hichabwa hakamwihi.