Mateu 26:10 - Mukanda Wa Zambi 1970

¹⁰ Alioze Yesu nikunyingika yize te anahanjika, yaamba ngwenyi: “Kuchi nunabikalisa pwo yono? Chize hangulinga, chinabeme.

MUKANDA USANDU WA ZAMBI 1975

¹⁰ Alioze Yesu ha kuchinyingika, wambile kuli ayo ngwenyi, Kuchi te nunapikalisa pwo? Mumu halinga chitanga chipema hali yami.

Mateu 26:10 Iomraidhean Croise

Nehemia 2:18

Yingwalweza chize Mwene Zambi ali hamwe ni yami, ni chize hangukwasa, ni maliji waze mwanangana hangulweza. No yaangukumbulula ngwo: “Tukatukenu, tutungulule lie limbo.” Mba yaalitakamisa ni kubutula milimo.

Jobe 13:7

Mumu yika nunahanjikila mahuza? Nunanyongo ngwenu, mahuza jenu maakwasa Zambi, nyi?

Mateu 26:11

Mumu yiswale munukabwa no matangwa eswe, alioze kunuchi kubwa ni yami matangwa eswe.

Mateu 26:9

Te chinalite kulanjisa maji wano ha mbongo jinji ni kujaha yiswale!”

Marku 14:6

Alioze Yesu yamba ngwenyi: “Mwechenu. Kuchi nunamubikalisa? Chize hangulinga chinabeme.

Luka 8:49

Shimbu te Yesu machihanjika, umwe kanganda wa ku zuwo lia mukwa kuyula yeza nikwamba ngwenyi: “Mwane hafwa. Kanda uketeka nawa longeshi.”

2 Korintu 9:8

Zambi kanahase kunwaha yuma yakulumbama, hanga matangwa eswe munubwa ni yuma yakulumbama mumu hali yenwene ni yize yinazuku mu kuhana kuli atu akwo.

Galashia 1:7

Che kwamba, kukushi sango jibema jeka. Chino ngunachambe mumu kwali amwe waze akunubikala nikufupa kuhengesa Sango Jibema ja Kristu.

Galashia 5:12

Ngunazange ngwami, waze akunubinjisa aye lume kusuku ni milimo yo, alitungune ayo ene!

Galashia 6:17

Hakusula ngwami, mutu niumwe kanda angubinjisa nawa, mumu yimbambili yize nguli nayo ha mujimba wami, yinalweze ngwo, nguli ndungo ya Yesu.

Efesu 2:10

Mumu yetu tuli chitanga cha Zambi mu kulinunga chetu ni Kristu Yesu hanga tukalinge yitanga yibema, yize Zambi atululikilile shimbu kanda, hanga tukayilinge.

Kolosu 1:10

Mba munuhasa kubwa ni ndako yize anazange Mwene Yesu, ni kulinga matangwa eswe yize yakumuwahila. Munukema mihuko yeka ni yeka ya yitanga yibema ni munutatuka mu yinyingi ya Zambi.

2 A-TESALONIKA 2:17

mwenawo anwehe hamu, ni anutakamise kulinga ni kwamba yuma yibema.

1 Timoteu 3:1

Lino liji liamwenemwene ngwo, nyi mutu manyonga kubwa kalayi wa Chikungulwila, kanazange milimo yibema.

1 Timoteu 5:10

mukwa lufuma mubema. Chatamba kubwa yoze hanalongesa ana jenyi kanawa, ni hanazumbula ngeji, ni hanasanyisa molu ja akwa Kristu, ni hanakwasa akwa lamba, ni hanalingi yuma yeka ni yeka yibema.

2 Timoteu 2:21

Nyi mutu mehuka yibi yize yeswe, Zambi mamwaha milimo yilemu. Hi chamokomoko ko, mumu kali mukwa kulinanga ku meso ja Zambi, kanalulika kulinga milimo yeswe yibema.

Titu 1:16

Kaakwamba ngwo, tunanyingika Zambi; alioze ku yitanga yo, kaakulikala ye. Kaali akwa kuzelwokesa, yihulia, keeshi mana ha kumanununa chimwe chitanga chibema.

Titu 2:14

Hanalihana iye mwene hali yetu, hanga akatulamwine ku yibi yeswe ni kutupwisa akwa mbunge jibema, atu ja iye mwene wika, akwa tachi ha kulinga yitanga yibema.

Titu 3:1

Iwulula eswe ha kwononokena mianangana ni akwa kuyula. Chaatamba kwononokena ni kululika kulinga yitanga yeswe yibema.

Titu 3:14

Chatamba atu jetu nawa alilongese yitanga yibema, hanga ahase kukwasa waze anahono chamwenemwene.

Titu 3:8

Lienalio lie liji liamwenemwene. Ngunazange ushindakenye kuhiana ha yikuma yino, hanga waze akufuliela Zambi alalaminye yitanga yibema. Yenayo yinalite ni kukwasa atu.

1 Petulu 2:12

Bwenu ni ndako yibema hakachi ka waze hi akwa Kristu ko. Nyi nwalinga chino, chibwe maanusuma mulonga ngwo: “Nwakuvulumuna”, hindu maamona yitanga yenu yibema. Kashika maakafumanyisa Zambi ha tangwa lize makeza.