Mateu 24:3 - Mukanda Wa Zambi 1970

³ Shimbu Yesu machitwama ha mulundu wa Olive, tumbaji yaamukundama ku tenga nikwamba ngwo: “Twambulwile kama mwiji muka yize yeswe muyikabwa ko. Chilayi chika muchikalweza kwiza che ni songo lia mwakono?”

MUKANDA USANDU WA ZAMBI 1975

³ Shimbu machitwama ha mulundu wa Olevwe, tumbaji twenyi ejile kuli iye ukawo, nikwamba ngwo, Twambulwile kama, mwiji muka yuma yino muyikapwa? Chilayi cha kuheta che chika, ni cha kumanunuka cha mwaka?

Mateu 24:3 Iomraidhean Croise

Mateu 13:36

Yesu yahichika mbunga, yanjila mu zuwo. Tumbaji twenyi yaamukundama nikumuhula ngwo: “Tulumbunwine kama chishima cha mwambu wamokomoko wa mu munda.”

Mateu 13:49

Chenacho muchikabwa ha kumanunuka cha mwaka. Tunganda wa mwilu maakaya ni kuhandununa yingulungulu ni akwa ululi.

Mateu 15:12

Hohene tumbaji yaakundama kuli Yesu nikumuhula ngwo: “Unanyingika ngwe Afariseu keevwanga wuli muze Wahanjikanga maliji wano, nyi?”

Mateu 16:27

Mumu Mwana Mutu makeza mu uhenya wa Tato hamwe ni tunganda twenyi a mwilu. Mba makalia mutu mweswe nikulita ni yitanga yenyi.

Mateu 16:28

Chamwenemwene ngunanwambulwila ngwami, amwe atu anamana hano keechi kafwa ndoo maakamona Mwana Mutu kaneza mwe Mwanangana.”

Mateu 17:19

Hohene tumbaji yaakundama kuli Yesu ku tenga. Yaamuhula ngwo: “Kuchi te yetu kutwahashile kutuhwisa mwiku uze?”

Mateu 21:1

Muze haakundama ku Yerusaleme, yaaheta ku chihunda cha Betfaje ha mwanda wa mulundu wa Olive, Yesu yatuma tumbaji twenyi aali kulutwe,

Mateu 24:27

Mumu ngwe muhenyo muuhenya chize ku chivumbuko ndoo ku chitokelo Chenacho muchikabwa nawa kwiza cha Mwana Mutu.

Mateu 24:30

Hohene chilayi cha mwe Mwana Mutu muchikasoloka kwilu. Mba mavungu eswe a hashi maakalila, maakamona Mwana Mutu kaneza ha malelwa ni ndundo jinji ni uhenya Wahiana.

Mateu 24:37

Ngwe chize chabwile ha matangwa ja Noa Chenacho muchikabwa nawa ha kwiza cha Mwana Mutu.

Mateu 24:39

te kaanyingikine nichimwe ndoo sanga ha meya liejile ni kwonona eswe. Chenacho muchikabwa nawa ha kwiza cha Mwana Mutu.

Mateu 24:43

Nyingikenu chino ngwenu, nyi te mwenya zuwo kananyingika kama ola yize ya ufuku mwiji meza, kachi te manongama, kechi kumutayiza kulokola zuwo lienyi.

Mateu 28:20

ni kwalongesa kwononokena yeswe yize nanuhele Shimbi. Nyingikenu ngwenu, nguli hamwe ni yenu matangwa eswe ndoo ku kumanunuka cha mwaka.”

Luka 21:7

Yaamuhula ngwo: “Longeshi mwiji muka yuma yino muyikabwa? Chilayi chayo chika?”

Yilinga 1:7

Yesu ngwenyi: “Hi cha yenu ko kunyingika miaka ni mashimbu waze Tata asele mu chiyulo chenyi mwene.

Hebreu 9:26

Nyi hachlinga yisuho yinji, kachi chamutamba kumona lamba kanji kuze ku kabutu ka hashi ndoo musono uno. Alioze haliabwila, muze miaka hiyabwa hakamwihi ni kuhwa, hanasoloka kuli atu chisuho chimuwika wika, ha kulilambula iye mwene ha kuchiza shili.