Mateu 24:1 - Mukanda Wa Zambi 1970

¹ Yesu yatuhuka mu zuwo lia Zambi lia Ayuda. Muze te anayi, tumbaji twenyi yaamukundama nikumulweza chize chatungiwile zuwo lia Zambi.

MUKANDA USANDU WA ZAMBI 1975

¹ Yesu watuhukile mu tembele, wayile mu jila yenyi, ni tumbaji twenyi ejile kuli iye mukumwinyikina mazuwo ja tembele.

Mateu 24:1 Iomraidhean Croise

Jeremia 51:61

Yingulweza Seraya ngwami: “Muze hiwaheta ku Babilone, ukatanga ku meso ja atu eswe yuma yize hinasoneka.

Jeremia 6:8

Yenu akwa Yerusaleme, lamba lino linukanyamise kama. Nyi ka, mungunwehuka, limbo lienu mungulipwisa ngwe puya, kuze niumwe kechi kutwama mo nawa.”

Ezekiel 8:6

Mwene Zambi yangwamba ngwenyi: “Mwana mutu, unamono chize analingi, nyi? Tala yuma ya Aisraele ya kuzelwokesa yize analingi muno, nikunguhanga kusuku ni zuwo liami lia chijila. Muumona yuma yinji ya sonyi yahiana yino.”

Hosea 9:12

Chibwe maakusema ana, mungukaachiza, chibwe umuwika kechi kasala. Muze hinehuka vungu lino, anyingike ngwo, lamba linji mulikawana.”

Mateu 21:23

Muze Yesu hanjila mu zuwo lia Zambi, yabutuka kulongesa. Mahako a lutwe a Zambi ni makulwana ja Ayuda yaamukundama nikumuhula ngwo: “Ni chiyulo chaya wakulinga nacho yino yuma? Iya wakuhele chiyulo chino?”

Mateu 23:39

Ngunanwambulwila ngwami, chize ku tangwa lino, kunuchi kangumona nawa nichimwe, ndoo munukamba ngwenu: ‘Zambi awahise yoze uneza mu jina lia Mwene!’ ”

Yoano 2:20

Ayuda yaamwamba ngwo: “Miaka makumi awana ni yisambano atungile zuwo lino, alioze yena muukalimika ha matangwa atatu, nyi?”