Mateu 23:2 - Mukanda Wa Zambi 1970

² “Alongeshi a Shimbi ni Afariseu haanatambula yilemu ya kulumbununa Shimbi ja Mose.

MUKANDA USANDU WA ZAMBI 1975

² ngwenyi, Akwa kusonyeka ni A-Fwariseu hanatambula chitwamo cha Mose:

Mateu 23:2 Iomraidhean Croise

Ezra 7:25

“Yena Ezra, linga ni mana waze Zambi hanakwehe, utongole ngaji ni akwa kuyula waze maayula atu eswe waze atwama ku chitokelo cha lwiji Ufrateze, waze akufunga Shimbi ja Zambi ye. Ulongese atu eswe waze kaajinyingikine.

Ezra 7:6

Ezra te kali longeshi wa mana, yanyingika kanawa Shimbi jize Mwene Zambi, Zambi ya Aisraele ahanyine kuli kavumbi kenyi Mose. Mwanangana wa Persia yamwaha yuma yeswe yize echile, mumu Mwene Zambi, Zambi yenyi, wabwile hamwe nenyi. Ha mwaka wa muchishimbiali wa kuyula cha mwanangana Artasherke, Ezra yatuhuka mu chifuchi cha Babilone ni kuya ku limbo lia Yerusaleme hamwe ni mbunga ya Aisraele: mahako, ni Alevi, ni njimba ni tufunga twa zuwo lia Zambi, ni akwa milimo.

Malaki 2:7

Milimo ya mahako yili kulongesa yinyingi yamwenemwene ya Zambi. Atu chaatamba kuya kuli ayo hanga aalongese upale wami, mumu mahako kaali tunganda twa yami Mwene Zambi Mukwa Ndundo Jeswe.

Mateu 23:3

Kashika chanutamba kwononoka ni kulinga yeswe yize ananwambe, alioze kanda nwimbulula ndako jo, mumu keeshi kulinga yuma yize analongesa.

Marku 12:38

Mu longeso lienyi yamba ngwenyi: “Kanyaminenu alongeshi a Shimbi, waze akuzanga kwendangana ni mahina a lubula, waze akuzanga atu kwameneka mu yitanda,

Luka 20:46

“Kanyaminenu alongeshi a Shimbi waze akuzanga kwendangana ni mahina a lubula, waze akuzanga atu kwameneka ni vumbi mu yitanda, waze akuzanga yitwamo ya kulutwe mu mazuwo a kuwayila ni mihela ya vumbi mu yiwanyino.

Shimbi 33:3

Mwene Zambi kakuzanga atu jenyi, kakufunga waze nienyi. Kashika tuliumbenu ku molu jenyi, tufungenu Shimbi jenyi.