Mateu 22:3 - Mukanda Wa Zambi 1970

³ Mba yatuma tuvumbi twenyi ni kutambika waze alakenyene ku umbachiso. Alioze kaatayile ko kwiza.

MUKANDA USANDU WA ZAMBI 1975

³ mba watumine ndungo jenyi mukutambika waze aalakenyene ku ulungi: no katayile kwiza.

Mateu 22:3 Iomraidhean Croise

Miaso (Masamu) 68:11

Mwene Zambi yahana Shimbi, mba mapwo anji yaamwanga sango ngwo:

Izaya 30:15

Mwene Zambi, Zambi Munangi wa Israele, kanambila atu jenyi ngwenyi: “Hilukenu, shachilenu hali yami, mba munubwa ni tachi ni uhwimino.” Alioze nunalitunu kuchilinga!

Jeremia 25:4

Yenu kunwabanjikile ko chibwe kukanyama, chibwe Mwene Zambi te kakunutumina tuvumbi twenyi akwa munanyi.

Jeremia 35:15

Matangwa eswe te nakunutumina tuvumbi twami akwa munanyi. No yaanulweza nwehuke ndako jenu jibi ni kulinga yize yinalite. Haananukanyamisa kulitwamina kuwayila ni kulingila mazambi eka, hanga nutwame miaka yinji mu chifuchi chize hingunanwehe yenu ni tushakulu twenu. Alioze kunwangwivilile ko, kunwangubanjikile ko.

Hosea 11:2

Cheswe nalikolezele kumutambika, neye Chenacho angumbile nyima kuhiana. Atu jami yaalambula Bale yitapo, yoochela yitumbo ya vumba libema ku mahamba.

Hosea 11:7

Atu jami haangumba nyima. Maakalila mumu ha kanga lize lili hali ayo, alioze niumwe makaachiza lio.

Zefania 1:7

Tangwa lia Mwene Zambi hiliakundama lize Zambi mabatwila atu, kashika twamenu kuluu ku meso jenyi. Mwene Zambi kanalulika kulambula atu jenyi ngwe mulambu.

Mateu 21:34

Muze mwaka wa kuhela hiwaheta, yatuma tuvumbi twenyi kuli njimi hanga akatambule yimwe mihuko.

Mateu 23:37

“Yerusaleme, Yerusaleme! Yena wakushiha akwa munanyi a Zambi, wakwasa mawe waze Zambi akukutumina! Yisuho yibwa haha nazangile kukungulula atu je ngwe chize chali cha kasumbi akukungulula ana jenyi mu mapulwa jenyi, alioze kunwachitayijile!

Mateu 3:2

“Alumukenu ku mbunge, mumu Wanangana wa mwilu hiwakundama.”

Mateu 9:15

Yesu yaakumbulula ngwenyi: “Masepa ja sandungi maahasa kunenganyana shimbu sandungi uchili hamwe no, nyi? Ka! Alioze tangwa mulikeza muze maakachiza sandungi, mba maakalitwamina kulia.

Luka 13:34

“Yerusaleme, Yerusaleme! Yena wakushiha akwa munanyi a Zambi, wakwasa mawe waze Zambi akukutumina! Yisuho yibwa haha nazangile kukungulula ana je, ngwe chize chali cha kasumbi akukungulula ana jenyi mu mapulwa, alioze kunwachitayijile!

Luka 15:28

Yayo yatenuka, yalituna kunjila mu zuwo. Tato yatuhuka mu kumulembejeka hanga anjile.

Luka 19:27

Alioze hakutwala kuli akwa kole jami, waze kaanguzangile kubwa mwanangana wo, anehenu kuno, ashihenu ku meso jami!’ ”

Yoano 5:40

Alioze kunusolo kwiza kuli yami hanga nukabwe ni mwono.

Yilinga 13:45

Ha kumona mbunga yize, Ayuda yeevwila ukwa unji, yaahangulula Paulu, yaamushililika.

A-ROMA 10:21

Alioze hakutwala kuli Aisraele kanambe ngwenyi: “Tangwa lieswe nganganga hingunolola moko jami kuli yihulia kanda akwa pami.”

Hebreu 12:25

Kanyamenu, kanda nulituna yoze unahanjika. Atu waze alitunyine yoze te wakwalweza liji lia Zambi hano hashi, yaamwesa lamba. Nyi Chenacho, tunyingikenu ngwetu, nyi mutwehuka Mukwa Mwilu yoze unatuhanjikila, ni yetu makatumwesa lamba liahiana.

Hebreu 9:15

Kashika Kristu kali Chitakanyishi cha Usendo Waha, hanga waze Zambi hanatambika ahase kutambula yiwape ya miaka yeswe yize Zambi alakenyene. Maahasa kuyitambula mumu Kristu hanafu, ni kufwa chenyi chakulamwina atu ku milonga yize alingile muze ononokene ku Usendo uze utangu.

Usolwelo 22:17

Mwiku wa Linanga ni Nandungi kaanambe ngwo: “Tweya!” Yoze Unevu yuma yino chamutamba kwamba nawa ngwenyi: “Tweya!” Yoze Unevu pwila eze. Yoze unazange kunwa meya a mwono, aatambule chawana.