Mateu 2:8 - Mukanda Wa Zambi 1970

⁸ Henaho yaatuma ku Betleheme nikwamba ngwenyi: “Yeenu nukahulehule hakutwala kuli mwe mwana. Muze hinwamuwana, nukeze nukangwambulwile, hanga ni yami ngukaye ni kumuwayila.”

MUKANDA USANDU WA ZAMBI 1975

⁸ Waatumine ku Mbeteleme, ngwenyi, Yénu, nukahule pundu ha kutwala kuli mwe mwana; muze munumuwana, nukeze, nukangwambulwile, hanga ni yami nawa ngukaye, ngukamuwayile.

Mateu 2:8 Iomraidhean Croise

2 Samuel 17:14

Absalome ni Aisraele eswe yaamba ngwo: “Mana ja Hushai kaanahiana mana ja Ahitofele.” Mumu Zambi hanyonga ngwenyi, chibwe mana ja Ahitofele kaali abema, kuchatambile kwakaula hanga Absalome amone lamba.

1 Yitanga Ya Mianangana 19:2

Jezebele yatuma liji ni kwambulwila Eliya ngwenyi: “Hamene ha ola yinoyene, nyi chakushihile ngwe chize unakashiha akwa munanyi ja Bale, mazambi jami angushihe.”

Yishima 21:30

Mana, ni yinyingi, ni ukanyame wa mutu kuyahashile kumukwasa nyi Mwene Zambi kakulimika nenyi.

Lungungu 3:37

Iya mahasa kwamba chimwe Chuma, mba chibwe, nyi Zambi kachitayijile?

Mateu 2:1

Yesu yasemuka mu Betleheme, limbo lia mu Yudea, muze te Herode abwile mwanangana. Muze Yesu hasemuka, akwa mana waze te akuhengula matongonoshi, yaakatuka ku chivumbuko, yeeza ku Yerusaleme.

Mateu 2:7

Mba Herode yatambika akwa mana ku tenga, yaahula pundu tangwa lize asolokele lutongonoshi.

Mateu 2:9

Muze heevwa maliji ja mwanangana, yaakatuka, yaaya, yaamona lutongonoshi yoze amwene ku chivumbuko. Ha kumumona yaawahilila kuhiana. Lutongonoshi yatetekela kulutwe lio ndoo yamana helu lia homa haze habwile mwe mwana.