Mateu 2:7 - Mukanda Wa Zambi 1970

⁷ Mba Herode yatambika akwa mana ku tenga, yaahula pundu tangwa lize asolokele lutongonoshi.

MUKANDA USANDU WA ZAMBI 1975

⁷ Hohene Heronde watambikile akwa mana ku tenga, waahulile pundu shimbu lize lutongonoshi wasolokele.

Mateu 2:7 Iomraidhean Croise

Miaso (Masamu) 55:21

Kanwa lienyi yiliyema kuhiana ngwe yamwa, alioze mu mbunge yimuzala ni kole, Maliji jenyi koovula ngwe maji, alioze yaalemeka ngwe mukwale.

Kutuhuka 1:10

Tangwa likwo, nyi kwabwa jita, maalichinga ni akwa kole jetu nikwasa jita ni yetu, mba maachina kwo. Kashika tubwenu ni mana hanga kanda aliokesa nawa.”

Kwalula 24:17

Ngunatale kulutwe, ngumone vungu lia Israele. Umwe mwanangana, ngwe lutongonoshi wa kutemuka, makavumbuka mu vungu lia Israele; ngwe mutumbu yoze unakatuka kuli Israele. Makalamba miata ja Moabe, makalimbwila Asete eswe.

Mateu 2:1

Yesu yasemuka mu Betleheme, limbo lia mu Yudea, muze te Herode abwile mwanangana. Muze Yesu hasemuka, akwa mana waze te akuhengula matongonoshi, yaakatuka ku chivumbuko, yeeza ku Yerusaleme.

Mateu 2:16

Muze Herode hanyingika ngwenyi, akwa mana haamulenya, yevwa ufwatulo, yahana Shimbi ya kushiha ana malunga a mu Betleheme ni a mu chifuchi cha kusulangana a miaka yaali ni waze kanda achiheta ku miaka yaali, nikulita ni tangwa lize amulwezele akwa mana.

Mateu 2:8

Henaho yaatuma ku Betleheme nikwamba ngwenyi: “Yeenu nukahulehule hakutwala kuli mwe mwana. Muze hinwamuwana, nukeze nukangwambulwile, hanga ni yami ngukaye ni kumuwayila.”

Yilinga 24:22

Felix, nikunyingika pundu longeso hakutwala kuli Yesu Kristu, yaashimbwishila, yaamba ngwenyi: “Muze mwata wa tujita Lisia makeza, mba mungukabatula mulonga wenu.”

Usolwelo 12:15

Mba kapela yatuhwisa meya mu kanwa lienyi kunyima lia pwo ngwe lwiji munene, hanga pwo yoze atoke mu meya.

1 Samuel 18:21

yamba ngwenyi: “Mungumwaha ye hanga akabwe muheto kuli iye. Afilistia amushihe.” Kashika Saulu yamwamba chisuho cha muchaali ngwenyi: “Yena muukabwa Ukwe wami.”