Mateu 2:4 - Mukanda Wa Zambi 1970

⁴ Yakungulula mahako a lutwe a Zambi eswe ni alongeshi a Shimbi. Yaahula ngwenyi: “Chilamwina yoze Zambi alakenyene, kulihi chamutamba kusemukina?”

MUKANDA USANDU WA ZAMBI 1975

⁴ Ha kukungulula asasendote akwa lutwe eswe, ni akwa kusonyeka ja atu, waahulile kuze Kristu masemukina.

Mateu 2:4 Iomraidhean Croise

2 Sango Ja Mianangana 34:15

Yambila Shafane ngwenyi: “Tala hinawana mukanda wa Shimbi muno mu zuwo lia Zambi.” Yauhana kuli Shafane.

2 Sango Ja Mianangana 36:14

Chikwo nawa, makulwana ja Ayuda, ni mahako, ni e atu yeembulula ndako ja mavungu waze te aajingilika ni kukombelela mahamba, Chenacho abihishile zuwo lia Zambi lize Zambi iye Mwene apwishile lia chijila.

Ezra 10:5

Mba Ezra yakatuka, yashingisa miata ja mahako, ni ja Alevi, ni ja Aisraele eswe ngwenyi: “Mutulinga nikulita ni maliji wano.”

Ezra 7:6

Ezra te kali longeshi wa mana, yanyingika kanawa Shimbi jize Mwene Zambi, Zambi ya Aisraele ahanyine kuli kavumbi kenyi Mose. Mwanangana wa Persia yamwaha yuma yeswe yize echile, mumu Mwene Zambi, Zambi yenyi, wabwile hamwe nenyi. Ha mwaka wa muchishimbiali wa kuyula cha mwanangana Artasherke, Ezra yatuhuka mu chifuchi cha Babilone ni kuya ku limbo lia Yerusaleme hamwe ni mbunga ya Aisraele: mahako, ni Alevi, ni njimba ni tufunga twa zuwo lia Zambi, ni akwa milimo.

Miaso (Masamu) 2:2

Mianangana jo haalilulika kwasa jita, akwa kuyula jo kaanatwama Mwene Zambi punga ni mwanangana yoze awayishile maji.

Jeremia 8:8

Mba ngwe kuchi munuhasa kulisamba ngwenu, nuli akwa mana, nunanyingika Shimbi jami? Talenu, alongeshi a uhenge haalumuna Shimbi jami.

Malaki 2:7

Milimo ya mahako yili kulongesa yinyingi yamwenemwene ya Zambi. Atu chaatamba kuya kuli ayo hanga aalongese upale wami, mumu mahako kaali tunganda twa yami Mwene Zambi Mukwa Ndundo Jeswe.

Mateu 13:52

Mba yaamba ngwenyi: “Chenacho longeshi mweswe wa Shimbi yoze mabwa kambaji mu Wanangana wa mwilu walifwa ngwe mwenya zuwo yoze matuhwisa mu chibatulo muze akuswekela ubite wenyi, yuma yaha ni yikulu.”

Mateu 2:3

Muze mwanangana Herode hachivwa, yalibikala kuhiana, ni akwa Yerusaleme eswe.

Mateu 2:5

Yaamukumbulula ngwo: “Ku Betleheme, mu Yudea, mumu Chenacho asonekene mukwa munanyi wa Zambi ngwenyi:

Mateu 21:15

Mahako a lutwe a Zambi ni alongeshi a Shimbi yeevwa wuli mumu ha yitanga ya kulishimwoka yize alingile Yesu, ni mumu ha kukololoka cha ana mu zuwo lia Zambi ngwo: “Vulie Mwana wa David!”

Mateu 21:23

Muze Yesu hanjila mu zuwo lia Zambi, yabutuka kulongesa. Mahako a lutwe a Zambi ni makulwana ja Ayuda yaamukundama nikumuhula ngwo: “Ni chiyulo chaya wakulinga nacho yino yuma? Iya wakuhele chiyulo chino?”

Mateu 26:3

Hohene mahako a lutwe a Zambi ni makulwana ja Ayuda yaalikungulula mu yize ya Kaifa, mwata wa mahako.

Mateu 26:47

Shimbu te Yesu machihanjika, Yudase, umwe wa kuli tumbaji kumi ni aali, yaheta hamwe ni mbunga yinene, te anambata mikwale ni kanda. Mahako a lutwe a Zambi ni makulwana ja Ayuda aatumine.

Mateu 27:1

Chichamene cheswe, mahako a lutwe a Zambi eswe ni makulwana ja Ayuda yaatwama Yesu punga hanga amushihise.

Mateu 7:29

Mumu kabwile ko ngwe alongeshi jo a Shimbi, alioze yalongesa ni chiyulo.

Marku 8:31

Yesu yabutuka kulongesa tumbaji twenyi ngwenyi: “Chatamba Mwana Mutu kumona lamba linji. Makulwana ja Ayuda, ni mahako a lutwe a Zambi, ni alongeshi a Shimbi maakalituna ye, maakamushiha, mba ha tangwa lia muchitatu kumakahinduka.”

Luka 20:19

Alongeshi a Shimbi ni mahako a lutwe a Zambi yaafupa mana a kukwata Yesu ha shimbu lizeliene, mumu yaanyingika ngwo, kata chishima chino ha kwahisa, alioze yeevwila atu woma.

Luka 23:10

Mahako a lutwe ni alongeshi a Shimbi yaakatukila Yesu nikumusuma chikolo.

Yoano 18:3

Yudase yaya ku munda uze hamwe ni mbunga ya tujita ni tufunga twa zuwo lia Zambi. Mahako a lutwe a Zambi ni Afariseu aatumine. Yaaheta ku munda, te ndeya anambata, ni kahia ku masoka mukalekwoka, ni yuma yakwasa nayo jita.

Yoano 3:10

Yesu ngwenyi: “Yena uli longeshi munene wa Aisraele, hindu kuwanyingikine yuma yino, nyi?

Yoano 7:32

Afariseu yeevwa kulinyenyeta cha mbunga hakutwala kuli Yesu. Kashika ayo ni mahako a lutwe a Zambi yaatuma tufunga twa zuwo lia Zambi hanga akamukwate.

Yoano 8:3

Alongeshi a Shimbi ni Afariseu yaamunehena pwo yoze wakwachikile mu utanji, yaamumika ku meso ja atu eswe,

Yilinga 23:9

Yikubwa zungo linji. Amwe alongeshi a Shimbi, a ku mbunga ya Afariseu, yaakatuka nikuhamika chikolo ngwo: “Kutushi kuwana chibi nichimwe muli yono mutu. Tangwa likwo mwiku wa Zambi hanji kanganda ka mwilu unakahanjika nenyi.”

Yilinga 4:5

Muze hikwacha, akwa kuyula ja Ayuda, ni makulwana, ni alongeshi a Shimbi yaalikungulula mu Yerusaleme.

Yilinga 6:12

Chenacho akatwishile mbunga ya atu, ni makulwana, ni alongeshi a Shimbi, yaalundumukina hali Estevau (Etienne), yaamukwata, mba yaamutwala ku meso ja Mbunga ya Ngaji ja Ayuda.