Mateu 2:2 - Mukanda Wa Zambi 1970

² Yaahula ngwo: “Ulihi mwana yoze unakasemuka, yoze makabwa mwanangana wa Ayuda? Tunakamona lutongonoshi wenyi nikusoloka ku chivumbuko. Hitweza ni kumuwayila.”

MUKANDA USANDU WA ZAMBI 1975

² ngwo, Ulihi yoze unasemuka Mwanangana wa A-Yunda? Mumu twamwene lutongonoshi wenyi mu Chivumbuko, hitweza mukumuwayila.

Mateu 2:2 Iomraidhean Croise

Miaso (Masamu) 2:6

Ngwenyi: “Hingunawayisa mwanangana wami maji, ha Zione, mulundu wami wa chijila.”

Miaso (Masamu) 45:11

Mwanangana kanakuzange mumu ha ubeme we; kali mwene we, kashika chatamba kumwononokena.

Izaya 60:3

Mavungu akwo maakeza ku pangu lie; ni mianangana ku kuvumbuka cha tangwa lie.

Jeremia 23:5

Mwene Zambi kanambe ngwenyi: “Tangwa kulineza lize mungukatongola mwanangana umwe wa ululi, wa ku vungu lia David. Mwanangana yoze makayula ni mana, makalinga ni ululi ni yize yinalite mu chifuchi.

Jeremia 30:9

Alioze maakalingila yami Mwene Zambi, Zambi yo, ni umwe mutu wa ku vungu lia David, yoze mungukapwisa mwanangana.

Zakaria 9:9

Yenu akwa Zione, wahililenu, wahililenu! Yenu akwa Yerusaleme kololokenu ni uwahililo! Talenu, mwanangana wenu kaneza kuli yenu! Mukwa kukumba wakangana, hindu mukwa kulikehesa, kanendela hali chimbulu, hali mwana yoze wasemukine kuli chimbulu.

Kwalula 24:17

Ngunatale kulutwe, ngumone vungu lia Israele. Umwe mwanangana, ngwe lutongonoshi wa kutemuka, makavumbuka mu vungu lia Israele; ngwe mutumbu yoze unakatuka kuli Israele. Makalamba miata ja Moabe, makalimbwila Asete eswe.

Mateu 2:3

Muze mwanangana Herode hachivwa, yalibikala kuhiana, ni akwa Yerusaleme eswe.

Mateu 21:5

“Ambilenu mwana pwo wa Zione ngwenu: ‘Tala mwanangana we kaneza kuli yena, mukwa kulikehesa, kanende ha chimbulu, kanende hali mwana wa chimbulu.’ ”

Mateu 27:11

Yesu yamana ku meso ja mukwa kuyula Pilatu. Neye yamuhula ngwenyi: “Mwe mwanangana wa Ayuda yena, nyi ka?” Yesu ngwenyi: “Kuwamba.”

Luka 19:38

Yaambamba ngwo: “Zambi awahise Mwanangana yoze uneza mu jina lia Mwene! Uhwimino mwilu, uhenya kuli Zambi Mwilu Mwahiana!”

Luka 2:11

Ufuku unowene, mu limbo lia David, Chilamwina hanusemukina, iye Kristu mwe Mwene!

Luka 23:3

Pilatu yamuhula ngwenyi: “Mwe mwanangana wa Ayuda yena, nyi ka?” Yesu ngwenyi: “Kuwamba.”

Luka 23:38

Helu lienyi hasonewene ngwo: “Yono mwe Mwanangana wa Ayuda.”

Yoano 1:49

Mba Natanele yamwamba ngwenyi: “Longeshi, mwe Mwana Zambi yena! Mwe Mwanangana wa Israele!”

Yoano 12:13

No yaanda mitango ya ngaji, yaatuhuka mu limbo ni kumubatwiza, yaakololoka ngwo: “Vulie! Zambi awahise yoze uneza mu jina lia Mwene. Zambi awahise Mwanangana wa Israele!”

Yoano 18:37

Pilatu kashika yahula ngwenyi: “Kuma, yena uli mwanangana, nyi?” Yesu ngwenyi: “Kuwamba, nguli mwanangana. Ha chikuma chino nasemukinyine ni nejilile hano hashi, hanga ngukashindakenye ha umwenemwene. Yoze wa ku umwenemwene, kakwivwa yize nakwamba.”

Yoano 19:19

Pilatu yasonekesa Chisoneko ni kuchisa ha kulusu: “Yesu Kanazare, mwe Mwanangana wa Ayuda.”

Yoano 20:28

Tomase ngwenyi: “Mwene wami, Zambi yami!”

Yoano 5:23

hanga atu eswe akalemese Mwana ngwe chize akulemesa Tata. Yoze keshi kulemesa Mwana, keshi kulemesa Tata yoze wamutumine.

Yoano 9:38

Mwe mutu ngwenyi: “Mwene, ngunafuliela.” Mba yafulamana ku meso ja Yesu.

Hebreu 1:6

Muze te Zambi himamba kutuma Mwanenyi mutangu hano hashi, yamba nawa ngwenyi: “Tunganda a mwilu eswe amuwayile.”

Usolwelo 22:16

“Yami, Yesu, hingunatumu kanganda kami ka mwilu ha kwambujola yuma yino yeswe mu Yikungulwila. Nguli wa ku Chikota cha David, nguli mutumbu yoze wakutemuka ha chichamene.”