Mateu 2:11 - Mukanda Wa Zambi 1970

¹¹ Akwa mana yaanjila mu zuwo, yaamona mwana hamwe ni naye Maria, yaafulamana, yaawayila mwe mwana, yaabakula yikashi yo, yaamulambula milambu ya oru, ni maji a vumba libema libano, ni mira.

MUKANDA USANDU WA ZAMBI 1975

¹¹ No anjilile mu zuwo, amwene mwe mwana hamwe ni naye Maria; afulamanyine nikumuwayila, no nikupakula upite wo, amulambwile yawana ya oru ni libano ni mira.

Mateu 2:11 Iomraidhean Croise

Ubutukilo 43:11

Mba tato Israele yaamba ngwenyi: “Nyi chenaacho, kuheshi Chuma. Lingenu chino, andenu yuma yibema ya mu chifuchi chetu, ndundu, ni wuchi, ni ndungu, ni maji a vumba libema, ni mikeshi, nuyise mu tuku jenu, nukamwehe lunga yoze milambu.

1 Yitanga Ya Mianangana 10:10

Mba yamwaha mwanangana Solomone yawana yize amunehenene: kilo ja oru kuhiana 4,000, ni yuma yinji ya vumba libema, ni mawe anji a ndando yinji. Yuma ya vumba libema yize amunehenene yiihiana kwoka yize amunehenene kuli atu akwo.

1 Yitanga Ya Mianangana 10:2

Yeza hamwe ni mbunga yinene ya atu jenyi, ni tumelu waze te anambata yuma ya vumba libema, ni mawe a ndando yinji, ni oru yinji. Muze haheta maha mwanangana yamuhula yeswe yize anyongene.

Miaso (Masamu) 45:8

Mahina je kaakukupuka vumba libema lia yuma yino: mira, ni yilombo, ni kasia, atu kaakukwimbila tulialia mu mazuwo akwola ni mazo a njamba.

Miaso (Masamu) 72:10

Mianangana ja chifuchi cha Espania, ni a mahongo maamwaha yawana; Mianangana ja chifuchi cha Arabia ni Etiopia maamulambula milambu.

Miaso (Masamu) 72:15

Mwanangana alinduluke mu wanangana wenyi. Atambule oru ya ku Arabia; atu amulembele Zambi matangwa eswe; Zambi amuwahise matangwa eswe!

Miaso (Masamu) 95:6

Tweyenu, tufukamenu tumuwayile, tusenu makungunwa hashi ku meso ja Mwene Zambi, Tangi yetu.

Kutuhuka 30:23

“Ukanda yuma ya vumba libema: kilo jisambano ja maji a mira, ni kilo jitatu ja sinamone, ni kilo jitatu ja mishachi,

Kutuhuka 30:34

Mwene Zambi yambila Mose ngwenyi: “Ukanda yihanda yize yinalite ya yuma yino ya vumba libema: stakte, ni onisha, ni ngalbanume, ni libano libema, yeswe yikabwa cheseko chimuwika.

Mwaso Ubema Wahiana 3:6

Yika ayize yinakatuka ku puya yineza yalifwa ni mwishi ngwe nguji? Yinakupuka ni maji a vumba libema ni yuma ya kwochela ha chilumbilo, yuma yize alanjile kuli akwa kulanjisa.

Izaya 60:6

Mikana ya tumelu anji muyikeza, ya ku Midiane ni Efa. Muyikeza ya ku Sheba nikuneha oru ni yuma ya vumba libema yize akwocha. Atu kumaakambujola sango jibema jize Mwene Zambi hanalingi!

Alevi 6:15

Akazomona ho kwoko lia wunga, ni maji, ni yuma ya vumba libema, ni kuyocha ha chilumbilo, yikaweme. Chili chinyingi cha kulweza ngwo, milambu yeswe hayilambula kuli Mwene Zambi. Lupembo wa mulambu uno makawahila kuli Mwene Zambi.

Malaki 1:11

Chize ku mbango yimuwika ya hashi ndoo ku mbango yikwo atu kaakungulemesa. Kweswe kaakungwochela yuma ya vumba libema ni kungulambula milambu yize yinalite. Eswe kaakungufumanyisa!

Mateu 1:18

Yesu Kristu yasemuka ngwe chino. Maria te hamwambisa kuli Josefe. Alioze muze te kanda achilimona, Maria yanyingika ngwenyi, kali ni ufumba wa Mwiku wa Linanga.

Mateu 12:46

Shimbu te Yesu machihanjika ni mbunga, kuma naye ni anakwo yaaheta, yaamana haze, yaafupa kuhanjika nenyi.

Mateu 14:33

Waze abwile mu wato yaawayila Yesu. Ngwo: “Chamwenemwene, mwe Mwana Zambi yena!”

Mateu 2:2

Yaahula ngwo: “Ulihi mwana yoze unakasemuka, yoze makabwa mwanangana wa Ayuda? Tunakamona lutongonoshi wenyi nikusoloka ku chivumbuko. Hitweza ni kumuwayila.”

Luka 2:16

No yaaya nikawashi, yaawana Maria ni Josefe, yaamona mwe mwana kemba, te kanabombo mu chililo cha yimuna.

Luka 2:38

Neye yaheta ha ola yizeyene, yasakwila Zambi, yalumbununa yikuma ya mwe mwana kuli atu eswe waze te akusa mbunge ku ukule wa Yerusaleme.

Yoano 19:39

Nikodemu, yoze wejile kuli Yesu ha ufuku, yaya nenyi. Te kanambata maji a vumba libema akuchinga ni mira ni aloa. Kulema cha maji, kilo ngwe makumi atatu.

Usolwelo 19:10

Yingufulamana ku molu jenyi ha kumuwayila. Alioze yangwamba ngwenyi: “Ka, kanda uchilinga! Nguli kavumbi ni mukwenu hamwe ni akwenu waze akwete umwenemwene uze asolwele Yesu. Wayila Zambi!” Mumu umwenemwene uze asolwele Yesu, wenawo te Wakukolesa akwa munanyi a Zambi ha kwambujola maliji jenyi.

Usolwelo 5:8

Muze hatambula mukanda, akwa mwono waze awana ni makulwana waze makumi aali ni awana yaafulamana ku meso ja Mwana Panga. Mukulwana mweswe te kali ni chisaji ni misenge ya oru yize yinazala ni maji a vumba libema. Yenayo yilemba ya akwa Kristu.

1 Samuel 10:27

Alioze amwe atu amokomoko yaamba ngwo: “Yono ngwe kuchi mahasa kutulamwina?” Yaamulelesa, yaamumina milambu.