Mateu 2:1 - Mukanda Wa Zambi 1970

¹ Yesu yasemuka mu Betleheme, limbo lia mu Yudea, muze te Herode abwile mwanangana. Muze Yesu hasemuka, akwa mana waze te akuhengula matongonoshi, yaakatuka ku chivumbuko, yeeza ku Yerusaleme.

MUKANDA USANDU WA ZAMBI 1975

¹ Achi, muze te Yesu hanasemuka mu Mbeteleme, chihunda cha mu Yundeya ha matangwa ja mwanangana Heronde, kumanyi, akwa mana a ku Chivumbuko ejile ku Yerusaleme,

Mateu 2:1 Iomraidhean Croise

Ubutukilo 10:30

Chifuchi chize te atwama yichikatuka ku Mesha yichiheta ndoo ku Sefa mu chifuchi cha milundu ku chivumbuko.

Ubutukilo 25:6

Alioze muze te Abrahama kanda achifwa, ana malunga waze asemene ni mapwo akwo, yaahaha yawana. Mba yaalweza ha kuhichika chifuchi cha Isake ni kuya ku chifuchi cha ku sali lia chivumbuko.

Ubutukilo 41:8

Ha chichamene yalibikala, yatambika tahi ni akwa mana eswe a mu chifuchi cha Egiptu. Yaawila yilota yenyi, alioze kamwenekene ko chibwe umuwika yoze mahasa kuyilumbununa.

Ubutukilo 49:10

Lukanda wa wanangana kechi akatuka kuli Yuda, mbwechi ya mukwa kuyula keechi kayichiza ku vungu lienyi ndoo ni kuze mwenya yo makasoloka, yoze atu maakononokena.

1 Yitanga Ya Mianangana 4:30

Mana a Solomone kahiana mana ja akwa chivumbuko ni akwa Egiptu.

1 Sango Ja Mianangana 2:51

Salma mwanenyi wa muchaali yatunga limbo lia Betleheme Harefe mwanenyi wa muchitatu yatunga limbo lia Betgadere.

Jobe 1:3

Yabita mapanga 7,000, ni tumelu 3,000, ni ngombe 1,000, ni yimbulu 500. Yabwa nawa ni ndungo anji. Te pichi kuhiana akwo eswe ku chivumbuko.

Izaya 11:10

Tangwa mulikeza lize mwanangana mwaha wa ku vungu lia wanangana wa David makabwa ngwe chilayi hakachi ka mavungu. Atu eswe maakalikungulula mu limbo lienyi lia wanangana ni kumulemesa.

Mika 5:2

Mwene Zambi ngwenyi: “Yena Betleheme Efrata, uli mukepe kuhiana mukachi ka membo ja Yuda, alioze muli yena mungukatuhwisa umwe mukwa kuyula wa Aisraele. Kwalula cha akwa jiko lienyi chinayi ndoo ku shakulu.”

Mateu 1:25

Alioze kalimwene ko nenyi ndoo yasema mwanenyi wa lunga. Josefe yamuluka jina ngwenyi, Yesu.

Mateu 2:16

Muze Herode hanyingika ngwenyi, akwa mana haamulenya, yevwa ufwatulo, yahana Shimbi ya kushiha ana malunga a mu Betleheme ni a mu chifuchi cha kusulangana a miaka yaali ni waze kanda achiheta ku miaka yaali, nikulita ni tangwa lize amulwezele akwa mana.

Mateu 2:19

Muze Herode hafwa, kanganda ka mwilu yasolokela Josefe mu chilota mu chifuchi cha Egiptu.

Mateu 2:3

Muze mwanangana Herode hachivwa, yalibikala kuhiana, ni akwa Yerusaleme eswe.

Mateu 2:5

Yaamukumbulula ngwo: “Ku Betleheme, mu Yudea, mumu Chenacho asonekene mukwa munanyi wa Zambi ngwenyi:

Mateu 2:7

Mba Herode yatambika akwa mana ku tenga, yaahula pundu tangwa lize asolokele lutongonoshi.

Luka 1:5

Muze te Herode akuyula mu chifuchi cha Yudea, yikubwa hako lia Zambi, jina lienyi te Zakaria, wa ku mbunga ya mahako ja Abija. Pwo lienyi, Isabele (Elisabete), wa ku vungu lia Arone, mwata wa mahako ja Zambi.

Luka 2:11

Ufuku unowene, mu limbo lia David, Chilamwina hanusemukina, iye Kristu mwe Mwene!

Luka 2:15

Muze tunganda a mwilu akatukile ni kuhiluka mwilu, tufunga yaalihanjikisa ngwo: “Tuyenu haliabwila ndoo ku Betleheme, tutale Chuma chino hichabwa, chize Mwene Zambi hatunyingikisa.”

Yoano 7:42

Mukanda wa Zambi unambe ngwo: ‘Chilamwina yoze Zambi alekenyene makabwa wa ku vungu lia David, mu limbo lia Betleheme.’ ”

Akwa Kuyula 17:7

Kwabwile umwe mukweze wa kuli Alevi, yatwama mu limbo lia Betleheme mu Yuda.