Mateu 18:3 - Mukanda Wa Zambi 1970

³ yamba ngwenyi: “Chamwenemwene ngunanwambulwila ngwami, nyi kunwalumukine ku mbunge ni kubwa ngwe twanuke, kunuchi kanjila mu Wanangana wa mwilu.

MUKANDA USANDU WA ZAMBI 1975

³ Wambile ngwenyi, Pundu ngunambe kuli yenu ngwami, Kunuchi kanjila nichimwe mu wanangana wa malilu shina munwalumuka, shina munupwa ngwe ana akepe.

Mateu 18:3 Iomraidhean Croise

Miaso (Masamu) 131:2

Alioze ngunahwimi kwami, nguli kwami kanawa. Ngwe chize mwana yoze haasumuna unabombo mu kondo ya naye, Chenacho nawa ni yami ngunahwimi.

Izaya 6:10

Mba yangwamba ngwenyi: “Kalisa mbunge ja atu wano, matwi jo ajike, meso jo afukiwe, hanga achine kumona, hanji kwivwa, chibwe kunyingika. Nyi ka, matewuluka kuli yami ngwawuke.”

Mateu 13:15

Mumu mbunge ja atu wano hijinaleme. Matwi jo haanafulamana ha kwivwa, Meso jo haanafukiwa ha kumona, Kuchina meso jo maamona, Matwi jo meevwa, Mbunge jo mujinyingika, Mba maatewuluka kuli yami hanga ngwawuke. Chenacho anambe Zambi.’

Mateu 18:2

Yesu yatambika kanuke, yamumika mukachi ko,

Mateu 18:4

Yoze malikehesa ni kubwa ngwe kanuke yono, mwe munene Wahiana mu Wanangana wa mwilu.

Mateu 19:14

Yesu ngwenyi: “Tayizenu ana eze kuli yami. Kanda nwakanjisa, mumu Wanangana wa mwilu wa atu ngwe wano.”

Mateu 19:23

Mba Yesu yambila tumbaji twenyi ngwenyi: “Chamwenemwene ngunanwambulwila ngwami, chikalu pichi kunjila mu wanangana wa mwilu.

Mateu 5:18

Chamwenemwene ngunanwambulwila ngwami, ndoo lilu ni hashi muyikahwa, chibwe lusona umwe mukepe Wahiana wa ku Shimbi kechi kahwa nichimwe ndoo yize yeswe muyiza kubwa.

Mateu 5:20

Ngunanwambulwila ngwami: kunuchi kuhasa kunjila mu Wanangana wa mwilu shina ululi wenu muuhiana ululi wa alongeshi a Shimbi ni wa Afariseu.”

Mateu 6:16

“Muze munulitwamina kulia ha kuwayila Zambi, kanda nusoloka kubwa ni chinyengo ngwe chize akusweka yilembekese. Kaakwalumuka ku meso hanga asoloke kuli atu eswe ngwo, kaanalitwamina kulia. Chamwenemwene ngunanwambulwila ngwami, haanatambula kulu fweto yo.

Mateu 6:2

“Kashika, muze muuhana yawana kuli yiswale, kanda wimba chitavwi kulutwe lie ngwe chize akulinga yilembekese mu mazuwo a kuwayila ni mu majila. Kaakuchilinga hanga atu aalemese. Chamwenemwene ngunanwambulwila ngwami, haanatambula kulu fweto yo.

Mateu 6:5

“Muze munulemba Zambi, kanda nubwa ngwe yilembekese. Kaakuzanga kulemba nikumana mu mazuwo a kuwayila ni ha makano ja majila hanga atu eswe aamone. Chamwenemwene ngunanwambulwila ngwami, haanatambula kulu fweto yo.

Marku 4:12

hanga ngwo: ‘Maakatala kutala, hindu keechi kumona; maakatala kubanjika, hindu keechi kunyingika; Kuchina maahiluka kuli Zambi akaakonekene.’ ”

Luka 13:24

“Litachikenu kunjila ku chikolo chikepe, mumu ngunanwambe ngwami, anji maakazanga kunjila mo, alioze keechi kahasa.

Luka 22:32

Alioze naliumbile hakutwala kuli yena, hanga kuuchi kahona ufulielo. Mba muze muukahiluka kuli yami, kolesa akwenu.”

Yoano 1:51

Yesu yawezaho ngwenyi: “Ngunanwambulwila ngwami, chamwenemwene, munukamona lilu linazuluka ni tunganda a Zambi kaanazezuka ni kuhulumuka hali Mwana Mutu!”

Yoano 3:3

Yesu ngwenyi: “Chamwenemwene ngunakwambulwila ngwami, niumwe mahasa kumona Wanangana wa Zambi, shina masemuka kwilu.”

Yoano 3:5

Yesu ngwenyi: “Chamwenemwene ngunakwambulwila ngwami, niumwe mahasa kunjila mu Wanangana wa Zambi, shina masemuka ku meya ni ku Mwiku wa Linanga.

Yilinga 14:22

yaakolesa tumbaji, yaatakamisa amane nguu mu ufulielo, yaamba ngwo: “Chatutamba kunjila mu Wanangana wa Zambi ni lamba linji.”

Yilinga 28:27

Mumu mbunge ja atu wano hijinaleme, haanajiki matwi jo, haanafuku meso jo, kuchina maamona ni meso jo ni meevwa ni matwi jo, ni maanyingika ni mbunge jo, kuchina maalumuka kuli yami, mba mungwawuka. Chenacho anambe Zambi.’ ”

Yilinga 3:19

Kashika alumukenu ku mbunge, nuhiluke kuli Zambi, hanga anukonekene milonga yenu,

1 Korintu 14:20

Akwetu, kanda nubwa ngwe twanuke mu kunyonga chenu. Bwenu ngwe ana hakutwala ku yuma yibi, alioze bwenu makulwana mu kunyonga chenu.

1 Petulu 2:2

Bwenu ngwe ana a kemba waze anasemuka haliabwila: zangenu tangwa ha tangwa yamwa yibema ya uzambi, mba munutatuka ni manulamwina muze nunayinu.

2 Petulu 1:11

Chenacho Zambi makanutayiza kunjila mu Wanangana wa miaka yeswe, Wanangana wa Mwene wetu kanda Chilamwina chetu Yesu Kristu.