Mateu 17:3 - Mukanda Wa Zambi 1970

³ Hohene Mose ni Eliya yaasoloka, te pande anate ni Yesu.

MUKANDA USANDU WA ZAMBI 1975

³ Kumanyi, kwasolokele kuli ayo, Mose ni Eliya, kanahanjika nenyi.

Mateu 17:3 Iomraidhean Croise

1 Yitanga Ya Mianangana 17:1

Eliya, umwe mukwa munanyi wa Zambi wa ku Tishbe, mu chifuchi cha Gileade, yambila mwanangana Ahabe ngwenyi: “Ni mwe Zambi ya Aisraele, yoze nakulingila, ngunakwambulwila ngwami, miaka muyiza ho kukuchi kabwa vula chibwe mume, shina nyi nachamba.”

Malaki 4:5

“Alioze shimbu tangwa lize linene lia Mwene Zambi kanda lichiheta, mungukanutumina mukwa munanyi Eliya.

Mateu 17:2

Mba kusoloka chenyi yichalumuka ku meso jo; meso jenyi yaahenya ngwe tangwa; mahina jenyi yaabwa atoma ngwe Pangu.

Mateu 17:4

Petulu yambila Yesu ngwenyi: “Mwene, chinawaha tubwe kuno. Nyi unazange, mungutunga yikulika yitatu, cha yena, ni cha Mose, ni cha Eliya.”

Marku 9:4

Hohene Eliya ni Mose yaasoloka, te pande anate ni Yesu.

Luka 1:17

Makatetekela ku meso ja Zambi mu tachi ni ndundo ja mukwa munanyi a Zambi, Eliya. Makawanyisa atato ni ana jo. Makalumuna yihulia akabwe ni manyonga a ululi. Makalulikila Mwene Zambi atu jenyi.”

Luka 16:16

“Shimbi ja Mose ni mikanda ya akwa munanyi a Zambi hiyinalinduluka ndoo ku tangwa lia Yoano Chipapachisa. Chize ku mwaka uze, atu kaakwambujola Sango Jibema ja wanangana wa Zambi. Mutu ni mutu kakunjila mo ni tachi.

Luka 24:27

Mba Yesu yaalumbunwina Mukanda wa Zambi weswe hakutwala kuli iye mwene, butu ku Mikanda ya Mose ndoo ku mikanda yeswe ya akwa munanyi a Zambi.

Luka 24:44

Mba yaamba ngwenyi: “Wano e maliji nanwambile muze nabwile hamwe ni yenu, ngwami, yize yeswe yasonewene hakutwala kuli yami mu Shimbi ja Mose, ni mu mikanda ya akwa munanyi a Zambi, ni Miaso (Masamu) chatamba yikamanunuke.”

Luka 9:33

Shimbu malunga waze maachihichika Yesu, Petulu yamwamba ngwenyi: “Mwene, chinawaha tubwe kuno. Mututunga yikulika yitatu: cha yena, ni cha Mose, ni cha Eliya.” (Te kanyingikine chize anambe.)

Yoano 1:17

Zambi hanatwehe Shimbi ku kwoko lia Mose, alioze utu ni umwenemwene hiyineza muli Yesu Kristu.

Shimbi 18:18

Mungukaatumina umwe mukwa munanyi ngwe yena wa mukachi ko. Mungukamulweza chize chatamba kwamba, hanga akalweze atu yeswe yize mungwamba.

Shimbi 34:10

Kukwabwile mukwa munanyi niumwe mu Israele ngwe Mose. Mwene Zambi te kakuhanjika nenyi meso ni meso.