Mateu 16:4 - Mukanda Wa Zambi 1970

⁴ Yenu atu ja mwakono, yingulungulu, kunushi kulivwa ni Zambi. Nunafupu chilayi, alioze kechi kunwaha cho nichimwe, shina chilayi cha mukwa munanyi wa Zambi, Yona.” Mba yaahichika, yaya kwenyi.

MUKANDA USANDU WA ZAMBI 1975

⁴ Chisemuko cha ungulungulu kanda cha utanji muchifupa chilayi: ni chilayi kechi kaahacho, shina chilayi cha profeta Yona, mba waahichikile, wakatukileko.

Mateu 16:4 Iomraidhean Croise

Ubutukilo 6:3

Mba Mwene Zambi yamba ngwenyi: “Mwiku wami kuuchi kalitachika ni atu matangwa eswe mumu kaali lume atu. Alioze miaka yo muyikabwa lume 120.”

Izaya 57:3

Yenu yivulumunyi, kundamenu hanga anubatwile! Yenu hi nuli abema ko, nuli abi ngwe nganga, ni yitanji.

Hosea 4:17

Aisraele haanalinungu ni mahamba. Echenu kwo.

Hosea 9:12

Chibwe maakusema ana, mungukaachiza, chibwe umuwika kechi kasala. Muze hinehuka vungu lino, anyingike ngwo, lamba linji mulikawana.”

Yona 1:1

Limwe tangwa Mwene Zambi yahanjika kuli Yona mwana wa Amitai.

Yona 1:17

Muze haambila Yona mu kalunga lwiji, Mwene Zambi yambila yishi munene amumine. Yona yabwa mu jimo lia yishi matangwa atatu.

Mateu 15:14

Echenu Afariseu! Kaali tetekeli tupuputa. Alioze, nyi kapuputa masongwela kapuputa mukwo, eswe aali maaholokela mu wina.”

Mateu 16:5

Ha kuzauka musali lia chitende, tumbaji yaavulama kumbata mbolo.

Marku 8:12

Yesu yatwa chikolo mikuma nikwamba ngwenyi: “Kuchi kevwe yenu atu ja mwakono nunafupu chilayi? Chamwenemwene ngunanwambulwila ngwami, chilayi nichimwe manwaha yenu atu ja mwakono.”

Marku 8:38

Mumu yoze manguvwila sonyi, yami ni longeso liami hakachi ka atu ja mwakono, yihulia kanda yivulumunyi, yami Mwana Mutu nawa mungukamuvwila sonyi muze mungukeza mu uhenya wa Tata hamwe ni tunganda a mwilu.”

Yilinga 18:6

Alioze yaalimika nenyi ni kumushililika. Paulu yakukumuna fufuta ku mahina jenyi. (Ha chino, yaalweza ngwenyi, kanalihandununa no.) Mba yaamba ngwenyi: “Nyi munukafwa mu milonga yenu, ayo yinanutale. Yami ngunasambe. Chize ku haliabwila ngunayi kuli waze hi Ayuda ko.”

Yilinga 2:40

Ni maliji anji akwo Petulu yashindakenya, yaalembejeka ngwenyi: “Lilamwinenu ku ubatwilo uze muukeza hali atu wano abi!”