Mateu 15:2 - Mukanda Wa Zambi 1970

² “Kuchi mba tumbaji twe akulituna ndako ja tushakulu twetu? Mumu keeshi kusana ku moko nikulita ni ndako jetu ja chijila muze anambe kulia.”

MUKANDA USANDU WA ZAMBI 1975

² Kuchi te tumbaji twe akutangula ndongo ja makulwana? Mumu keshi kusana ku moko muze malia.

Mateu 15:2 Iomraidhean Croise

Ubutukilo 1:14

Mukulu Zambi yamba nawa ngwenyi: “Mapangu abwe mu che kuzazuluka cha lilu ha kuhandununa mwalwa ni ufuku, ni kulweza yinyingi ya yanga, ni matangwa, ni miaka.

Estere 3:3

Mba tufunga waze te akufunga chikolo cha mwanangana yaahula Mordekai ngwo: “Kuchi kevwe yena kuushi kwononoka ku Shimbi ya mwanangana?”

Mateu 15:3

Yesu ngwenyi: “Ni yenu, kuchi nwakulituna Shimbi ja Zambi alioze nwakulinga ndako ja yenwene?

Marku 7:2

No yaamona tumbaji twenyi akwo, te anali ni moko a majilo, kulumbunuka ngwo, keeshi kusana nikulita ni ndako ja chijila cha Ayuda.

Marku 7:5

Afariseu ni alongeshi a Shimbi yaahula Yesu ngwo: “Kuchi kevwe tumbaji twe keeshi kufunga Shimbi ja tushakulu? Kuchi kevwe anali ni moko a majilo?”

Luka 11:38

Mwe Kafariseu yalishimwoka ha kumona chize te Yesu kanali kanda achisana ku moko.

Galashia 1:14

Mukachi ka usoko wami a miaka yimuwika ni yami, naahianyine mu kuwayila cha Ayuda. Nalihanyine kuhiana mu ndako ja tushakulu twetu.

Kolosu 2:8

Kanyamenu, mutu niumwe kanda anupwisa funge ni kwonga chamokomoko ni mana ja uutu. Mana wano kaali longeso lia atu ni a mwiku ubi wa hano hashi, hi a Kristu ko.

1 Petulu 1:18

Mumu nunanyingika chize Yesu Kristu anukulile ku ndako yamokomoko yize anuselele tushakulu twenu. Kanukulile ko ni yuma yize yikwete ulemu ha shimbu likepe ngwe prata ni oru.