Mateu 14:3 - Mukanda Wa Zambi 1970

³ Mumu Herode yahana Shimbi ya kukwata Yoano, yamukasa, yamusa mu zuwo lia lamba. Herode yachilinga mumu hali Herodia, pwo lia mwanakwo Filipe.

MUKANDA USANDU WA ZAMBI 1975

³ Mumu te Heronde wakwachile Yoano kulu, wamukashile, wamusele mu zuwo lia ususu, mumu hali Herondeya, pwo lia mwanakwo Fwilipe.

Mateu 14:3 Iomraidhean Croise

Marku 6:17

Herode mwe watumine akwate Yoano, yamusa mu zuwo lia lamba mumu hali Herodia. Yino yeswe yabwile mumu Herode wambachile Herodia, chibwe wabwile pwo lia yayo Filipe.

Mateu 4:12

Muze Yesu hevwa ngwo, Yoano haamusa mu zuwo lia lamba, yaya ku chifuchi cha Galilea.

Marku 6:22

Mwana wa Herodia wa pwo yanjila, yahangana, yawahila Herode ni waze eswe abwile nenyi ku mesa. Mwanangana yambila mwana pwo ngwenyi: “Ngwite cheswe Chuma unazange, mungukwaha cho.”

Marku 6:19

Kashika, Herodia yahalila Yoano, yazanga kumushiha, alioze kahashile,

Mateu 11:2

Yoano Chipapachisa, tu mu zuwo lia lamba, yevwa hakutwala ku yitanga ya Kristu. Mba yamutumina amwe tumbaji twenyi.

Luka 13:1

Ha ola yize, amwe atu yeeza nikwambulwila Yesu hakutwala kuli akwa Galilea waze Pilatu ashihishile ha shimbu lize alambwile Zambi mulambu.

Mateu 14:6

Ha chiwanyino cha kusemuka cha Herode, mwana wa Herodia wa pwo yahangana ku meso ja mbunga. Herode yachimona kubema.

Marku 6:14

Mwanangana Herode yevwa lufuma wa Yesu, mumu jina lienyi yilifumana. Amwe atu yaambamba ngwo: “Yoano Chipapachisa hahinduka ku kufwa. Kashika kali ni ndundo ja kulinga yikomokeso yino.”

Marku 8:15

Yesu yaakanyamisa ngwenyi: “Talenu kananwa, keyelenu yitumbo ya mbolo ya Afariseu ni ya Aherode.”

Luka 3:1

Ha mwaka kumi ni wa muchitano wa kuyula cha mwanangana wa Aroma, Tiberiu. Ponteu Pilatu te kali mukwa kuyula wa mu Yudea, Herode te kakuyula mu Galilea, mwanakwo Filipe mu chifuchi cha Iturea ni cha Trakonite, Lisania te kakuyula chifuchi cha Abilinia.

Luka 8:3

ni Joana, pwo lia kafufuchi ka Herode; ni Suzana; ni mapwo anji akwo waze akwashile Yesu ni tumbaji twenyi ni yikumba yo.

Luka 13:31

Shimbu lizeliene, amwe Afariseu yaakundama kuli Yesu nikwamba ngwo: “Katuka kuno, yako kweka, mumu Herode kanazange kukushiha.”

Luka 23:7

Muze hevwa ngwo, Yesu kali wa ku chifuchi cha Herode, yamutuma kuli Herode yoze te uli ku Yerusaleme ha matangwa waze.

Luka 23:11

Herode ni tujita twenyi yaamukekuna, yaamulelesa, yaamujika hina lia lubula, yaamuhilwisa maha Pilatu.

Yilinga 4:27

Mumu chamwenemwene mu limbo lino Herode ni Ponteu Pilatu haalichinga ni yilambala ni Aisraele mu kulimika ni Kavumbi ke wa Linanga, Yesu, Chilamwina yoze walakenyene.

Yilinga 12:1

Ha mwaka uze, mwanangana Herode yakwata amwe a mu Chikungulwila nikwamwesa lamba.