Mateu 13:5 - Mukanda Wa Zambi 1970

⁵ Yikwo yiiholokela homa ha mawe, haze kuhabwile ko mavu anji. Mbuto yiisoka nikawashi, mumu te kuheshi ndama ya mavu.

MUKANDA USANDU WA ZAMBI 1975

⁵ yikwo yaholokelele ha mawe, haze kuhapwile mavu anji, mba haze hene yasokele, mumu kuyapwile ni ndama ya mavu.

Mateu 13:5 Iomraidhean Croise

Ezekiel 11:19

Mungukaaha mbunge jaha ni manyonga aha. Mungukachiza mbunge jo jikalu ja mawe ni kwaaha mbunge jize jakwononoka.

Ezekiel 36:26

Mungukanwaha mbunge yaha ni manyonga aha. Mungukanuchiza mbunge jikalu ngwe mawe ni kunwaha mbunge jinovula.

Amose 6:12

Tuvwalu kaakuzomboka ha yimawe, nyi? Atu kaakulima ni ngombe ha kalunga lwiji, nyi? Alioze yenu hinwalumuna ubatwilo uze unalite kubwa ulembe, ni ululi kubwa uhenge.

Zakaria 7:12

yijikala ngwe mawe. Nevwile wuli unji mumu te kaasolo kubanjika ku maliji jami waze alongesele akwa munanyi ku shakulu.

Mateu 13:20

Akwo kaalifwa ngwe mavu a ha mawe kuze kwakuholokela mbuto. Enoo akwivwa longeso, akulitambula hazehene ni uwahililo.

Mateu 13:4

Muze akuwile mbuto, yimwe yiiholokela ku sesa lia jila. Tujila yeeza, yaayilia.

Mateu 13:6

Alioze muze tangwa hiliasasaminya, yibuta yilekama, yiyuma chau, mumu te kuyishi miji.

Marku 4:16

Chimuwika nawa, ni waze akutambula mbuto ha mawe. Kaakwivwa liji lia Zambi, ni hazehene kaakulitambula ni uwahililo.

Marku 4:5

Yikwo yiiholokela homa ha mawe haze kuhabwile ko mavu anji. Mbuto yiisoka nikawashi, mumu te kuheshi ndama ya mavu.