Mateu 13:3 - Mukanda Wa Zambi 1970

³ Neye yaalongesa yuma yinji ni yishima ngwenyi: “Achivwenu! Umwe mutu watuhukile mu kukuwa.

MUKANDA USANDU WA ZAMBI 1975

³ Wahanjikile kuli ayo yuma yinji ni yishima ngwenyi, Ivwenu, chikuwa watuhukile mukukuwa;

Mateu 13:3 Iomraidhean Croise

Miaso (Masamu) 49:4

Munguta yishima, ni kuyilumbununa muze ngunembi kalialia.

Miaso (Masamu) 78:2

Munguhanjika ni yishima, ni kunwambulwila yijimbikilo ya tushakulu,

Ezekiel 17:2

“Mwana mutu, tela Aisraele chishima, waanyingikise chize yami Mwene Zambi ngunambe. Ngwami, kwabwile umwe tela munene ni mapulwa abema ni tonga jisuku ni ngona ja ulombo weka ni weka. Mwe tela yaya ku milundu ya Libano, yamakuna songo lia mutango wa mutondo sedru,

Ezekiel 20:49

Alioze yami namba ngwami: “Mwene Zambi, kanda ungushinjika kuchilinga! Atu eswe kaananenganyana ngwo, matangwa eswe nakuhanjikila mu yishima.”

Mika 2:4

Muze tangwa lize hilieza, sango jenu mujibwa ngwe kashilikilo ka lamba. Mba atu maanwimbila mwaso uno wa lungungu: Mama yamie, atwonona lume! Mwene Zambi hanatambula chifuchi chetu, hanachihana kuli waze atukwachile funge.”

Habakuke 2:6

Ababilonia maakaalelesa kuli waze haakumba. Maakamba ngwo: “Nwakwanda yize hi niyenu ko, alioze lamba lienu! Ndoo tangwa lika munulibichisa ha kuketeka akwa makongo jenu?”

Mateu 13:4

Muze akuwile mbuto, yimwe yiiholokela ku sesa lia jila. Tujila yeeza, yaayilia.

Mateu 13:53

Muze Yesu hamanununa kuta yishima yize, yakatuka ko,

Mateu 22:1

Yesu yahanjika nawa ni yishima kuli atu ngwenyi:

Mateu 24:32

“Lilongesenu chishima cha mutondo mukuyu. Muze mitango yawo hiyovula ni mafwo jawo haabutuka kusokoloka, nwakunyingika ngwenu, kuma lwiza habwa hakamwihi.

Marku 12:1

Hohene Yesu yabutuka kwatela yishima ngwenyi: “Umwe mutu watumbile munda wa vinyu, yaujingilika chipanga, yafula ko wina wa kukamina vinyu, yatunga ko zuwo lisuku lia kutalila munda, yakunjika munda ku moko ja njimi, mba yaya mu wenyi.

Marku 12:12

Akwa lutwe ja Ayuda yaafupa mana kumukwata, mumu yaanyingika ngwo, kata chishima chino cha kwahisa. Alioze yeevwa woma wa mbunga. Kashika yaamwecha, yaaya kwo.

Marku 3:23

Yesu yaatambika, yaatela yishima ngwenyi: “Ngwe kuchi Sakwonga mahasa kulituhwisa iye mwene?

Marku 4:13

Yesu yaahula ngwenyi: “Chishima chino kuchanulumbunukinyine, nyi? Mba ngwe kuchi yishima yeswe yikwo muyinulumbunukina?

Marku 4:33

Ni yishima yinji ngwe yino, Yesu yaalongesa liji lia Zambi nikulita ni kuhasa cho.

Luka 12:41

Mba Petulu yahula ngwenyi: “Mwene, chishima chino unachitela yetu wika, nyi? Hanji atu eswe?”

Luka 8:10

Neye ngwenyi: “Yenu hananwehe cho kunyingika yijimbikilo ya Wanangana wa Zambi. Alioze akwo kaakuyitambula ni yishima, hanga ngwo: ‘Maakatala kutala, hindu keechi kumona. Maakatala kubanjika, hindu keechi kunyingika.’ ”

Yoano 16:25

“Hingunanwambulwila yuma yeswe ni yishima. Tangwa mulikeza muze chichi kahanjika ni yishima, alioze mungukanwambulwila pundu yuma yeswe yakutwala kuli Tata.