Mateu 12:4 - Mukanda Wa Zambi 1970

⁴ Yanjila mu zuwo lia Zambi, yalia mbolo ja kutumbieka ku meso ja Zambi, jize Shimbi kujatayijile iye chibwe atu jenyi kujilia—shina mahako a Zambi wika.

MUKANDA USANDU WA ZAMBI 1975

⁴ Ngwe chize anjilile mu zuwo lia Zambi, walile mbolo ja kutumbieka, jize shimbi kuyamutayijile kulia iye, chipwe waze apwile hamwe nenyi, alioze asasendote wika?

Mateu 12:4 Iomraidhean Croise

Kutuhuka 25:30

Tangwa lieswe ubwa ni kusa mbolo ya kutumbieka ha mesa ku meso jami.

Alevi 8:31

Mose yambila Arone ni ana jenyi a malunga ngwenyi: “Nehenu yifwo ku chikolo cha zuwo lia Zambi, yitelekelenu kwenako ni kuyilia hamwe ni mbolo yize yili mu kapaya wa ye milambu, ngwe chize Mwene Zambi ambile.

1 Samuel 21:4

Hako ngwenyi: “Chishi ni jimwe mbolo jikwo shina ja chijila. Muuhasa kuya najo, nyi tujita twenu kaalimwene ko ni mapwo.”

1 Samuel 21:6

Chenacho hako amuhele mbolo ja chijila mumu te kali lume ni jize jakutumbieka ku meso ja Mwene Zambi, jize haachiza ku mesa ni kusalakanyisa ho mbolo jaha. (

Mateu 12:3

Yesu ngwenyi: “Kunwatangile nilimwe tangwa chize alingile mwanangana David, iye mwene ni atu jenyi, muze evwile zala, nyi?

Mateu 12:5

Hanji kunwatangile mu Shimbi ja Mose ngwo, ha tangwa lia kuhwima mahako keeshi kufunga Shimbi ya tangwa lia kuhwima muze akulinga mulimo mu zuwo lia Zambi, nyi? Hindu keeshi kwo chitela.

Marku 2:26

Muze Abiatare wabwile mwata wa mahako, David yanjila mu zuwo lia Zambi, yalia mbolo ja kutumbieka ku meso ja Zambi. Te kuchalitele ni Shimbi jetu kulia mbolo jize shina mahako a lutwe wika. Alioze David yajanda, yajaha nawa atu jenyi.”

Luka 6:4

Yanjila mu zuwo lia Zambi, yanda mbolo ja kutumbieka ku meso ja Zambi, yaha, yaha nawa atu jenyi. Alioze Shimbi jetu kujishi kutayiza shina mahako a Zambi wika kujilia.”

Hebreu 9:2

Yaamika zuwo lia kutunga ni makubu. Chibatulo chitangu yachiluka ngwo, Muma mwa Chijila. Mwenamo mwabwile ndeya, ni mesa, ni mbolo ja kutumbieka ku meso ja Zambi.