Mateu 12:2 - Mukanda Wa Zambi 1970

² Muze Afariseu achimwene, yaambila Yesu ngwo: “Tala, tumbaji twe kaanalingi ha tangwa lia kuhwima chize kuchalitele ni Shimbi jetu.”

MUKANDA USANDU WA ZAMBI 1975

² Alioze A-Fwariseu muze achimwene, ambile kuli iye ngwo, Tala, tumbaji twe kanalingi chize kuchalitele ni shimbi kulinga ha tangwa lia Sambata.

Mateu 12:2 Iomraidhean Croise

Kutuhuka 23:12

“Ukalinga milimo ye ha matangwa asambano, alioze ha tangwa lia muchishimbiali ukahwima, hanga ndungo je, ni njize, ni yimuna ye, no akahwime.

Kutuhuka 35:2

‘Nukalinga milimo yenu ha matangwa asambano, alioze tangwa lia muchishimbiali lili tangwa lia chijila, lia kuhwima, lia yami Mwene Zambi. Yoze malinga milimo ha tangwa lize akamushiha.

Izaya 58:13

Mwene Zambi kanambe ngwenyi: “Nyi munulemesa tangwa liami lia kuhwima ngwe tangwa lia chijila, ni kulitwamina kulinga upale wenu, nyi nwalemesa tangwa liami lia chijila ni kulisa vumbi ni kulitwamina kwendangana, hanji kulinga milimo, hanji kuhanjika yuma yamokomoko,

Mateu 12:10

Yimubwa umwe mukwa kwoko liasosewa. Amwe waze abwile mo yaazanga kusuma Yesu mulonga. Kashika, yaamuhula ngwo: “Muchilita ni Shimbi kuwuka mutu ha tangwa lia kuhwima, nyi?”

Mateu 12:3

Yesu ngwenyi: “Kunwatangile nilimwe tangwa chize alingile mwanangana David, iye mwene ni atu jenyi, muze evwile zala, nyi?

Marku 2:24

Kashika Afariseu yaamuhula ngwo: “Tala, kuchi kevwe analingi ha tangwa lia kuhwima chize kuchalitele ni Shimbi jetu.”

Luka 14:3

Yesu yahula alongeshi a Shimbi ni Afariseu ngwenyi: “Chinalite ni Shimbi jetu kuwuka ha tangwa lia kuhwima, nyi ka?”

Luka 23:56

Mba yaahiluka ku mahio, yaalulieka maji ni yuma ya vumba libema mu kuwayisa mujimba wenyi. Ha tangwa lia kuhwima yaanama nikulita ni Shimbi.

Luka 6:2

Amwe Afariseu yaahula ngwo: “Kuchi kevwe nunalingi ha tangwa ha kuhwima chize kuchalitele ni Shimbi jetu?”