Mateu 11:2 - Mukanda Wa Zambi 1970

² Yoano Chipapachisa, tu mu zuwo lia lamba, yevwa hakutwala ku yitanga ya Kristu. Mba yamutumina amwe tumbaji twenyi.

MUKANDA USANDU WA ZAMBI 1975

² Achi, muze Yoano evwile mu zuwo lia ususu yitanga ya Kristu, watumine tumbaji twenyi,

Mateu 11:2 Iomraidhean Croise

Mateu 1:17

Kashika yisemuko yeswe, chize kuli tata Abrahama ndoo kuli mwanangana David, yili kumi ni yiwana; chize kuli mwanangana David ndoo ku mwaka uze atwalile Aisraele ku Babilone yili yisemuko kumi ni yiwana, chize ku mwaka uze atwalile Aisraele ku Babilone ndoo ku kusemuka cha Kristu yili yisemuko kumi ni yiwana.

Mateu 14:3

Mumu Herode yahana Shimbi ya kukwata Yoano, yamukasa, yamusa mu zuwo lia lamba. Herode yachilinga mumu hali Herodia, pwo lia mwanakwo Filipe.

Mateu 4:12

Muze Yesu hevwa ngwo, Yoano haamusa mu zuwo lia lamba, yaya ku chifuchi cha Galilea.

Mateu 9:14

Mba tumbaji twa Yoano Chipapachisa yakundama kuli Yesu nikumuhula ngwo: “Kuchi yetu ni Afariseu twakulitwamina kulia kanji mukuwayila Zambi, alioze tumbaji twe keeshi kuchilinga?”

Marku 6:17

Herode mwe watumine akwate Yoano, yamusa mu zuwo lia lamba mumu hali Herodia. Yino yeswe yabwile mumu Herode wambachile Herodia, chibwe wabwile pwo lia yayo Filipe.

Luka 3:19

Alioze yakumika mukwa kuyula Herode mumu wambachile Herodia, pwo lia mwanakwo, ni mumu ha yitanga yinji yikwo yibi yize alingile.

Luka 9:7

Muze Herode mukwa kuyula hevwa yize yeswe yabalikile, yayambashana, mumu amwe atu yaambamba ngwo: “Yoano Chipapachisa hahinduka ku kufwa!”

Yoano 4:1

Afariseu yeevwa atu nikwamba ngwo: “Yesu kakupwisa ni kupapachisa tumbaji anji kuhiana Yoano.”