Mateu 10:8 - Mukanda Wa Zambi 1970

⁸ Wukenu mieji, hindwisenu afu, bemesenu akwa mbumba, tuhwisenu mwiku wa luchisa. Hinunatambula chawana, kashika hanenu chawana.

MUKANDA USANDU WA ZAMBI 1975

⁸ Wukenu mieji, hindwisenu afu, pemesenu akwa mbumba, tuhwisenu andemoniu; hinunatambula wana, hanenu wana.

Mateu 10:8 Iomraidhean Croise

Izaya 55:1

Mwene Zambi kanambe ngwenyi: “Tweyenu yenu eswe nunevu pwila, meya kuno kwaali! Tweyenu yenu kunushi mbongo, nulande yakulia, nulie! Tweyenu! Nulande vinyu ni yamwa, kuyishi kufwika nichimwe!

Kwalula 18:7

Alioze shina yena ni ana je munulinga milimo ya uhako ku chilumbilo ni muma mwa chijila kuhiana. Yuma yino yeswe yili milimo yenu, mumu hingunanwehe chawana cha uhako. Ku yuma ya chijila, nyi kwakundama umwe mutu weka akamushiha.”

Mateu 10:1

Yesu yatambika tumbaji twenyi kumi ni aali, yaaha chiyulo cha kutuhwisa nacho mwiku wa luchisa ni kuwuka milali yeswe ya misongo ni weji.

Mateu 10:7

Yeenu ni kwambujola ngwenu: ‘Wanangana wa mwilu hiwakundama!’

Mateu 10:9

Kanda numbata chibwe oru, hanji prata, chibwe mbongo mu miya yenu.

Marku 16:18

chibwe akakwate manoka hanji kunwa Chuma chimwe cha kufwa, kuchichi kaalinga nichimwe; kumakasa moko hali mieji, mba kumakahinduka.”

Luka 10:9

Wukenu mieji a mu limbo lize. Ambilenu atu jamo ngwenu: ‘Wanangana wa Zambi hiwakundama.’

Yilinga 3:6

Alioze Petulu ngwenyi: “Mbongo Chishi najo, alioze chize nguli nacho ngunakwehe cho. Ngwami, mu jina lia Yesu Kristu Kanazare, katuka, wende!”

Yilinga 4:30

Olola kwoko lie ha kuwuka, ni kwokesa yilayi ni yikomokeso mu jina lia Kavumbi ke wa Linanga, Yesu.”