Mateu 10:6 - Mukanda Wa Zambi 1970

⁶ Shinoho yeenu kuli mapanga akutoka a kuli Aisraele.

MUKANDA USANDU WA ZAMBI 1975

⁶ alioze yenu Shinaho kuli mapanga a kutoka a ku zuwo lia Izalele.

Mateu 10:6 Iomraidhean Croise

Miaso (Masamu) 119:176

Ngunachamangina ngwe panga yoze hatoka, kashika tweya kama ungufupe yami kavumbi ke, mumu chalelesele Shimbi je.

Izaya 53:6

Yetu eswe twabwile ngwe mapanga waze haanatoko, mutu mweswe yaya mu jila yenyi mwene. Alioze Mwene Zambi yamumwesa lamba, lamba lize te chatutamba kumona yetu.

Jeremia 50:17

Mwene Zambi kanambe ngwenyi: “Aisraele kaali ngwe mapanga, waze haazomba ni haamwanga kuli tambwe. Hatangu, mwanangana wa Asuria yasa no jita. Mba mwanangana Nebukanezore wa Babilonia yabolotota yifwaha yo.

Jeremia 50:6

“Atu jami kaali ngwe mapanga waze tufunga haatokesa ha milundu. Haanalihiji ngwe mapanga waze anakatuka ku mulundu umwe ni kuya ku mulundu ukwo. Haanavulama ku mahio.

Ezekiel 34:16

“Mungukafupa waze anatoko, ni kuhilwisa waze anachamangina. Mungukawuka waze ali ni yilonda, ni waze anayiji. Alioze waze ali ni maji, waze ali ni tachi, mungukaashiha, mumu yami nguli kafunga yoze wakulinga chize chinalite.

Ezekiel 34:4

Kunushi kutakamisa waze keeshi tachi, kunushi kuwuka waze ayiza, chibwe akwa yilonda. Kunushi kuhilwisa waze haapianguka, hanji kufupa waze haatoka. Alioze nwakwayula ni uswii.

Ezekiel 34:6

Mapanga jami haanamwangana, kaanachamangina ha milundu ni ha mindundena. Haanamwangana hashi heswe, kukushi yoze waafupile ni kwahengula aawane.

Ezekiel 34:8

Ni mwe yami mwene, ngubanjikenu. Mapanga jami haanaakwate kuli tushitu a yilianyi mumu te kukushi kafunga niumwe. Tufunga twami kaafupile ko mapanga. Te kaakulitala ayo ene, hi mapanga ko.

Mateu 18:10

“Kanyamenu, kanda nulelesa umwe wa kuli twanuke wano akepe. Ngunanwambulwila ngwami, tunganda two a mwilu kaakumana matangwa eswe ku meso ja Tata wa mwilu. (

Mateu 18:11

Mumu mwe Mwana Mutu haneza mu kulamwina yoze watokele.)

Luka 24:47

Ni chatamba kwambujola mu jina lienyi sango jino kuli mavungu eswe butu ku Yerusaleme. Ngwenu: ‘Alumukenu ku mbunge, mba Zambi manukonekena milonga yenu.’

Yilinga 13:46

Alioze Paulu ni Barnaba yaahanjika no ni hamu ngwo: “Chinalite kuhanjika maliji a Zambi kuli yenu hatangu. Alioze, mumu nunalituno ni nunabatula ngwenu, kunwatelele mwono wa miaka yeswe, haliabwila tunatewulukila kuli waze hi Ayuda ko.

Yilinga 18:6

Alioze yaalimika nenyi ni kumushililika. Paulu yakukumuna fufuta ku mahina jenyi. (Ha chino, yaalweza ngwenyi, kanalihandununa no.) Mba yaamba ngwenyi: “Nyi munukafwa mu milonga yenu, ayo yinanutale. Yami ngunasambe. Chize ku haliabwila ngunayi kuli waze hi Ayuda ko.”

Yilinga 26:20

Alioze hatangu yingwambujola mu Damasku ni mu Yerusaleme, mba mu chifuchi cheswe cha Yudea, ni mukachi ka waze hi Ayuda ko. Yingwambujola ngwami: ‘Alumukenu ku mbunge, nutewulukile kuli Zambi. Nulinge yitanga yize yinalweze kwalumuka cha ku mbunge.’

Yilinga 3:26

Ha chino, Zambi hanahindwisa Kavumbi kenyi, hanamutumu hatangu kuli yenu, mu kunuwahisa nikutewulula mutu mweswe hakachi kenu ku shili yenyi.”

1 Petulu 2:25

Mumu nwabwile ngwe mapanga waze haanapiasuka, alioze haliabwila hinwahiluka kuli Kafunga kanda Kalayi ka mwono wenu.