Mateu 10:5 - Mukanda Wa Zambi 1970

⁵ Yesu yatuma tunganda kumi ni aali ni Shimbi jino ngwenyi: “Kanda nuya mu yifuchi ya waze hi Ayuda ko, kanda nunjila mu membo ja Asamaria.

MUKANDA USANDU WA ZAMBI 1975

⁵ Wano kumi ni aali Yesu waatumine, waahele koki ngwenyi, Kanda nukaya mu jila ya akwa mavungu, kanda nunjila mu limbo lia A-Samaria:

Mateu 10:5 Iomraidhean Croise

Mateu 22:3

Mba yatuma tuvumbi twenyi ni kutambika waze alakenyene ku umbachiso. Alioze kaatayile ko kwiza.

Mateu 4:15

“Chifuchi cha Zabulone ni chifuchi cha Naftali, hehi ni kalunga lwiji, musali lia Yordau, kali Galilea wa atu waze hi Ayuda ko!

Marku 6:7

Yatambika tumbaji twenyi kumi ni aali, mba yabutuka kwatuma aali aali. Yaaha chiyulo cha kutuhwisa nacho mwiku wa luchisa.

Luka 10:1

Mwabwamuze Mwene Yesu yatongola atu akwo makumi shimbiali ni aali. Yatuma aali aali kulutwe lienyi mu membo eswe ni kuma kweswe kuze iye mwene ambile kuya.

Luka 10:33

Alioze umwe Kasamaria, yoze wabalikile jila yizeyene, yamuheta. Muze hamumona, yamuvwila keke kuhiana,

Luka 17:16

yafulamana ku molu ja Yesu, yamusakwila. Mutu yoze te Kasamaria.

Luka 9:1

Yesu yakungulula tumbaji kumi ni aali, yaaha chiyulo ni tachi ja kutuhwisa najo mwiku weswe wa luchisa, ni kuwuka misongo.

Luka 9:2

Mba yaatuma ni kwambujola sango ja Wanangana wa Zambi, ni kuwuka mieji.

Yoano 17:18

Ngunakaatuma kuli akwa hashi ngwe chize yena wangutumine kuli akwa hashi.

Yoano 20:21

Yesu yaamba nawa ngwenyi: “Uhwimino kuli yenu! Ngwe chize Tata wangutumine ni yami nawa ngunanutumu.”

Yoano 4:20

Akaka jetu, Asamaria, te kaakuwayila Zambi ha mulundu uno. Alioze yenu Ayuda nwakwamba ngwenu: ‘Ku Yerusaleme kwe kuma kwatela kuwayila Zambi.’ ”

Yoano 4:5

Yaheta ku limwe limbo lia mu Samaria, jina lialio Sikare. Chasulangana ni munda uze Yakoba ahanyine kuli mwanenyi Josefe.

Yoano 4:9

Pwo, Kasamaria, yahula Yesu ngwenyi: “Mhmm! Ngwe kuchi yena Kayuda unangwichi yami Kasamaria meya a kunwa?” (Mumu Ayuda ni Asamaria te keeshi kulikata.)

Yoano 7:35

Ayuda yaalihula ngwo: “Kulihi maya kuze kutuchi kamuwana? Maya ku membo ja Agresia, kuze Ayuda haanamwangashana, ha kulongesa Agresia nyi?

Yoano 8:48

Ayuda yaamuhula ngwo: “Kutwahanjikile kanawa ngwetu, uli Kasamaria, ni mwiku wa luchisa ukwete, nyi?”

Yilinga 1:8

Alioze munukatambula tachi muze Mwiku wa Linanga hiwanuhulumukina. Mba munukabwa yela jami mu Yerusaleme, ni mweswe mu Yudea ni Samaria, ni ndoo ku songo lia hashi.”

Yilinga 10:45

Akwa kufuliela ja Ayuda waze ejile hamwe ni Petulu yaalishimwoka, mumu Zambi hahinjila chawana chenyi cha Mwiku wa Linanga nawa muli waze hi Ayuda ko.

Yilinga 8:1

Saulu neye te kanatayiza ngwenyi, amushihe. Ha tangwa lizeliene, yaabutuka kuhungumiona chikolo Chikungulwila cha Yerusaleme. Akwa Kristu eswe yaamwangana mwamwaa mu yifuchi ya Yudea ni Samaria, alioze tunganda twa Yesu kaamwanganyine ko.

1 Tesalonika 2:16

Yaasa tachi kutukanjisa kulongesa liji lia ulamwino kuli waze hi Ayuda ko. Ngwe chino akuzalisa njongo ya milonga yo yize te akulinga matangwa eswe. Zambi kakwatenukina.