Mateu 10:2 - Mukanda Wa Zambi 1970

² Majina ja tunganda kumi ni aali wano: hatangu Simone (yoze te akuvuluka ngwo, Petulu) ni mwanakwo Andre, ni Tiangu (Jake) ni mwanakwo Yoano—ana ja Zebedeu;

MUKANDA USANDU WA ZAMBI 1975

² Achi, majina ja apostolo kumi ni aali wano: Mutangu Semone, jina lienyi likwo, Petulu, ni mwanakwo Andeleu; Tiangu mwana Zembendeu, ni mwanakwo Yoano,

Mateu 10:2 Iomraidhean Croise

Mateu 17:1

Muze matangwa asambano haabalika, Yesu yatwala hamwe nenyi Petulu, ni asongo ni mutu Tiangu (Jake) ni Yoano, yaakandwisa ha mulundu usuku, haze yaabwa ukawo.

Mateu 20:20

Hohene naye ya ana ja Zebedeu a malunga yakundama kuli Yesu hamwe no, yafulamana ku meso jenyi ni kumwita chimwe Chuma.

Mateu 26:37

Mba Yesu yaya ni Petulu ni ana malunga aali a Zebedeu, yabutuka kwivwa chinyengo chinji ni kulema mu mbunge,

Mateu 4:18

Muze Yesu te anende ku mbumbulu ya chitende cha Galilea, yamona asongo ni mutu, akwa kutela yishi, Simone (jina likwo, Petulu) ni mwanakwo; Andre, te kaanatela Wanda mu chitende.

Mateu 4:21

Yasenya kulutwe, yamona asongo ni mutu akwo aali, Tiangu (Jake) ni Yoano, ana ja Zebedeu. Te mu wato ali hamwe ni tato nikululieka manda jo. Yesu yaatambika.

Marku 1:29

Yaatuhuka mu zuwo lia kuwayila. Hazehene yaanjila mu zuwo lia Simone ni Andre. Tiangu (Jake) ni Yoano yaaya no.

Marku 13:3

Yesu yatwama ha mulundu wa Olive, talanganyi ni zuwo lia Zambi lia Ayuda, muze Petulu, ni Tiangu (Jake), ni Yoano, ni Andre haamukundama ha ukawo. Yaamwamba ngwo:

Marku 6:30

Tunganda yaahiluka, yaakunguluka kuli Yesu, yaamwambulwila yize yeswe alingile ni yize alongesele.

Luka 11:49

Kashika Mana a Zambi haanambe ngwo: ‘Mungukaatumina akwa Munanyi a Zambi ni tunganda. Maakashiha amwe, ni akwo maakahungumiona.’

Luka 22:14

Muze ola hiyeza, Yesu yatwama ku mesa hamwe ni tunganda twenyi,

Luka 22:8

Yesu yatuma Petulu ni Yoano ngwenyi: “Yeenu nutululikile yakulia ya kwiwuluka kubalika.”

Luka 5:10

Chimuwika nawa, masepa ja Simone, Tiangu (Jake) ni Yoano, ana a Zebedeu a malunga. Alioze Yesu yambila Simone ngwenyi: “Kanda wivwa woma, chize ku haliabwila muukatela atu.”

Luka 9:10

Tunganda twa Yesu yaahiluka, yaamwambulwila yize yeswe alingile. Yesu yaatwala kuma kwa ukawo ku limwe limbo, jina lialio Betsaida.

Yoano 12:22

Filipe yaya ni kuchambulwila Andre, mba eswe aali yaaya ni kwambulwila Yesu.

Yoano 13:23

Umwe wa kuli tumbaji, yoze Yesu azangile, te kanasulangana ni Yesu.

Yoano 20:2

yazomboka fuji kuli Simone Petulu ni kuli kambaji mukwo yoze te akuzanga Yesu, yaamba ngwenyi: “Hachiza Mwene ku fuka, kutwanyingikine kuze amusanga.”

Yoano 21:2

Simone Petulu, ni Tomase (yoze akuvuluka ngwo, Pasa), ni Natanele (wa ku Kana mu chifuchi cha Galilea), ni ana malunga aali a Zebedeu, ni tumbaji aali akwo a Yesu, enoo eswe yaabwa hamuwika.

Yoano 21:20

Petulu yatewuluka, yamona kambaji yoze Yesu te akuzanga, kaneza. Mwenawo washachilile ha tulo ya Yesu muze te anali nikuhula ngwenyi: “Mwene, iya kevwe yoze makukunjika kuli akwa kole je?”

Yoano 21:24

Kambaji yoze, mwenawo washindakenyene yuma yino nikuyisoneka. Tunanyingika ngwetu, shindakenyo yenyi yamwenemwene.

Yoano 6:67

Mba Yesu yambila tumbaji kumi ni aali ngwenyi: “Ni yenu nawa nunazange kuya, nyi?”

Yoano 6:70

Yesu ngwenyi: “Nanutongwele kumi ni aali, nyi? Alioze umuwika mukachi kenu kali wa Sakwonga!”

Yoano 6:71

Yesu yamba maliji wano hakutwala kuli Yudase, mwana wa Simone Kakeriote. Mumu Yudase, chibwe wabwile wa ku mbunga ya tumbaji kumi ni aali, hindu te makakunjika Yesu kuli akwa kole jenyi.

Yoano 6:8

Umwe mukwo wa kuli tumbaji twenyi, Andre, kanuke ka Simone Petulu, yamwamba ngwenyi:

Yilinga 1:13

Muze te haaheta mu limbo, yaanjila mu limwe zuwo, yaakanduka ku chibatulo cha kwilu, kwenako atwamine. Wano e abwile ko: Petulu, ni Yoano, ni Tiangu (Jake), ni Andre, ni Filipe, ni Toma, ni Bartolomeu, ni Mateu, ni Tiangu (Jake), mwana wa Alfeu, ni Simone, mukwa kuzanga utuswilo wa chifuchi chenyi, ni Yudase, mwana wa Tiangu (Jake).

Yilinga 1:26

Mba yaata chela. Yichiholokela hali Mataya. Mwenawo alwile hamwe ni tunganda twa Yesu kumi ni kashi.

Yilinga 12:2

Yashiha Tiangu (Jake), yayo ya Yoano, ni mukwale.

Yilinga 3:1

Petulu ni Yoano yaakanduka ku zuwo lia Zambi lia Ayuda ha ola ya kulemba, ola ya muchitatu, ya chingoloshi.

1 Korintu 15:7

Mwabwamuze, yasolokela Tiangu (Jake), mba tunganda twenyi eswe.

Efesu 4:11

Iye wahanyine “yawana kuli atu”: amwe tunganda, akwo akwa munanyi ja Zambi, akwo akwa kwambujola, akwo tulayi, akwo alongeshi.

Hebreu 3:1

Kashika akwetu, yenu waze Zambi hanatambika, chanutamba kunyonga Yesu, yoze Zambi hanatumu hanga abwe Mwata wa mahako ja Zambi hakutwala ku ufulielo wetu.

1 Petulu 1:1

Yami Petulu, kanganda ka Yesu Kristu, ngunanusonekena yenu waze Zambi atongwele, yenu njize waze nunamwangashana mu yifuchi ya Pontu, ni Galashia, ni Kapadosia, ni Asia, ni Bitinia.

2 Petulu 1:1

Yami Simone Petulu, kavumbi ka Yesu Kristu kanda kanganda kenyi. Ngunanusonekena yenu waze hinunatayiza ufulielo ulemu ngwe uze wa yetu. Hinunautayiza ku ululi wa Zambi yetu ni Chilamwina Yesu Kristu.

2 Yoano 1:1

Mama yoze atongwele Zambi ni ana jenyi, yami mukulwana wa Chikungulwila, ngunanusonekena: chamwenemwene nakunuzanga kuhiana. Hi yami wika ko nakunuzanga, alioze ni waze eswe ananyingika umwenemwene.

3 Yoano 1:1

Mukwetu Gayu, yami mukulwana wa Chikungulwila, ngunakusonekena. Nakukuzanga ni umwenemwene.

Usolwelo 1:1

Mukanda uno unalumbununa yuma yize Yesu Kristu angusolwelele yami Yoano. Zambi yayilweza Yesu hanga alweze tuvumbi twenyi yuma yize muyikeza kulutwe ha shimbu likepe. Kristu yatuma kanganda kenyi ha kungunyingikisa yo.

Usolwelo 1:9

Yami, mukwenu Yoano, mu kulinunga ni Yesu nakumona lamba hamwe ni yenu. Tuli mu Wanangana wenyi, yetu eswe twakulihumikiza mu lamba. Haananguse mu tungu lize akuluka ngwo, Patmu, mumu te nakulongesa maliji a Zambi ni umwenemwene uze angulwezele Yesu.

Usolwelo 18:20

Wahilila yena lilu! Wahililenu yenu akwa Kristu, ni tunganda twa Yesu, ni akwa munanyi a Zambi! Mumu Zambi halibatwila mumu ha yibi yize lianulingile!

Usolwelo 22:8

Yami Yoano, nevwile yuma yino, nayimwene. Mba muze nayivwile, ni muze nayimwene, yingufulamana ku meso ja kanganda ka mwilu yoze wangulwezele yo ni kumuwayila.