Mateu 1:21 - Mukanda Wa Zambi 1970

²¹ Makasema mwana lunga, ukamuluke jina ngwe, Yesu, mumu, makalamwina atu jenyi ku shili yo.”

MUKANDA USANDU WA ZAMBI 1975

²¹ Kumakasema mwana-lunga, ukamuluke jina ngwe, Yesu; mumu iye kumakalamwina atu jenyi ku milonga yo.

Mateu 1:21 Iomraidhean Croise

Ubutukilo 17:19

Alioze Zambi ngwenyi: “Hi chocho ko. Mukwenu pwo Sara makasema mwana wa lunga. Ukamuluka ngwe, Isake. Mungukakolesa nenyi Usendo, ni lie vungu lienyi nawa. We Usendo muukalinduluka ndoo ku miaka yeswe.

Ubutukilo 17:21

Alioze mungukolesa Usendo ni mwane Isake, mwana yoze Sara makasema mwaka uze muwiza ho.”

Ubutukilo 18:10

Umwe mutu yamwamba ngwenyi: “Mungukahiluka ha mwaka uze muwize ho, mba mukwenu pwo Sara makasema mwana wa lunga.” Kuma te Sara kanamana kunyima lia chajilo, kanevu yeswe yize te anambe,

Jeremia 23:6

Muze habwa mwanangana, Ayuda ni Aisraele maakabwa mu uhwimino. Maakamuvuluka ngwo: ‘Mwene Zambi Chilamwina chetu.’ ”

Jeremia 33:16

Ayuda ni akwa Yerusaleme mungukaalamwina, maakabwa mu uhwimino. Lie limbo kumaakalivuluka ngwo: ‘Mwene Zambi Chilamwina Chetu.’

Daniel 9:24

“Atu je ni limbo lino lia chijila hanaabatwila miaka makumi shimbiali yisuho shimbiali aatusule ku yibi yo ni ungulungulu wo. Yibi yo makaakonekena yo. Ululi muukalinduluka ku miaka yeswe hanga Usolwelo ni maliji a munanyi yikamanunuke, zuwo lia Zambi lia chijila maakakunjika lio.

Zakaria 9:9

Yenu akwa Zione, wahililenu, wahililenu! Yenu akwa Yerusaleme kololokenu ni uwahililo! Talenu, mwanangana wenu kaneza kuli yenu! Mukwa kukumba wakangana, hindu mukwa kulikehesa, kanendela hali chimbulu, hali mwana yoze wasemukine kuli chimbulu.

Mateu 1:25

Alioze kalimwene ko nenyi ndoo yasema mwanenyi wa lunga. Josefe yamuluka jina ngwenyi, Yesu.

Luka 1:13

Alioze kangunga ka mwilu yamwamba ngwenyi: “Kanda wivwa woma, Zakaria! Zambi hevwa kuliumba che. Pwo lie, Isabele (Elisabete), kumakasema mwana wa lunga, ukamuluke jina ngwe, Yoano.

Luka 1:31

Muuseseka ufumba muukasema mwana wa lunga, muukamuluka jina ngwe, Yesu.

Luka 2:11

Ufuku unowene, mu limbo lia David, Chilamwina hanusemukina, iye Kristu mwe Mwene!

Luka 2:21

Ha tangwa lia muchinake, ha kumupwisa ngalami, yaamuluka jina ngwo, Yesu, lienalio amulukile kanganda ka mwilu muze te kanda achiseseka mu jimo lia naye.

Yoano 1:29

Muze hikwacha, Yoano yamona Yesu kaneza kuli iye. Yamba ngwenyi: “Talenu mwe Mwana Panga wa Zambi yoze unachiza shili ya akwa hashi.

Yoano 4:42

No yaambila pwo ngwo: “Haliabwila twafuliela, hi ha yize ko wambululanga yena, alioze mumu hitwamwivwa yetwene. Tunanyingika ngwetu, chamwenemwene kali mwe Chilamwina cha akwa hashi.”

Yilinga 13:23

Ku vungu lize lia mwanangana David, Zambi yasa Yesu ha kubwa Chilamwina cha Aisraele ngwe chize alakenyene.

Yilinga 3:26

Ha chino, Zambi hanahindwisa Kavumbi kenyi, hanamutumu hatangu kuli yenu, mu kunuwahisa nikutewulula mutu mweswe hakachi kenu ku shili yenyi.”

Yilinga 4:12

Kukushi ulamwino muli mukwo niumwe, mumu Zambi kahanyine ko jina lia mutu mukwo kuli atu hano hashi lize mutuhasa kulilamwina nalio.”

Yilinga 5:31

Zambi hanamuzundula ha kubwa ku kwoko lienyi lia chindume, hanga abwe Tetekeli ni Chilamwina. Chenacho Aisraele maahasa kwalumuka ku mbunge jo, ni Zambi maakonekena milonga yo.

Titu 2:14

Hanalihana iye mwene hali yetu, hanga akatulamwine ku yibi yeswe ni kutupwisa akwa mbunge jibema, atu ja iye mwene wika, akwa tachi ha kulinga yitanga yibema.

Hebreu 7:25

Kashika mahasa kulamwina, haliabwila ni ku miaka yeswe, waze akukundama kuli Zambi mu jina lienyi, mumu katwama ni mwono matangwa eswe ha kwahakwila.

1 Yoano 1:7

Alioze, nyi tuli mu pangu ngwe chize Zambi iye mwene kali mu pangu, Chenacho twakuliendela amwe ni akwetu, ni manyinga a Yesu Mwanenyi, kaakutubemesa ku shili yeswe.

1 Yoano 3:5

Nunanyingika ngwenu, Kristu haneza hano hashi ha kuchiza milonga ya atu. Nunanyingika nawa ngwenu, iye keshi shili.

Usolwelo 7:14

Yingukumbulula ngwami: “Mwene, yena Unanyingika, hi yami ko.” Mba yangwambulwila ngwenyi: “Kaali atu waze haanatuhuka ku yihungumiona yinji. Haanakoso mahina jo, hanaatomesa ni manyinga ja Mwana Panga.

Akwa Kuyula 13:3

Kanganda ka mwilu ka Mwene Zambi yasolokela mwe pwo, yamwamba ngwenyi: “Yena uli mumba alioze ha shimbu likepe muuseseka ufumba, muukasema mwana wa lunga

1 Samuel 1:20

Chenacho Hana amichine ufumba, yasema mwana wa lunga. Yamuluka jina Samuel, mumu ngwenyi: “Namwichile kuli Mwene Zambi.”