Marku 9:9 - Mukanda Wa Zambi 1970

⁹ Muze te anapalumuka ha mulundu, Yesu yaaha koki ngwenyi: “Kanda mwambulwila niumwe yize hinwamona ndoo Mwana Mutu makahinduka ku kufwa.”

MUKANDA USANDU WA ZAMBI 1975

⁹ Shimbu machipalumuka ku mulundu, waahele koki ngwenyi, Kanda nukaambulwila niumwe chize nwamona shina muze mwe Mwana Mutu hahinduka mukachi ka afu.

Marku 9:9 Iomraidhean Croise

Mateu 12:19

Kechi kalitachika ni mutu, chibwe kechi kakololoka. Mutu niumwe kechi kevwa liji lienyi mu majila.

Mateu 12:40

Ngwe chize Yona abwile mu jimo lia yishi munene matangwa atatu a mwalwa ni ufuku, Chenacho nawa, mwe Mwana Mutu makabwa mu kalunga matangwa atatu a mwalwa ni ufuku.

Mateu 16:21

Chize ku tangwa lize, Yesu yabutuka kwambulula mwazu kuli tumbaji twenyi ngwenyi: “Changutamba kuya ku Yerusaleme. Kwenako makulwana ja Ayuda ni mahako a lutwe a Zambi, ni alongeshi a Shimbi maakangumwesa lamba linji, maakangushiha, mba ha tangwa lia muchitatu Zambi kumakanguhindwisa.”

Mateu 27:63

yaamba ngwo: “Mwanangana, tunewuluka mukwa kwonga yoze, muze abwile ni mwono, kwamba chenyi ngwenyi: ‘Ha tangwa lia muchitatu mungukahinduka.’

Mateu 8:4

Mba Yesu yamwamba ngwenyi: “Unevu? Kanda ukambulwila mutu niumwe. Alioze yako ukaliweze kuli hako wa Zambi. Mba lambula mulambu uze ambile Mose, ni kulweza eswe ngwe, hiwabema.”

Marku 5:43

Yesu yaaha koki chikolo ngwenyi: “Mutu niumwe kanda akachinyingika.” Mba yamba ngwenyi: “Mwehenu Chuma cha kulia.”

Marku 7:36

Yesu yaaha koki chikolo ngwenyi: “Kanda nwambulwila niumwe.” Alioze chibwe waahele koki chikolo, hindu yaachinyingikisa kuhiana.

Marku 9:10

No yaafunga liji lino, alioze yaalihula mukachi ko chize kuhinduka ku kufwa muchibwa.

Marku 9:8

Susumuku tumbaji yaatala sali ni sali, alioze kaamwene mutu niumwe shina Yesu wika.

Luka 24:46

yaamba ngwenyi: “Chenacho hichinasonewa ngwo: Chilamwina yoze Zambi alakenyene chamutamba kumona lamba, ni kuhinduka ku kufwa ha tangwa lia muchitatu.

Luka 9:36

Muze liji hiliahanjika, yaamona lume Yesu ukawenyi. Tumbaji yaahola kuluu hakutwala ku chikuma chize. Ha tangwa lize kalwezele mutu niumwe yuma yize amwene.