Marku 9:41 - Mukanda Wa Zambi 1970

⁴¹ Yoze manwaha musenge wa meya a kunwa mumu nuli a Kristu chamwenemwene ngunanwambulwila ngwami, mutu yoze makatambula chawana chenyi.”

MUKANDA USANDU WA ZAMBI 1975

⁴¹ Mumu mweswawo manwaha musenge wa meya a kunwa, mumu nuli a Kristu, pundu ngunambe kuli yenu ngwami, Yoze kechi katokesa kwononona chenyi nichimwe.

Marku 9:41 Iomraidhean Croise

Mateu 10:42

Chamwenemwene ngunanwambulwila ngwami, yoze mahana chibwe musenge ukepe wa meya a kekema kuli umwe wa tumbaji twami wano alelu ahiana, mumu kali kambaji kami, makalambula chawana chenyi.”

Mateu 25:40

Mwanangana neye makaakumbulula ngwenyi: ‘Chamwenemwene ngunanwambulwila ngwami, muze nwachilingilile umwe wa kuli wano akwetu jami hi alemu ko, kafwa ngwe, yami nwachilingilile.’

Marku 4:10

Muze Yesu kabwile ko nawa ni mbunga yinene, amwe atu waze amujingilikile, hamwe ni tumbaji kumi ni aali yaamuhula ulumbunwiso wa yishima yize.

A-ROMA 14:15

Nyi wakuvwisa mukwenu chinyengo ha yakulia yize wakulia, kumana kuushi kumuzanga nawa. Tala kanawa, kuchina mutu yoze Kristu hanamufwila, makatoka mumu ha yakulia ye.

A-ROMA 8:9

Nyi chamwenemwene Mwiku wa Zambi watwama muli yenu, kachi kunushi kwenda nikulita ni ndako yibi ya uutu, alioze nikulita ni ndako ya Mwiku wa Zambi. Yoze keshi Mwiku wa Kristu, hi ni wenyi ko.

1 Korintu 15:23

Alioze Zambi kakuhindwisa atu wasula ko wasula ko: Hatangu hanahindwisa Kristu, mba kulutwe makahindwisa akwa kufuliela ha kuhiluka cha Kristu.

1 Korintu 3:23

ni yenu nuli a Kristu, ni Kristu kali wa Zambi.

2 Korintu 10:7

Yenu nwakutala yuma yize yakusoloka ku meso. Nyi mutu kanalinyonga ngwenyi, kali wa Kristu, chamutamba kunyonga Chuma chino nawa, mumu yetu nawa tuli akwa Kristu ngwe iye.

Galashia 3:29

Nyi nuli a Kristu, nuli ana ja Abrahama, nuli maswana nikulita ni chilakenyo cha Zambi.

Galashia 5:24

Akwa Kristu haanashiha usolo Ubi ni kuzanga chibi cha uutu wo.