Marku 9:3 - Mukanda Wa Zambi 1970

³ Mahina jenyi yaabeyima kuhiana, yaatoma lume. Mukwa kukosa niumwe hano hashi mahasa kwatomesa chichize.

MUKANDA USANDU WA ZAMBI 1975

³ mahina jenyi alumukine a kupeyima, atoma ahiana ngwe neve, ngwe mukwa kutomesa mahina hano hashi niumwe mahasa kwatomesa.

Marku 9:3 Iomraidhean Croise

Miaso (Masamu) 51:7

Nguchize kama shili yami hanga ngubeme, ngusanyise hanga ngubeme kuhiana.

Miaso (Masamu) 68:14

Muze Zambi, Mukwa Ndundo Jeswe, hamwanga mianangana ha mulundu wa Zalmone, yanokesa neve (neige) hazehene ha mulundu.

Izaya 1:18

Mwene Zambi kanambe ngwenyi: “Tweyenu haliabwila tulivwe, chibwe milonga yenu yachila naye ngee, kumuyibwa yitoma ngwe chiwe. Chibwe yibeka yenu ya mu mbunge yahiana naye kuchila, kumuyibwa yitoma ngwe Wanda.

Daniel 7:9

Muze te ngunatale, yaasa yitwamo ya wanangana mu mihela yayo. Mba umwe, yoze wabwile ni mwono chize ku miaka yeswe, yatwama ha chimwe chitwamo. Mahina jenyi yaabwa atoma ngwe chiwe, kambu jenyi yiijibwa ngwe Wanda utoma. Chitwamo chenyi yichisoloka ngwe milengi ya kahia, yichibwa ha yijingo ya kahia kaze kanalengenya,

Mateu 28:3

Yahenya ngwe muhenyo, mahina jenyi yaabwa atoma ngwe chiwe.

Marku 9:4

Hohene Eliya ni Mose yaasoloka, te pande anate ni Yesu.

Luka 9:29

Muze te analembe, meso jenyi yaalumuka, ni mahina jenyi yaatoma kuhiana.

Yilinga 10:30

Korneliu yakumbulula ngwenyi: “Ha ola ngwe yinoyene, matangwa atatu haabalika, te ngunalembe mu zuwo liami ha ola ya muchitatu ya chingoloshi. Susumuku mutu kanamana ku meso jami, te kanazala mahina abeyima.

Usolwelo 19:18

Tweyenu hanga nulie misunya ya mianangana anene anene, ni misunya ya tujita ni ya miata jo, ni misunya ya tuvwalu ni ya waze akutwama hali ayo, ni misunya ya atu eswe, ni ya ndungo ni enyaho, ni ya makulwana ni ya twanuke!”

Usolwelo 7:14

Yingukumbulula ngwami: “Mwene, yena Unanyingika, hi yami ko.” Mba yangwambulwila ngwenyi: “Kaali atu waze haanatuhuka ku yihungumiona yinji. Haanakoso mahina jo, hanaatomesa ni manyinga ja Mwana Panga.

Usolwelo 7:9

Munabwamuze yingutala nawa, mba yingumona mbunga ya atu anji. Niumwe wahashile kwalula atu waze eswe! Atu a ku chifuchi cheswe, ni a ku vungu heswe, ni a kuli atu eswe, ni a ku maliji eswe. Kaanamana kulutwe lia chitwamo cha wanangana ni ku meso ja Mwana Panga, kaanazala mahina atoma, kaanakwata mitango ya mingaji mu moko jo.