Marku 9:25 - Mukanda Wa Zambi 1970

²⁵ Yesu, ha kumona mbunga ni kukundama fuji, yakalumukina mwiku wa luchisa ngwenyi: “Yena mwiku wa kanaye kanda kafwa matwi, ngunakwambe ngwami, tuhuka muli iye. Kanda umunjila mo nawa.”

MUKANDA USANDU WA ZAMBI 1975

²⁵ Muze Yesu amwene mbunga azombokele nikulikungulula, Wámbilile Spiritu ya luchisa ngwenyi, Yena spiritu ya kamama kanda ya kafwamatwi, ngunakwambe ngwami, Tuhuka muli iye, kanda ukanjila nawa muli iye.

Marku 9:25 Iomraidhean Croise

Zakaria 3:2

Mwe kanganda ka Mwene Zambi, yambila Sakwonga ngwenyi: “Sakwonga, Mwene Zambi akukande! Mwene Zambi yoze wakuzanga Yerusaleme akukande. Mumu mutu yono kali ngwe mutondo uze haachangumuna mu kahia.”

Mateu 12:22

Atu yaanehena Yesu kapuputa kanda kanaye, mumu te mwiku wa luchisa akwete. Yesu yamuwuka, mba mwe mutu yabutuka kuhanjika ni kumona.

Mateu 17:18

Yesu yakalukila mwiku wa luchisa. Yiutuhuka muli mwana. Mwe mwana yahinduka shimbu lizeliene.

Marku 9:15

Ha kumona Yesu, mbunga yaalishimwoka kuhiana, yaazomboka fuji kuli iye, yaamumeneka.

Marku 9:24

Hazehene tato yakololoka ngwenyi: “Ngunafuliela. Ngukwase kama, ufulielo wami ukepe.”

Marku 9:26

Mwiku wa luchisa yiukololoka ni liji linene, yiumutunyisa kuhiana, mba yiutuhuka. Mwana yabwa ngwe mufu lume, chocho anji yaamba ngwo: “Hafwa.”

Luka 11:14

Yesu te kanatuhwisa mwiku wa luchisa muli kamama. Muze mwiku hiwatuhuka, kamama yabutuka kuhanjika. Mbunga yaalishimwoka kuhiana.

Luka 4:35

Yesu yakalukila mwiku wa luchisa ngwenyi: “Haa! Hola, tuhuka muli mutu yono!” Mwiku yiulimbwisa mwe mutu hashi ku meso ja eswe, yiumutuhuka; kuwamulemekene ko nichimwe.

Luka 4:41

Mwiku wa luchisa yiutuhwoka muli mieji anji ni kukololoka ngwo: “Mwe Mwana Zambi yena!” Alioze Yese yaukanjisa, yawaha koki, mumu yiunyingika ngwo kali Chilamwina yoze Zambi alakenyene.

Luka 8:29

Yamba chino mumu Yesu hambila mwiku wa luchisa atuhuke muli iye. Mwiku uno te wakumubinjisa yisuho yinji. Atu yaamukasakasa moko ni molu ni ngoji ja utale ha kumufunga. Alioze yajibatwola, ni mwiku yiumutwalatwala kuma ku puya.

Luka 9:42

Muze mwana aneza, mwiku wa luchisa yiumulimbwisa hashi, yiumutunyisa chikolo. Yesu yakalukila mwiku, yawuka mwana, mba yamwahana kuli tato.

Yilinga 16:18

Chuma chino yachilinga matangwa anji. Mba Paulu yevwa kubihia, yatewuluka, yambila mwiku wa luchisa ngwenyi: “Ngunakwambe mu jina lia Yesu Kristu, ngwami, tuhuka muli mwana pwo yono.” Yiumutuhuka shimbu lizeliene.

Yuda 1:9

Chibwe Mikele, kanganda wa lutwe wa mwilu, muze alihamikine ni Sakwonga hakutwala ku mujimba wa Mose, kahamukine ko kumushililika, alioze yamba ngwenyi: “Mwene Zambi akukande!”