Marku 9:23 - Mukanda Wa Zambi 1970

²³ Yesu ngwenyi: “Kuwamba ngwe: ‘Nyi muuhasa.’ Yuma yeswe muyihasa kubwa kuli yoze unafuliela.”

MUKANDA USANDU WA ZAMBI 1975

²³ Yesu wambile kuli iye ngwenyi, Kachi muhasa kufuliela, yuma yeswe muyihasa kupwa kuli yoze mafuliela.

Marku 9:23 Iomraidhean Croise

2 Sango Ja Mianangana 20:20

Atu yaalimeneka, yaaya ku puya hehi ni limbo lia Tekoa Muze te anakatuka, mwanangana yaalweza ngwenyi: “Yenu malunga ja Yuda ni a Yerusaleme! Jikijilenu hali Mwene Zambi yenu, mba munujikiza. Fulielenu yize ananulweze kuli akwa munanyi jenyi, mba munukumba.”

Mateu 14:29

Yesu ngwenyi: “Tweya!” Petulu yatuhuka mu wato, yabutuka kwenda ha meya nikuya kuli Yesu.

Mateu 17:20

Yesu ngwenyi: “Mumu ufulielo wenu ukepe. Chamwenemwene ngunanwambulwila ngwami, nyi nuli ni ufulielo ngwe lunona wa mostarde, kachi munwamba ku mulundu uno ngwenu: ‘Tutuluka, ulimbile akuze,’ newo muututuluka. Nichimwe kunuchi kachisa kenu! [

Marku 11:23

Chamwenemwene ngunanwambulwila ngwami, yoze mamba ku mulundu uno ngwenyi: ‘Tangumuka, ulimbile mu kalunga lwiji,’ nyi kechi kuyambashana mu mbunge yenyi, alioze mafuliela, cheswacho mamba kumuchikabwa.

Marku 9:22

Yisuho yinji mwiku wa luchisa te wakumulimbwola mu kahia ni mu meya hanga amushihe. Alioze, nyi muuhasa kulinga chimwe Chuma, tuvwile kama keke, utukwase.”

Marku 9:24

Hazehene tato yakololoka ngwenyi: “Ngunafuliela. Ngukwase kama, ufulielo wami ukepe.”

Luka 17:6

Neye ngwenyi: “Nyi nuli ni ufulielo ngwe lunona wa mostarde, kachi munuhasa kwambila mutondo uno ngwenu: ‘Tangumuka, ulitumbe mu kalunga lwiji,’ newo kumuunwononokena.”

Yoano 11:40

Yesu ngwenyi: “Chakwambile ngwami, nyi muufuliela, muumona uhenya wa Zambi, nyi?”

Yilinga 14:9

Yabanjika yize ahanjekele Paulu. Mwenawo yamuhulikila meso nee. Paulu yamumona ngwe kali ni ufulielo wa kubwa mungunu,

Hebreu 11:6

Niumwe mahasa kubemena kuli Zambi, shina ni ufulielo. Mumu yoze unakundama kuli Zambi chamutamba kufuliela ngwenyi, Zambi kwali, ni kakuhana chawana kuli waze akumufupa.