Marku 9:22 - Mukanda Wa Zambi 1970

²² Yisuho yinji mwiku wa luchisa te wakumulimbwola mu kahia ni mu meya hanga amushihe. Alioze, nyi muuhasa kulinga chimwe Chuma, tuvwile kama keke, utukwase.”

MUKANDA USANDU WA ZAMBI 1975

²² Ni kanji hanamulimbwola mu kahia ni mu meya, hanga amwonwone: alioze kachi muhasa kulinga chuma chimwe, tuvwile kama keke, utukwase kama.

Marku 9:22 Iomraidhean Croise

Mateu 14:31

Hazehene Yesu yolola kwoko, yamukwata, yamwamba ngwenyi: “Ufulielo we ukepe! Kuchi te unayambashana?”

Mateu 17:15

“Mwene, muvwile kama mwanami wa lunga keke. Yikola ya chikonya akwete. Kakubinda chinji; kanji akulimbwokela ha kahia ni mu meya.

Mateu 20:34

Yesu yeevwila keke, yasa moko ha meso jo. Hazehene yaalaula, yaamukaula.

Mateu 8:2

Mukwa mbumba yamukundama, yaliumba ha makungunwa ku meso ja Yesu ngwenyi: “Mwene, nyi unazange muuhasa kama kungubemesa.”

Mateu 9:28

Muze Yesu hanjila mu zuwo, tupuputa yaamukundama. Yesu yaahula ngwenyi: “Nunafuliela ngwenu, ngunahase kulinga chino, nyi?” Yaamukumbulula ngwo: “Ewa, Mwene!”

Marku 5:19

Alioze Yesu kamutayijile ko. Yamwamba ngwenyi: “Hiluka ku mahie, ku vungu lie, ni kwalweza yuma yinene yize Mwene hakulingila, ngwe chize akuvwilanga keke.”

Marku 9:21

Yesu yahula tato ngwenyi: “Miaka yingahi akubwa chechize?” Tato ngwenyi: “Chize ku ukemba wenyi.

Marku 9:23

Yesu ngwenyi: “Kuwamba ngwe: ‘Nyi muuhasa.’ Yuma yeswe muyihasa kubwa kuli yoze unafuliela.”

Luka 7:13

Muze hamumona, Mwene yamuvwila keke, yamwamba ngwenyi: “Kanda ulila.”