Marku 9:2 - Mukanda Wa Zambi 1970

² Muze matangwa asambano haabalika, Yesu yatwala hamwe nenyi Petulu, ni Tiangu (Jake), ni Yoano. Yaakandwisa ha mulundu usuku, haze yabwa ukawo. Kwenako kusoloka chenyi yichalumuka.

MUKANDA USANDU WA ZAMBI 1975

² Mba kulutwe lia matangwa asambano, Yesu yatwala hamwe nenyi Petulu ni Tiangu, ni Yoano, yaakandwisa mulundu usuku, ukawo: iye walumukine kumeso jo;

Marku 9:2 Iomraidhean Croise

1 Yitanga Ya Mianangana 18:33

Yatengeka kunyi ha chilumbilo, yabatwola mwe kuji, yanangieka tumba ja yifwo ha kunyi. Mba yambila waze akungulukile ko ngwenyi: “Zalisenu milondo yiwana ya meya, yimwanginenu ha chilumbilo ni ha kunyi.” No yaalinga Chenacho.

1 Yitanga Ya Mianangana 18:42

Ahabe yaya, yalia, yanwa. Alioze Eliya yakanduka ha mulundu wa Karmele, yahetamina hashi, yasa mutwe ha makungunwa.

Kutuhuka 24:13

Mose yalilulika hamwe ni chikwashi chenyi Yoshua, mba yaakanduka ha mulundu wa Zambi.

Izaya 33:17

Munukamona nawa mwanangana wa uhenya nikuyula akwa chifuchi chize chinatande ku mbango jeswe ja hashi.

Izaya 53:2

Mwene Zambi mwe wazangile ngwenyi, kavumbi kenyi atatuke ngwe chibuta chize chinatande miji mu mavu omu. Mwe kavumbi te keshi ubeme wa mujimba hanji wa ku meso, hanga tumutale. Te keshi uhenya, te keshi ni Chuma chize muchitukoka kuli iye.

Mateu 14:13

Ha kwivwa sango jino, Yesu yakatuka ko, yanjila mu wato, yaya kuma kwa ukawenyi. Alioze mbunga yaachinyingika, yaatuhuka mu membo, yaamukaula hashi.

Marku 14:33

Mba yaya ni Petulu, ni Tiangu (Jake), ni Yoano, yabutuka kwivwa chinyengo chinji ni kulema mu mbunge,

Marku 16:12

Kulutwe lia yino yuma, Yesu yasolokela tumbaji aali ni chifwa cheka, te ku minda anayi.

Marku 5:37

Yesu katayijile mutu niumwe kuya nenyi, shina Petulu, ni Tiangu (Jake), ni mwanakwo Yoano.

Luka 6:12

Ha matangwa waze Yesu yakanduka ha mulundu mu kulemba, yahwishila ko ufuku weswe ni kulemba Zambi.

Yoano 1:14

Lie Liji yilialumuka mutu, yatwama mukachi ketu, mukwa utu ni umwenemwene. Yitumona uhenya wenyi unji, uhenya uze mwe Mwana hanatambula kuli Tato.

A-ROMA 12:2

Kanda nulitesa ni ndako ya hano hashi alioze tayizenu Zambi anwalumune manyonga jenu. Mba munuhasa kunyingika upale wa Zambi, yuma yibema, ni yize yakumuwahila, ni yize yinalite.

2 Korintu 13:1

Chino chisuho cha muchitatu mungukanuheta. Mukanda wa Zambi unambe ngwo: “Yela aali hanji atatu chaatamba kushindakenya chikuma cheswe chize maasumana.”

Filipu 3:21

Mwenawo makalumuna mijimba yetu yilelu ha kuyipwisa ngwe mujimba wenyi wa uhenya. Makachilinga ni ndundo jize mahasa kuzeyesa najo yuma yeswe.

Usolwelo 20:11

Mba yingumona chitwamo chitoma chinene cha wanangana ni yoze watwamine ho. Hashi ni lilu yiichina ku meso jenyi, kaayimwene ko nawa.