Marku 9:12 - Mukanda Wa Zambi 1970

¹² Yesu ngwenyi: “Chenacho, Eliya chamutamba kwiza hatangu ni kululika yuma yeswe. Alioze kuchi mba hichinasonewa mu Mukanda wa Zambi ngwo: ‘Mwana Mutu chamutamba kwivwa lamba linji, mamupwisa wamokomoko’?

MUKANDA USANDU WA ZAMBI 1975

¹² Iye wambile kuli ayo ngwenyi, Eliya chamwenemwene mahanga kwiza, akalulike yuma yeswe: alioze ngwe kuchi chinasonewa hali mwe Mwana Mutu ngwo, Makevwa lamba linji, makamupwisa wamokomoko?

Marku 9:12 Iomraidhean Croise

Miaso (Masamu) 74:22

Zambi, hinduka, ulihakwile yena mwene! Iwuluka, atu waze akukulelesa, akukusaula tangwa lieswe.

Izaya 49:7

Zambi Munangi wa Aisraele kanda Mukwa Kwakula kanambila kavumbi ka akwa kuyula yoze akulelesa ni kuvutwokela kuli mavungu, ngwenyi: “Mianangana maakamona chize muukatusuka, maakakatuka ni kukulemesa. Ana ja mianangana a malunga no maakachimona nawa, kumaakafukama ku meso je ni kukulemesa.” Chino muchikabwa mumu Mwene Zambi hanatongola kavumbi kenyi; Zambi munangi wa Aisraele hanamanununa yilakenyo yenyi.

Izaya 50:6

Nakunjikile nyima yami kuli waze angulambile. Chaakanjishile ko muze angusawile, muze angusuchile wevu, ni kungufwila mate ku meso.

Izaya 52:14

Atu anji evwile kubiha muze amumwene; chifwa chenyi yichalumuka, kuchabwile ko nawa ngwe cha mutu.

Zakaria 11:13

Mwene Zambi yangwamba ngwenyi: “Mbongo je jise mu mushete mu zuwo lia Zambi.” Kashika nanjile je mbongo ja prata makumi atatu, ye ndando yinji yize angunyongenene, yingujisa mu mushete mu zuwo lia Zambi.

Zakaria 13:7

Mwene Zambi Mukwa Ndundo Jeswe kanambe ngwenyi: “Mukwale katuka, limike ni kafunga yoze wakungulingila milimo! Mushihe, mba mapanga maamwangana. Mungukalimika ni atu jami,

Malaki 4:6

Neye makakwasa atata ni ana jo kulivwa nawa. Nyi ka, kachi mungukeza ni kwonona chifuchi chenu.”

Mateu 16:21

Chize ku tangwa lize, Yesu yabutuka kwambulula mwazu kuli tumbaji twenyi ngwenyi: “Changutamba kuya ku Yerusaleme. Kwenako makulwana ja Ayuda ni mahako a lutwe a Zambi, ni alongeshi a Shimbi maakangumwesa lamba linji, maakangushiha, mba ha tangwa lia muchitatu Zambi kumakanguhindwisa.”

Mateu 26:24

Mwana Mutu kumafwa ngwe hichinasonewa mu Mukanda wa Zambi, alioze lamba lienyi mutu yoze, kachi te kasemukine ko kwenyi!”

Marku 10:33

“Banjikenu! Tunayi ku Yerusaleme. Kwanako maakakunjika Mwana Mutu kuli mahako a lutwe a Zambi ni alongeshi a Shimbi. No maakamuhisa hanga akafwe, maakamukunjika kuli yilambala.

Marku 9:13

Alioze ngunanwambulwila ngwami, Eliya haneza kulu. Atu haanamulingi chize cheswe azangile, ngwe chize hichinasonewa hakutwala kuli iye.”

Marku 9:31

mumu yalongesa tumbaji twenyi. Yaamba ngwenyi: “Maakunjika Mwana Mutu ku moko ja atu waze maakamushiha. Mba ha tangwa lia muchitatu kumakahinduka.”

Luka 1:76

“Ni yena, mwanami, maakakuvuluka ngwo, mukwa munanyi wa Zambi Mwilu Mwahiana. Muukatetekela kulutwe lia Mwene. Muukumululikila jila yenyi,

Luka 23:11

Herode ni tujita twenyi yaamukekuna, yaamulelesa, yaamujika hina lia lubula, yaamuhilwisa maha Pilatu.

Luka 23:39

Umwe wa kuli yingulungulu waze ahachiwile ha makulusu yamusaula ngwenyi: “Mwe Chilamwina yoze Zambi alakenyene yena, nyi? Lilamwina yena mwene ni yetu nawa!”

Yilinga 1:6

Kashika muze tunganda alikungulwile ni Yesu, yaamuhula ngwo: “Mwene, haliabwila muuhilwisa Wanangana kuli Aisraele, nyi?”

Yilinga 4:11

Yesu mwe yoze Mukanda wa Zambi unambe ngwo: ‘Liwe lize yenu tungi nwalitunyine hiliabwa liwe lia mu mbango, lize liakolesa zuwo.’