Marku 8:34 - Mukanda Wa Zambi 1970

³⁴ Hazehene yatambika mbunga hamwe ni tumbaji twenyi, yaamba ngwenyi: “Nyi umwe mazanga kungukaula, alitwamine kulinyonga iye mwene, azundule kulusu yenyi, angukaule.

MUKANDA USANDU WA ZAMBI 1975

³⁴ Watambikile kuli iye mbunga hamwe ni tumbaji twenyi, wambile kuli ayo ngwenyi, Kachi umwe mazanga kungukaula, akalikale liakulu iye mwene, akazundule kulusu yenyi, akangukaule.

Marku 8:34 Iomraidhean Croise

1 Yitanga Ya Mianangana 14:8

Yinguchangumuna wanangana ku jiko Ha David, yingukwaha wo. Alioze yena, kuwembulwile ko kavumbi kami David, yoze wafungile Shimbi jami ni kungulingila ni mbunge yeswe.

Kwalula 14:24

Alioze Kaleba, kavumbi kami, kali ni manyonga eka, hangufuliela yami, mungumutwala ku chifuchi chize ayile ni kwendesa. Vungu lienyi maakazuka che chifuchi

Mateu 10:38

Yoze keshi kuzundula kulusu yenyi ni keshi kungukaula, kangutelele ko.

Mateu 16:24

Yesu yambila tumbaji twenyi ngwenyi: “Nyi umwe mazanga kungukaula, alitwamine kulinyonga iye mwene; azundule kulusu yenyi, angukaule.

Mateu 27:32

Shimbu maachituhuka mu limbo, yaatakana ni umwe mutu wa ku Sirene, jina lienyi Simone. No yaamwaha kulusu ya Yesu ni tachi hanga ayimbate.

Marku 10:21

Yesu yamutala ni zango, yamwamba ngwenyi: “Hindu Chuma chimuwika unahono. Yako, ulanjise yeswe yize uli nayo, utetele yiswale mbongo jize, muukabwa ni ubite mwilu. Mba Wize ungukaule.”

Marku 7:14

Yesu yatambika nawa mbunga ngwenyi: “Banjikenu, yenu eswe, hanga chikanulumbunukine ngwo,

Luka 13:24

“Litachikenu kunjila ku chikolo chikepe, mumu ngunanwambe ngwami, anji maakazanga kunjila mo, alioze keechi kahasa.

Luka 14:33

Yesu yawezaho ngwenyi: “Chimuwika nawa, niumwe wa kuli yenu mahasa kubwa kambaji kami shina mehuka yize yeswe ali nayo.”

Luka 18:22

Ha kwivwa chino, Yesu yamwamba ngwenyi: “Hindu chimuwika unahono. Lanjisa yeswe yize uli nayo, utetele yiswale mbongo jize, muukabwa ni ubite mwilu. Mba Wize ungukaule.”

Luka 20:45

Muze te mbunga anamubanjika, Yesu yambila tumbaji ngwenyi:

Luka 9:23

Mba yambila eswe ngwenyi: “Nyi umwe mazanga kungukaula, alitwamine kulinyonga iye mwene, azundule kulusu yenyi tangwa ha tangwa, angukaule.

Yoano 10:27

Mapanga jami kaakwivwa liji liami, ni yami ngunaanyingika, no kaakungukama.

Yoano 19:17

Yesu yatuhuka mu limbo ni kumbata kulusu lienyi, yaya kuma kuze akuvuluka ngwo: “Homa lia Balanga lia Mutwe.” (Mu hebreu ngwo: “Golgota.”)

Yilinga 14:22

yaakolesa tumbaji, yaatakamisa amane nguu mu ufulielo, yaamba ngwo: “Chatutamba kunjila mu Wanangana wa Zambi ni lamba linji.”

A-ROMA 6:6

Tunanyingika ngwetu, Zambi hanashihi uutu wetu Ukulu hamwe ni Kristu ha kulusu, hanga uutu wetu ukafwe lume, ni hanga kutuchikabwa nawa ndungo ja shili.

A-ROMA 8:17

Tuli ana jenyi, kashika, tuli nawa maswana ja Zambi ni maswana hamwe ni Kristu. Mumu, nyi mutwivwa lamba hamwe ni Kristu, kachi mutubwa nawa hamwe nenyi mu uhenya wenyi.

1 Korintu 15:31

Akwetu, tangwa heswe nguli mu utoji wa kufwa! Hingunanwambulwila yuma yino mumu nakuwahilila ni yenu mu kuliendela chetu ni Kristu Yesu, Mwene wetu.

1 Korintu 8:13

Nyi mukwetu mavulumuna ha chikuma cha kulia, chichi kalia nawa yifwo nichimwe, hanga chichi kuvulumwisa mukwetu.

1 Korintu 9:19

Nguli mukwa kutusuka, hi nguli ko ndungo ya mutu niumwe. Alioze nakulipwisa ndungo ya atu eswe ha kukoka atu anji ahiana.

Galashia 2:20

Kashika hi yami ko nguli ni mwono, alioze Kristu kali ni mwono muli yami. Mwono uze nguli nawo haliabwila, nguli nawo ha kufuliela. Mwana Zambi, yoze wanguzangile ni wakunjikile mwono wenyi hali yami.

Galashia 5:24

Akwa Kristu haanashiha usolo Ubi ni kuzanga chibi cha uutu wo.

Galashia 6:14

Alioze yami chahashile kulisamba shina hakutwala ku kulusu ya Mwene Yesu Kristu. Mumu ku tachi ja kulusu yenyi ndako yibi ya hashi hiyinafu kulu hakutwala kuli yami, ni yami hingunafu hakutwala ku ndako yibi ya hashi.

Filipu 3:10

Yuma yize ngunazange yili yino: kunyingika Kristu, ni tachi ja uhindukilo wenyi mu mwono wami, ni kumona lamba hamwe nenyi, ni kulikunda hamwe nenyi mu kufwa chenyi,

Filipu 3:7

Alioze yuma yize nanyongene ngwe kuyuka, haliabwila ngunayinyongo ngwe yuma yamokomoko mumu hali Kristu.

Kolosu 1:24

Haliabwila ngunawahilila mu lamba lize nguli nalio mumu hali yenu. Ku lamba liami mu mujimba nakukwasa kumanununa lamba lize linasala lia Kristu, lamba lize Kristu amwene mumu ha mujimba wenyi, che Chikungulwila.

Kolosu 3:5

Kashika shihenu yize yeswe ya hano hashi: utanji, ni luchisa, ni kusasaminya chibi, ni usolo ubi, ni lwahu wa mbongo, mumu lwahu wa mbongo kali ngwe kukombelela mahamba.

2 A-TESALONIKA 3:11

Tunanwambe chino mumu hitwevwa ngwo, amwe a kuli yenu kaali akwa ngwaza, keeshi kulinga nichimwe, shina kulichinga mu milonga ya atu akwo.

Titu 2:12

Utu uze unatulongesa ha kwehuka yitanga yibi ni usolo ubi wa uutu, tuliyule, tubwe akwa ululi, ni akwa kulinanga hano hashi.

Hebreu 13:13

Kashika tuyenu haze lia limbo ni kumbata luchoko yoze amuchokele Yesu.

1 Petulu 4:1

Kristu lamba amwene mu mujimba. Kashika ni yenu nawa, litakamisenu ni manyonga waze ene. Mumu mutu, nyi kanamono lamba mu mujimba, keshi nawa ni shili.

1 Petulu 4:13

Alioze wahililenu ha kwivwa limwe lamba lize evwile Kristu, hanga nukawahilile kuhiana muze uhenya wenyi muukasoloka.

2 Petulu 1:14

Mumu ngunanyingika ngwami, kwasala hakepe ngufwe kwami, ngwe chize angulwezele Mwene Yesu Kristu.

1 Yoano 3:16

Ngwe chino tunanyingika chize liabwa zango, ngwetu, Kristu hanakunjika mwono wenyi hali yetu. Kashika, ni yetu nawa, chatutamba kukunjika mwono wetu hali akwetu.

Usolwelo 2:10

Kanda wivwa woma ha lamba lize muukamona. Banjika! Sakwonga makasa amwe hakachi kenu mu zuwo lia lamba ha kunweseka. Munukamona lamba matangwa kumi. Nyongonona mu ufulielo we ndoo ku kufwa, mba mungukakwaha chipangula cha mwono.